Iarraidh ar réamhrialú ón Tribunal Central Administrativo Norte (an Phortaingéil) a taisceadh an 6 Deireadh Fómhair 2025 – SR v Administração Central do Sistema de Saúde, I.P., Escala Braga – Soc. Gestora do Estabelecimento do Hospital de Braga, S.A.

(Cás C-704/25, Administração Central do Sistema de Saúde)

(C/2026/2198)

Teanga an cháis: an Phortaingéilis

An chúirt a rinne an tarchur

Tribunal Central Administrativo Norte

Páirtithe sna príomhimeachtaí

Iarratasóir agus achomharcóir: SR

Cosantóir agus freagróir: Administração Central do Sistema de Saúde, I.P.

Páirti leasmhar: Escala Braga — Soc. Gestora do Estabelecimento do Hospital de Braga, S.A.

Na ceisteanna a tharchuirtear

1)	An bhfuil feidhm ag an gcoincheap ‘gnóthais, gnólachtaí nó codanna de ghnóthais nó de ghnólachtaí’, bíodh siad poiblí nó príobháideach, atá i mbun gníomhaíochta eacnamaíche, cibé acu le haghaidh brabúis nó ar bhonn neamhbhrabúsach, maidir le hospidéal poiblí ar nós Hospital de São Marcos?

2)

Má tá freagra dearfach ar an gceist sin, an gceadaítear le hAirteagal 1(1)(a) agus (c) agus le hAirteagal 3(1) de [Threoir 2001/23/CE (1) ón gComhairle an 12 Márta 2001 maidir le comhfhogasú a dhéanamh ar dhlíthe na mBallstát a bhaineann le cearta fostaithe a choimirciú i gcás aistriú gnóthas, gnólachtaí nó codanna de ghnóthais nó de ghnólachtaí], trí bhíthin conradh arna dhéanamh idir aistreoir agus aistrí, aistriú chearta gníomhacha na gcaidreamh fostaíochta ón aistreoir chuig an aistrí a eisiamh?

---

(1)   IO L 82, 22.3.2001, lch. 16.