Caingean arna tabhairt an 27 Eanáir 2026 – Entain Operations v EUIPO – (sportingbet)

(Cás T-58/26)

(C/2026/1364)

Teanga inar taisceadh an t-iarratas: an Béarla

Páirtithe

Iarratasóir: Entain Operations Ltd (Giobráltar, Giobráltar) (ionadaithe: C. Gommers agus E. Foscolos, Dlíodóirí)

Cosantóir: Oifig Maoine Intleachtúla an Aontais Eorpaigh (EUIPO)

Sonraí na n-imeachtaí os comhair EUIPO

Trádmharc atá faoi cheist: Iarratas ar mharc fíortha de chuid an Aontais ‘sportingbet’ – Iarratas ar chlárú Uimh. 19 088 595

Cinneadh atá faoi chonspóid: Cinneadh ón gceathrú Bord Achomhairc de EUIPO an 26 Samhain 2025 i gCás R 1221/2025-4

An t-ordú atá á lorg

Iarrann an t-iarratasóir ar an gCúirt Ghinearálta:

—	go gcuirfí ar neamhní an cinneadh atá faoi chonspóid ó thaobh na n-earraí agus seirbhísí lena mbaineann;

—	an cás a tharchur ar ais chuig EUIPO le scrúdú a dhéanamh air ó thaobh na n-earraí agus seirbhísí lena mbaineann;

—	a ordú do EUIPO na costais a íoc, ina n-áirítear costais na n-imeachtaí os comhair an Bhoird Achomhairc.

Saincheisteanna dlí arna maíomh

—	Sárú ar Airteagal 7(1)(b) de Rialachán (AE) 2017/1001 ó Pharlaimint na hEorpa agus ón gComhairle;

—	Sárú ar Airteagal 7(1)(c) de Rialachán (AE) 2017/1001 ó Pharlaimint na hEorpa agus ón gComhairle;

—	Sárú ar Airteagal 94 de Rialachán (AE) 2017/1001 ó Pharlaimint na hEorpa agus ón gComhairle;

—	Sárú ar phrionsabal na comhréireachta agus na córa comhionainne.