(1)

An 31 Bealtaine 2024, ghlac Parlaimint na hEorpa agus an Chomhairle Rialachán (AE) 2024/1620 lena mbunaítear an tÚdarás um Fhrithsciúradh Airgid agus um Chomhrac Mhaoiniú na Sceimhlitheoireachta (‘an tÚdarás’).

(2)

Déantar foráil in Airteagal 63 de Rialachán (AE) 2024/1620 maidir le Bord Feidhmiúcháin an Údaráis, atá comhdhéanta de Chathaoirleach an Údaráis agus de chúigear comhaltaí lánaimseartha, lena n-áirítear an Leas-Chathaoirleach. Tá an cúigear comhaltaí lánaimseartha sin le ceapadh ag an gComhairle, ag gníomhú di trí thromlach cáilithe, tar éis do Bhord Ginearálta an Údaráis togra a chur faoi bhráid Pharlaimint na hEorpa, bunaithe ar an ngearrliosta d’iarrthóirí cáilithe arna tharraingt suas ag an gCoimisiún, agus tar éis do Pharlaimint na hEorpa an togra sin a fhormheas. Déantar foráil san Airteagal sin freisin go mbeidh téarma oifige 4 bliana ag an gcúigear comhaltaí lánaimseartha den Bhord Feidhmiúcháin.

(3)

An 22 Bealtaine 2025, ghlac an Chomhairle Cinneadh Cur Chun Feidhme (2) maidir le ceathrar comhaltaí lánaimseartha de Bhord Feidhmiúcháin an Údaráis a cheapadh.

(4)

An 12 Samhain 2025, d’ullmhaigh an Coimisiún gearrliosta iarrthóirí chun an cúigiú comhalta lánaimseartha de Bhord Feidhmiúcháin an Údaráis a cheapadh, agus chuir sé ar fáil do Pharlaimint na hEorpa é. Cuireadh an Chomhairle ar an eolas faoin ngearrliosta an lá céanna.

(5)

An 9 Nollaig 2025, ghlac Bord Ginearálta an Údaráis togra chun Henrica Maria VERBEEK-KUSTERS a cheapadh mar chomhalta lánaimseartha de Bhord Feidhmiúcháin an Údaráis, agus chuir sé faoi bhráid Pharlaimint na hEorpa é lena fhormheas. An 18 Nollaig 2025, d’fhormheas Parlaimint na hEorpa an togra maidir le comhaltaí Bhord Feidhmiúcháin an Údaráis a cheapadh.

(6)

Ba cheart, dá bhrí sin, an cúigiú comhalta lánaimseartha de Bhord Feidhmiúcháin an Údaráis a cheapadh,