Achomharc arna thabhairt an 19 Samhain 2025 ag Martijn Frederik Nouwen i gcoinne bhreithiúnas na Cúirte Ginearálta (an tOchtú Dlísheomra) a tugadh an 10 Meán Fómhair 2025 i gCás T-255/24, Nouwen v an Chomhairle

(Cás C-740/25 P)

(C/2026/1065)

Teanga an cháis: an Ollainnis

Páirtithe

Achomharcóir: Martijn Frederik Nouwen (ionadaí: M. Weijers, Advocaat)

Páirtí eile sna himeachtaí: Comhairle an Aontais Eorpaigh

An t-ordú atá á lorg

Iarrann an t-achomharcóir ar an gCúirt Bhreithiúnais:

—	breithiúnas na Cúirte Ginearálta a chur ar ceal go páirteach;

—	breithiúnas críochnaitheach a thabhairt ar na saincheisteanna is ábhar don achomharc seo; agus

—	a ordú don Chomhairle costais an achomharcóra a íoc.

Saincheisteanna dlí agus príomhargóintí

Baineann an t-achomharc le léiriú agus cur i bhfeidhm na bhfíoras le diúltú atá leagtha amach in Airteagal 4(1)(a)(iii) agus (iv) den Rialachán Trédhearcachta. (1)

Is é dearcadh an achomharcóra gur léirigh an Chúirt Ghinearálta na forais diúltaithe sin go róleathan trí rialú go mbaineann siad freisin le sleachta (ina bhfuil nótaí tráchta agus seasaimh aonair de chuid na mBallstát) nach léiríonn nó nach gcomhfhreagraíonn go riachtanach do sheasamh deiridh na Comhairle. Ina theannta sin, is é tuairim an achomharcóra nach féidir tacú leis an réasúnaíocht a tugadh lena leithéid de dhiúltú.

Dá bhrí sin, ba cheart go mbeadh sé rialaithe ag an gCúirt Ghinearálta go mbaineann an oibleagáid maidir le rochtain pháirteach a dheonú freisin le habairtí (ina bhfuil nótaí tráchta agus seasaimh aonair de chuid na mBallstát lena mbaineann) nach gcomhfhreagraíonn nó nach léiríonn go riachtanach seasamh deiridh na Comhairle.

---

(1)  Rialachán (CE) Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid ó Pharlaimint na hEorpa, ón gComhairle agus ón gCoimisiún (IO 2001, L 145, lch. 43).