1)

I gcomhthéacs comhaontú creidmheasa arna thabhairt i gcrích ag trádálaí agus tomhaltóir a chur ar neamhní ina iomláine, toisc go raibh téarmaí éagóracha sa chomhaontú sin a chuirtear é ó fheidhm ina n-uireasa, an bhfuil Airteagail 6(1) agus 7(1) de Threoir 93/13/CEE ón gComhairle an 5 Aibreán 1993 maidir le téarmaí éagóracha i gconarthaí tomhaltóra, (2) mar aon le prionsabail na héifeachtachta, an chomhionannais agus na comhréireachta, le léiriú sa chaoi go gcuirtear cosc ar fhorálacha náisiúnta ar dá réir a bhfuil an trádálaí i dteideal ús reachtúil ar riaráistí a éileamh ar an tomhaltóir, sa bhreis ar aisíocaíocht mhéid comhionann an chaipitil arna eisíoc agus an comhaontú creidmheasa á chomhlíonadh?

2)

I gcás freagra diúltach ar an gceist roimhe seo, an gcuirtear cosc trí fhorálacha agus prionsabail dhlí an Aontais dá dtagraítear i gCeist 1 ar fhorálacha náisiúnta ar dá réir a bhfuil an trádálaí i dteideal ús ar riaráistí a éileamh ar an tomhaltóir le haghaidh na tréimhse roimh dháta fógartha breithiúnais chríochnaithigh lena gcuirtear an comhaontú creidmheasa ar neamhní chomh maith?