1.

Maidir le hAirteagal 1(2) de Threoir 2011/7/AE ó Pharlaimint na hEorpa agus ón gComhairle an 16 Feabhra 2011 maidir le cur in aghaidh íocaíochtaí déanacha in idirbhearta tráchtála, arna léamh i dteannta Airteagal 2, míreanna 1 agus 3 den Treoir sin,

ní mór léiriú a dhéanamh mar seo a leanas:

ní leor, ann féin, gur bhain duine nádúrtha úsáid as seirbhísí dlíodóra chun cuideachta tráchtála a bhunú, a raibh sé le bheith ina stiurthóir bainistíochta agus ar an mbeirt bhunaitheoirí agus ball uirthi, chun an duine sin a cháiliú mar ‘ghnóthas’ agus, dá bhrí sin, an t-idirbheart a tugadh i gcrích leis an dlíodóir sin a mheas mar bheith ‘tráchtála’, de réir bhrí na bhforálacha seo.

2.

Maidir le hAirteagal 2(b) de Threoir 93/13/CEE ón gComhairle an 5 Aibreán 1993 maidir le téarmaí éagóracha i gconarthaí tomhaltóra,

ní mór léiriú a dhéanamh mar seo a leanas:

tagann faoin gcoincheap ‘tomhaltóir’, de réir bhrí na forála seo, duine nádúrtha a bhfuil conradh tugtha i gcrích aige chun seirbhísí dlí a sholáthar d’fhonn cuideachta tráchtála a bhunú a raibh sé le bheith ina stiurthóir bainistíochta agus ar an mbeirt bhunaitheoirí agus ball uirthi, ar choinníoll nach ndearna an duine sin, tráth thabhairt i gcrích an chonartha, gníomhaíocht neamhspleách eacnamaíoch nó ghairmiúil ina bhféadfaí an conradh sin a chur san áireamh.