Breithiúnas na Cúirte Ginearálta an 19 Samhain 2025– Nouryon Functional Chemicals e.a.v ECHA

(Cás T-1122/23) (1)

(REACH - An substaint dé-treas-búitil 1,1,4,4-teitreameitilteitreameitiléin dé-sárocsaíd - Seiceáil ar chomhréireacht na gclárúchán - Iarraidh go ndéanfar tuilleadh staidéir thocsaineachta - Airteagal 41 de Rialachán (CE) Uimh. 1907/2006 - Earráid fhollasach mheasúnaithe - Earráid fíorais - Comhréireacht - Cinneadh ó Bhord Achomhairc ECHA - Inghlacthacht na n-argóintí atá dírithe i gcoinne chinneadh ECHA)

(C/2026/107)

Teanga an cháis: an Béarla.

Páirtithe

Iarratasóirí: Nouryon Functional Chemicals BV (Amstardam an Ísiltír), Arkema GmbH (Düsseldorf, an Ghearmáin), Pergan Hilfsstoffe für industrielle Prozesse GmbH (Bocholt, an Ghearmáin), United Initiators GmbH (Pullach im Isartal, an Ghearmáin) (ionadaithe: R. Cana agus Z. Romata, avocates)

Cosantóir: an Ghníomhaireacht Eorpach Ceimiceán (ionadaithe: T. Basmatzi, F. Becker agus L. Bolzonello, Gníomhairí)

Ábhar

Lena gcaingean de bhun Airteagal 263 CFAE, iarrann na hiarratasóirí, Nouryon Functional Chemicals BV, Arkema GmbH, Pergan Hilfsstoffe für industrielle Prozesse GmbH agus United Initiators GmbH, go gcuirfí Cinneadh A-009-2022 ó Bhord Achomhairc na Gníomhaireachta Eorpaí Ceimiceán (ECHA) an 19 Meán Fómhair 2023 (‘an cinneadh atá faoi chonspóid’) ar neamhní, lenar dhiúltaigh an Bord Achomhairc sin go páirteach dá gcaingean i gcoinne chinneadh ECHA an 8 Meitheamh 2022 maidir leis an tseiceáil comhlíonta ar an sainchomhad clárúcháin le haghaidh na substainte dé-treas-búitil 1,1,4,4-teitreameitilteitreameitiléin dé-sárocsaíd (‘an tsubstaint lena mbaineann’) arna ghlacadh de bhun Airteagal 41 de Rialachán (CE) Uimh. 1907/2006 ó Pharlaimint na hEorpa agus ón gComhairle an 18 Nollaig 2006 maidir le Clárú, Meastóireacht, Údarú agus Srianadh Ceimiceán (REACH), agus lena mbunaítear Gníomhaireacht Eorpach Ceimiceán, lena leasaítear Treoir 1999/45/CE agus lena n-aisghairtear Rialachán (CEE) Uimh. 793/93 ón gComhairle agus Rialachán (CE) Uimh. 1488/94 ón gCoimisiún chomh maith le Treoir 76/769/CEE ón gComhairle agus Treoir 91/155/CEE ón gCoimisiún, Treoir 93/67/CEE ón gCoimisiún, Treoir 93/105/CE ón gCoimisiún agus Treoir 2000/21/CE ón gCoimisiún (IO 2006 L 396, lch. 1, agus ceartúchán IO 2007 L 136, lch. 3; ‘Rialachán REACH’) (‘an cinneadh tosaigh’).

An chuid oibríochtúil

Cuirtear Cinneadh A-009-2022 ó Bhord Achomhairc na Gníomhaireachta Eorpaí Ceimiceán (ECHA) an 19 Meán Fómhair 2023 ar neamhní a mhéid a cheanglaíonn sé go n-áireofar cohóirt bhreise 2A agus 2B (néarthocsaineacht fhorbartha) sa staidéar sínte ar thocsaineacht ar atáirgeadh thar aon ghlúin a gcaithfidh Nouryon Functional Chemicals BV, Arkema GmbH, Pergan Hilfsstoffe für industrielle Prozesse GmbH agus United Initiators GmbH faisnéis a chur ar fáil ina leith.

2.	Díbhtear an chuid eile den chaingean.

3.	Ordaítear do ECHA, Nouryon Functional Chemicals, Arkema, Pergan Hilfsstoffe für industrielle Prozesse agus United Initiators a gcostais féin a íoc.

(1) IO C, C/2024/770 an 22.1.2024.