P10_TA(2025)0108

Leasú a dhéanamh ar Rialachán (AE) 2023/956 a mhéid a bhaineann le simpliú agus neartú an tsásra coigeartaithe carbóin ar theorainneacha

Leasuithe a ghlac Parlaimint na hEorpa an 22 Bealtaine 2025 ar an togra le haghaidh rialachán ó Pharlaimint na hEorpa agus ón gComhairle lena leasaítear Rialachán (AE) 2023/956 a mhéid a bhaineann le simpliú agus neartú an tsásra coigeartaithe carbóin ar theorainneacha (COM(2025)0087 – C10-0035/2025 – 2025/0039(COD)) (1)

(An gnáthnós imeachta reachtach: an chéad léamh)

(C/2025/6221)

Leasú 1

Togra le haghaidh rialacháin

Aithris 25 a (nua)

Téacs arna mholadh ag an gCoimisiún

Leasú

(25a)

Tá feidhm ag SCCT i leith allmhairiú leictreachais, ach níor cheart feidhm a bheith aige i leith leictreachas a ghintear go hiomlán i limistéar eacnamaíoch eisiach Bhallstát LEE agus a allmhairítear go díreach isteach i gcríoch chustaim an Aontais;

Leasú 2

Togra le haghaidh rialacháin

Airteagal 1 – mír 1 – pointe 5 – pointe b a (nua)

Rialachán (AE) 2023/956

Airteagal 2 – mír 3 b (nua)

Téacs arna mholadh ag an gCoimisiún

Leasú

(ba)	cuirtear an mhír 3b seo a leanas isteach:

3b. De mhaolú ar mhíreanna 1 agus 2, ní bheidh feidhm ag an Rialachán seo i leith leictreachas a ghintear go hiomlán i limistéar eacnamaíoch eisiach Bhallstát LEE agus a allmhairítear go díreach isteach i gcríoch chustaim an Aontais;

Leasú 3

Togra le haghaidh rialacháin

Iarscríbhinn I – mír 1 – pointe 1 a (nua)

Rialachán (AE) 2023/956

Iarscríbhinn IV – pointe 3 – mír 1 – pointe 5

An téacs atá ann

Leasú

(1a)	i bpointe 3, sna nótaí ina mínítear an fhoirmle le haghaidh SEEg sa chéad mhír, cuirtear an méid seo a leanas in ionad an nóta le haghaidh EEInpMat:

nuair is é EEInpMat

na hastaíochtaí leabaithe a ghabhann leis na hábhair (réamhtheachtaithe) ionchuir a caitheadh sa phróiseas táirgthe. Ní bhreithneofar ach ábhair ionchuir (réamhtheachtaithe) a liostaítear mar ábhair atá ábhartha do theorainneacha córais an phróisis táirgthe mar a shonraítear sa ghníomh cur chun feidhme arna ghlacadh de bhun Airteagal 7(7) . Mar seo a leanas a ríomhtar an EEInpMat is ábhartha:

na hastaíochtaí leabaithe a ghabhann leis na hábhair (réamhtheachtaithe) ionchuir a chaitear sa phróiseas táirgthe. Ní dhéanfar ach ábhair ionchuir (réamhtheachtaithe) a liostaítear in Iarscríbhinn I agus de thionscnamh tríú tíortha agus tríú críocha nach bhfuil díolmhaithe de bhun Iarscríbhinn III, Pointe 1, a bhreithniú. Mar seo a leanas a ríomhtar an EEInpMat is ábhartha:

(1) Tarchuireadh an ní ar ais chuig an gcoiste freagrach le haghaidh idirbheartaíocht idirinstitiúideach de bhun Riail 60(4), an ceathrú fomhír (A10-0085/2025).