Caingean arna tabhairt an 13 Deireadh Fómhair 2025 – Zhukova v an Chomhairle

(Cás T-698/25)

(C/2025/6194)

Teanga an cháis: an Béarla

Páirtithe

Iarratasóir: Ekaterina Pavlovna Zhukova (Cathair Pheadair, an Rúis) (ionadaithe: D. Rovetta, M. Campa, V. Villante agus M. Moretto, Dlíodóirí)

Cosantóir: Comhairle an Aontais Eorpaigh

An t-ordú atá á lorg

Iarrann an t-iarratasóir ar an gCúirt Ghinearálta:

—	Airteagal 1, mír (15) agus (16) de Chinneadh (CBES) 2025/1495 ón gComhairle an 18 Iúil 2025 lena leasaítear Cinneadh 2014/512/CBES a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine a chur ar neamhní;

—

Airteagal 1, míreanna (18), (19) agus (20) de Rialachán (AE) 2025/1494 ón gComhairle an 18 Iúil 2025 lena leasaítear Rialachán (AE) Uimh. 833/2014 a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine, a mhéid a bhaineann siad leis an iarratasóir, a chur ar neamhní;

—	Ordú don Chomhairle costas na n-imeachtaí seo a íoc.

Saincheisteanna dlí agus príomhargóintí

Mar thaca leis an gcaingean, maíonn an t-iarratasóir ocht saincheist dlí.

An chéad saincheist dlí lena n-éilítear sárú ar oibleagáidí idirnáisiúnta an Aontais Eorpaigh; sárú ar Airteagal V(2)(d) den Choinbhinsiún maidir le Dámhachtainí Eadrána Coigríche a Aithint agus a Fhorghníomhú. (Nua-Eabhrac, 1958); sárú ar Airteagal 54 de Choinbhinsiún, Rialacháin agus Rialacha ICSID; sárú ar phrionsabal pacta sunt servanda faoi Airteagal 26 de Choinbhinsiún Vín maidir le dlí na gconarthaí.

2.	An dara saincheist dlí lena n-éilítear sárú ar Airteagal 4(3) CAE; sárú ar phrionsabal an chomhair dhílis; sárú ar an oibleagáid gealltanais idirnáisiúnta a chomhlíonadh.

3.	An tríú saincheist dlí lena n-éilítear cur i bhfeidhm mícheart Airteagal 215 CFAE; rogha mhícheart an bhunúis dlí faoi chonarthaí an Aontais Eorpaigh.

4.	An ceathrú saincheist dlí lena n-éilítear sárú ar Airteagail 2, 3 agus 40 den Chonradh ar an Aontas Eorpach agus sárú ar phrionsabal na deimhneachta dlíthiúla agus an ionchais dhlisteanaigh go mbeadh sé contrártha le Rialachán (AE) 1219/2012.

5.	An cúigiú saincheist dlí lena n-éilítear sárú ar phrionsabal ginearálta an Aontais Eorpaigh maidir le hionchais dhlisteanacha; sárú ar phrionsabal na deimhneachta dlíthiúla.

6.	An séú saincheist dlí lena n-éilítear sárú ar an gcomhaontú comhpháirtíochta agus comhair lena mbunaítear comhpháirtíocht idir na pobail Eorpacha agus a mBallstáit, de pháirt amháin, agus Cónaidhm na Rúise, den pháirt eile.

7.	An seachtú saincheist dlí lena n-éilítear sárú ar phrionsabail an neamh-idirdhealaithe; sárú ar Airteagail 20 agus 21 den Chairt um Chearta Bunúsacha; sárú ar Airteagal 14 den Choinbhinsiún Eorpach um Chearta an Duine; sárú ar phrionsabal na comhréireachta.

An t-ochtú saincheist dlí lena n-éilítear sárú ar an gceart chun éisteacht a fháil agus sárú ar an gceart chun cosaint bhreithiúnach éifeachtach a fháil – Airteagail 41(a), 47 agus 48 den Chairt um Chearta Bunúsacha; Airteagail 6 agus 13 den Choinbhinsiún Eorpach um Chearta an Duine; sárú ar an gceart chun maoine – Airteagal 17 den Chairt, Airteagal 1 Prótacal Uimh.1 An Coinbhinsiún Eorpach um Chearta an Duine.