Breithiúnas na Cúirte Ginearálta an 8 Deireadh Fómhair 2025 – PMC Vlissingen Netherlands v an Coimisiún

(Cás T-169/24) (1)

(An comhshaol agus cosaint shláinte an duine - Rialachán (CE) Uimh. 1272/2008 - Aicmiú, lipéadú agus pacáistiú substaintí agus meascán áirithe - Rialachán Tarmligthe (AE) 2024/197 - Aicmiú agus lipéadú ocsaíde débhúitiltine - Critéir chun substaint a aicmiú in aicme ghuaise na tocsaineachta don atáirgeach de chatagóir 1B - Easpa comhairliúchán poiblí maidir le tuairim ón gcoiste riosca ECHA - Gan oibleagáid athbhreithniú a bheith ann - Rialachán (CE) Uimh. 1907/2006 - Crostagairtí - Tocsaineacht mháthar - Earráid fhollasach measúnaithe)

(C/2025/6173)

Teanga an cháis: an Béarla

Páirtithe

Iarratasóir: PMC Vlissingen Netherlands BV (Leiden, an Ísiltír) (ionadaithe: J.-P. Montfort, P. Chopova-Leprêtre agus N. Kyriazopoulou, Dlíodóirí)

Cosantóir: an Coimisiún Eorpach (ionadaithe: J. Jokubauskaitė agus B. Cullen, Gníomhairí)

Idiragraithe, mar thaca leis an gcosantóir: Ríocht na hÍsiltíre (ionadaithe: M. Bulterman agus J. Langer, Gníomhairí), Poblacht na hOstaire (ionadaithe: J. Schmoll, Gníomhaire), Ríocht na Sualainne (ionadaithe: J. Olsson, F.-L. Göransson, C. Meyer-Seitz agus H. Eklinder, Gníomhairí), an Ghníomhaireacht Eorpach Ceimiceán (ionadaithe: A. Hautamäki, A. Deloff-Bialek, W. Broere agus M. Heikkilä, Gníomhairí)

Ábhar

Trína chaingean de bhun Airteagal 263 CFAE, iarrann an t-iarratasóir go gcuirfí ar neamhní Rialachán Tarmligthe (AE) 2024/197 ón gCoimisiún an 19 Deireadh Fómhair 2023 lena leasaítear Rialachán (CE) Uimh. 1272/2008 maidir le haicmiú agus lipéadú comhchuibhithe substaintí áirithe (IO L, 2024/197), a mhéid a thugtar isteach leis aicmiú agus lipéadú comhchuibhithe na substainte ocsaíd débhúitiltine in aicme ghuaise na tocsaineachta don atáirgeach de chatagóir 1B.

An chuid oibríochtúil

1)	Díbhtear an chaingean.

2)	Ordaítear do PMC Vlissingen Netherlands BV a chostais féin chomh maith leis na costais arna dtabhú ag an gCoimisiún Eorpach a íoc.

3)	Ordaítear do Ríocht na hÍsiltíre, Poblacht na hOstaire, Ríocht na Sualainne agus don Ghníomhaireacht Eorpach Ceimiceán (ECHA) a gcostais féin a íoc.

(1) IO C, C/2024/3341, 3.6.2024.