Breithiúnas na Cúirte Ginearálta an 8 Deireadh Fómhair 2025 – NTT Data Belgique agus páirtithe eile v BEI

(Cás T-161/24)  (1)

(Conarthaí seirbhíse poiblí - Nós imeachta tairisceana - Comhairleoireacht TF d’iarratais shonracha BEI - Diúltú do thairiscint an tairgeora - Tairiscint thar a bheith íseal - Oibleagáid cúiseanna a lua - Earráid fhollasach measúnaithe - Comhréireacht)

(C/2025/6172)

Teanga an cháis: an Béarla

Páirtithe

Iarratasóirí: NTT Data Belgique (an Bhruiséil, an Bheilg), Sopra Steria PSF Luxembourg SA (Leudelange, Lucsamburg), UniSystems Luxembourg Sàrl (Bertrange, Lucsamburg), Netcompany – Intrasoft (Ixelles, an Bheilg) (ionadaithe: M. Troncoso Ferrer, L. Lence de Frutos agus N. Korogiannakis, Dlíodóirí)

Cosantóir: An Banc Eorpach Infheistíochta (ionadaithe: T. Gilliams, K. Carr, C. Solazzo agus P. Alegria Torrellas, Gníomhairí, le cúnamh ó H. Plancke agus D. Degrande, Dlíodóirí)

Ábhar

Trína gcaingean de bhun Airteagal 263 CFAE, iarrann na hiarratasóirí go gcuirfí cinneadh ón mBanc Eorpach Infheistíochta (BEI) an 4 Márta 2024 ar neamhní, lenar dhiúltaigh BEI don tairiscint a chuir an cuibhreannas a bhunaigh siad, OMNIA, isteach i gcomhthéacs an nós imeachta soláthair phoiblí a bhaineann leis an nglao ar thairiscintí lena ngabhann an tagairt CFT-1699 agus dar teideal ‘Comhairleoireacht TF le haghaidh iarratais a bhaineann go sonrach le BEI (TAILOR)’, ar an bhforas go raibh sé thar a bheith íseal.

An chuid oibríochtúil

1)	Díbhtear an chaingean.

2)	Ordaítear do NTT Data Belgique, Sopra Steria PSF Luxembourg SA, UniSystems Luxembourg Sàrl agus Netcompany – Intrasoft na costais a íoc, lena n-áirítear iad siúd a bhaineann leis na himeachtaí eatramhacha.

---

(1)   IO C, C/2024/3339, 3.6.2024.