Iarraidh ar réamhrialú ón Oberster Gerichtshof (an Ostair) a taisceadh an 27 Lúnasa 2025 – Verein für Konsumenteninformation v Universal Versand GmbH

(Cás C-568/25, Universal Versand)

(C/2025/6156)

Teanga an cháis: an Ghearmáinis

An chúirt a rinne an tarchur

Oberster Gerichtshof

Páirtithe sna príomhimeachtaí

Iarratasóir: Verein für Konsumenteninformation

Cosantóir: Universal Versand GmbH

Na ceisteanna a tharchuirtear:

An bhfuil Airteagal 22(1) de Rialachán (AE) 2016/679 (1) (‘RGCS’) le léiriú sa chaoi go gciallaíonn sé go bhfuil ‘éifeacht dhlíthiúil’ ag an gcinneadh ó chiandíoltóir diúltú do na modhanna íocaíochta ‘tráthchodanna’ nó ‘ceannach ar chuntas’ arna iarraidh ag an gcustaiméir agus ordú á dhéanamh, ach a bheith sásta dul i mbun an chaidrimh tráchtála leis an gcustaiméir má úsáidtear an modh íocaíochta ‘cárta creidmheasa’ nó ‘PayPal’, atá bunaithe ar mheasúnú uathoibrithe ar dóchúlacht maineachtana íocaíochta an chustaiméara, measúnú a eascraíonn as an bhfíric, tar éis iarraidh uathoibríoch chuig gníomhaireacht creidmheasa ag dearbhú nach bhfuil aithne acu ar an gcustaiméar, nó - i gcás custaiméar aitheanta - mar thoradh ar rátáil chreidmheasa inmheánach, nach bhfuil dóthain creidmheasa ag an gcustaiméir, ar an gcustaiméir nó go bhfuil ‘tionchar suntasach’ ag an gcinneadh sin orthu ar bhealach comhchosúil, ar choinníoll nach ndiúltaíonn an cinneadh sin don ordú féin, ach go bhfuil an custaiméir teoranta do na modhanna íocaíochta a shonraíonn an ciandíoltóir?

Más freagra dearfach a thabharfar ar Cheist 1:

2.a)

An bhfuil Airteagal 22(2)(a) de RGCS le léiriú sa chaoi, chun a chinneadh an bhfuil cinneadh ó chiandíoltóir bunaithe ar mheasúnú uathoibrithe ar dóchúlacht mainneachtana íocaíochta an chustaiméara ionchasaigh, mar a thuairiscítear i gCeist 1, ‘riachtanach’ chun conradh a thabhairt i gcrích idir an custaiméir agus an ciandíoltóir, nach mór nasc ábhartha díreach a bheith ann idir cuspóir conarthach an chonartha atá le tabhairt i gcrích leis an gcustaiméir agus measúnú ar dóchúlacht mainneachtana íocaíochta an chustaiméara?

2.b)

Chun a chinneadh go bhfuil riachtanas faoi Airteagal 22(2)(a) de RGCS, an mór na catagóirí sonraí a bhailítear, ina n-aonar nó i dteannta a chéile, in ann dóchúlacht mainneachtana íocaíochta a mheas go hoibiachtúil?

An gceanglaítear ar an gciandíoltóir nó ar an gcustaiméir a dhearbhú agus a chruthú cé na catagóirí sonraí a bailíodh go sonrach chun measúnú a dhéanamh ar an dóchúlacht mainneachtana íocaíochta agus go bhfuil na catagóirí sonraí sin, ina n-aonar nó i dteannta a chéile, in ann an dóchúlacht mainneachtana íocaíochta a mheas go hoibiachtúil?

Más freagra dearfach a thabharfar ar Cheist 1:

An bhfuil Airteagal 22(2)(a) de RGCS le léiriú sa chaoi gurb í an chinnteoireacht uathoibrithe ag an rialaitheoir atá riachtanach chun an conradh a thabhairt i gcrích nó a chomhlíonadh?

Más freagra dearfach a thabharfar ar Cheist 3:

3.a)

An bhfuil Airteagal 22(2)(a) de RGCS le léiriú sa chaoi, chun a chinneadh an bhfuil gá le cinneadh ó chiandíoltóir, mar a thuairiscítear i gCeist 1, chun an conradh a thabhairt i gcrích, nach mór a shuíomh an féidir le daoine an chinnteoireacht uathoibrithe maidir le deonú nó diúltú an mhodh íocaíochta inmhianaithe a dhéanamh freisin, le hiarracht réasúnta? Cén tábhacht a bhaineann le líon na n-orduithe a fhaigheann an ciandíoltóir agus na gnáthionchais atá ag custaiméirí sa nós imeachta ordaithe ar líne go gcuirfear ar an eolas láithreach iad cé acu a ghlacann nó nach nglacann an t-ordú poist leis an modh íocaíochta is mian leo?

(1) Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht na sonraí sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO 2016 L 119, lch. 1).