Caingean arna tabhairt an 30 Meán Fómhair 2025 – Wazdan Innovations v EUIPO – Push Gaming Product (CLUSTER COLLECTOR)

(Cás T-673/25)

(C/2025/5983)

Teanga inar taisceadh an t-iarratas: an Béarla

Páirtithe

Iarratasóir: Wazdan Innovations ltd. (Ta’ Xbiex, Málta) (ionadaí: D. Hasik, Dlíodóir)

Cosantóir: Oifig Maoine Intleachtúla an Aontais Eorpaigh

Páirtí eile sna himeachtaí os comhair an Bhoird Achomhairc: Push Gaming Product ltd. (Ta’ Xbiex)

Sonraí na n-imeachtaí os comhair EUIPO

Iarratasóir an trádmhairc atá faoi cheist: an t-iarratasóir os comhair na Cúirte Ginearálta

Trádmharc atá faoi cheist: Iarratas ar fhocalmharc de chuid an Aontais Eorpaigh ‘CLUSTER COLLECTOR’ – Iarratas ar chlárú Uimh. 18 897 899

Nós imeachta os comhair EUIPO: Imeachtaí freasúra

Cinneadh atá faoi chonspóid: Cinneadh ón gCéad Bhord Achomhairc de EUIPO an 29 Iúil 2025 i gCás R 2146/2024-1

An t-ordú atá á lorg

Iarrann an t-iarratasóir ar an gCúirt Ghinearálta:

—	an cinneadh atá faoi chonspóid a chur ar neamhní;

—	a ordú do EUIPO agus don idiragraí, más ann dóibh, a gcostais féin a íoc agus na costais iarbhír arna dtabhú ag an iarratasóir sna himeachtaí os comhair na Cúirte Ginearálta agus an Bhoird Achomhairc a chúiteamh.

Saincheisteanna dlí arna maíomh

—	Sárú ar Airteagal 8(1)(b) de Rialachán (AE) 2017/1001 ó Pharlaimint na hEorpa agus ón gComhairle;

—	Sárú ar phrionsabail na córa comhionainne, an dea-riaracháin agus an ionchais dhlisteanaigh a chosaint;

—	Sárú ar Airteagal 94(1) de Rialachán (AE) 2017/1001 ó Pharlaimint na hEorpa agus ón gComhairle.