Breithiúnas na Cúirte Ginearálta an 24 Meán Fómhair 2025 – Mowi Polan v an Coimisiún

(Cás T-354/24)  (1)

(Sláinte Phoiblí - Rialacha sonracha sláinteachais maidir le bia de bhunadh ainmhíoch - Rialachán (CE) Uimh. 853/2004 - Pointe 3(e) den Iarscríbhinn a ghabhann le Rialachán Tarmligthe (AE) 2024/1141 - Caingean le haghaidh neamhniú - Locus standi - Leas in imeachtaí a thionscnamh - Inghlacthacht - An coincheap ‘táirge reoite’ - Easpa comhairliúcháin le EFSA - Airteagal 13 de Rialachán Uimh. 853/2004)

(C/2025/5838)

Teanga an cháis: an Pholainnis

Páirtithe

Iarratasóir: Mowi Poland S.A (Ustka, an Pholainn) (ionadaithe: Z. Kiedacz agus K. Puchalska, Dlíodóirí)

Cosantóir: An Coimisiún Eorpach (ionadaí: M. Owsiany-Hornung, Gníomhaire)

Idiragraí, mar thaca leis an gcosantóir: Poblacht na Fraince (ionadaithe: B. Fodda, B. Travard agus P. Chansou, Gníomhairí)

Ábhar

Lena chaingean de bhun Airteagal 263 CFAE, iarrann an t-iarratasóir go gcuirfí, Mowi Poland S.A., go bunúsach, pointe 3(e) den Iarscríbhinn a ghabhann le Rialachán Tarmligthe (AE) 2024/1141 ón gCoimisiún an 14 Nollaig 2023 lena leasaítear Iarscríbhinní II agus III a ghabhann le Rialachán (CE) Uimh. 853/2004 ó Pharlaimint na hEorpa agus ón gComhairle a mhéid a bhaineann le ceanglais shonracha sláinteachais maidir le feoil, táirgí iascaigh, táirgí déiríochta agus uibheacha áirithe (IO L 2024/1141) (‘an fhoráil atá faoi chonspóid’) ar neamhní.

An chuid oibríochtúil

1.

Cuirtear pointe 3(e) den Iarscríbhinn a ghabhann le Rialachán Tarmligthe (AE) 2024/1141 ón gCoimisiún an 14 Nollaig 2023 lena leasaítear Iarscríbhinní II agus III a ghabhann le Rialachán (CE) Uimh. 853/2004 ó Pharlaimint na hEorpa agus ón gComhairle a mhéid a bhaineann le ceanglais shonracha sláinteachais maidir le feoil, táirgí iascaigh, táirgí déiríochta agus uibheacha áirithe ar neamhní.

2.	Ordaítear don Choimisiún Eorpach a chostais féin agus na costais arna dtabhú ag Mowi Poland S.A. a íoc.

3.	Ordaítear do Phoblacht na Fraince a gcostais féin a íoc.

---

(1)   IO C, C/2024/5119, 26.8.2024