Caingean arna tabhairt an 23 Meán Fómhair 2025 – Shelkov v an Chomhairle

(Cás T-655/25)

(C/2025/5729)

Teanga an cháis: an Béarla

Páirtithe

Iarratasóir: Vladimir Gennadievich Shelkov (Lyubertsy, an Rúis) (ionadaithe: D. Rovetta, M. Campa, V. Villante agus M. Moretto, Dlíodóirí)

Cosantóir: Comhairle an Aontais Eorpaigh

An t-ordú atá á lorg

Iarrann an t-iarratasóir ar an gCúirt Ghinearálta:

—	Airteagal 1, míreanna (15) agus (16) de Chinneadh (CBES) 2025/1495 ón gComhairle an 18 Iúil 2025 lena leasaítear Cinneadh 2014/512/CBES a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine (1) a chur ar neamhní,

—

Airteagal 1, míreanna (18), (19) agus (20) de Rialachán (AE) 2025/1494 ón gComhairle an 18 Iúil 2025 lena leasaítear Rialachán (AE) Uimh. 833/2014 ón gComhairle a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine (2) a chur ar neamhní;

a mhéid a bhaineann siad leis an iarratasóir;

—	a ordú don Chomhairle costais na n-imeachtaí a íoc.

Saincheisteanna dlí agus príomhargóintí

Mar thaca leis an gcaingean, maíonn an t-iarratasóir ocht saincheist dlí.

An chéad saincheist dlí lena n-éilítear sárú ar oibleagáidí idirnáisiúnta an Aontais Eorpaigh — sárú ar Airteagal V(2)(d) den Choinbhinsiún maidir le Dámhachtainí Eadrána Coigríche a Aithint agus a Fhorfheidhmiú (Nua-Eabhrac, 1958), sárú ar Airteagal 54 de Choinbhinsiún ICSID, Rialacháin agus Rialacha agus sárú ar phrionsabal pacta sunt servanda faoi Airteagal 26 de Choinbhinsiún Vín maidir le dlí na gconarthaí.

2.	An dara saincheist dlí lena n-éilítear sárú ar Airteagal 4(3) CAE: sárú ar phrionsabal an chomhair dhílis agus sárú ar an oibleagáid gealltanais idirnáisiúnta a chomhlíonadh.

3.	An tríú saincheist dlí lena n-éilítear cur i bhfeidhm mícheart Airteagal 215 CFAE – rogha mhícheart maidir le bunús dlí.

4.	An ceathrú saincheist dlí lena n-éilítear sárú ar Airteagail 2 agus 3 CFAE agus ar Airteagal 40 CAE chomh maith le Rialachán (AE) Uimh. 1219/2012 ó Pharlaimint na hEorpa agus ón gComhairle an 12 Nollaig 2012. (3)

5.	An cúigiú saincheist dlí lena n-éilítear sárú ar phrionsabal ginearálta an Aontais Eorpaigh maidir le hionchais dhlisteanacha agus sárú ar phrionsabal na deimhneachta dlíthiúla

6.	An séú saincheist dlí lena n-éilítear sárú ar an gComhaontú Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Cónaidhm na Rúise, den pháirt eile. (4)

7.	An seachtú saincheist dlí lena n-éilítear sárú ar phrionsabal an neamh-idirdhealaithe (sárú ar Airteagail 20 agus 21 den Chairt um Chearta Bunúsacha agus sárú ar Airteagal 14 den Choinbhinsiún Eorpach um Chearta an Duine) agus ar phrionsabal na comhréireachta.

An t-ochtú saincheist dlí lena n-éilítear sárú ar an gceart chun éisteacht a fháil agus sárú ar an gceart chun cosaint bhreithiúnach éifeachtach a fháil (Airteagail 41(a), 47 agus 48 den Chairt um Chearta Bunúsacha, Airteagail 6 agus 13 den Choinbhinsiún Eorpach um Chearta an Duine) agus sárú ar an gceart chun maoine (Airteagal 17 den Chairt um Chearta Bunúsacha, Airteagal 1 prótacal Uimh. 1 den Choinbhinsiún Eorpach um Chearta an Duine).

(1) Cinneadh (CBES) 2025/1495 ón gComhairle an 18 Iúil 2025 lena leasaítear Cinneadh 2014/512/CBES a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine. (IO L, 2025/1495).

(2) Cinneadh (CBES) 2025/1494 ón gComhairle an 18 Iúil 2025 lena leasaítear Rialachán (AE) Uimh. 833/2014 ón gComhairle a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine. (IO L, 2025/1494).

(3) Rialachán (AE) Uimh. 1219/2012 ó Pharlaimint na hEorpa agus ón gComhairle an 12 Nollaig 2012 lena mbunaítear socruithe idirthréimhseacha le haghaidh comhaontuithe déthaobhacha infheistíochta idir na Ballstáit agus tríú tíortha (IO 2012 L 351, lch. 40).

(4) Comhaontú Comhpháirtíochta agus Comhar lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Cónaidhm na Rúise, den pháirt eile (IO 1997 L 327, lch. 3).