Ordú na Cúirte Ginearálta an 19 Meán Fómhair 2025 – Syndicat National des Artistes Tatoueurs et des professionnels du tatouage agus Auville v an Coimisiún

(Cás T-294/24)  (1)

(Dliteanas neamhchonarthach - Comhshaol agus cosaint shláinte an duine - Srianta is infheidhme maidir le substaintí atá i ndúigh tatúnna nó i smideadh buan - Rialachán (AE) 2020/2081 - Díobháil iarbhír agus áirithe - Caingean nach bhfuil aon bhunús dlí léi go follasach)

(C/2025/5712)

Teanga an cháis: an Fhraincis

Páirtithe

Iarratasóirí: Syndicat National des Artistes Tatoueurs et des professionnels du tatouage (Étampes, an Fhrainc), Cyril Auville (Páras, an Fhrainc) (ionadaí: F. Di Vizio, Dlíodóir)

Cosantóir: An Coimisiún Eorpach (ionadaithe: R. Tricot agus K. Mifsud Bonnici, Gníomhairí)

Idiragraithe chun tacú leis an gcosantóir: Ríocht na Danmhairge (ionadaithe: C. Maertens agus M. Jespersen, Gníomhairí), an Ghníomhaireacht Eorpach Ceimiceán (ionadaithe: M. Heikkilä, W. Broere agus N. Herbatschek, Gníomhairí)

Maidir le:

Lena gcaingean faoi Airteagal 268 CFAE, iarrann na hiarratasóirí cúiteamh as an damáiste a mhaíonn siad a bhain dóibh mar thoradh ar ghlacadh Rialachán (AE) 2020/2081 ón gCoimisiún an 14 Nollaig 2020 lena leasaítear Iarscríbhinn XVII a ghabhann le Rialachán (CE) Uimh. 1907/2006 ó Pharlaimint na hEorpa agus ón gComhairle maidir le Clárú, Meastóireacht, Údarú agus Srianadh Ceimiceán (REACH) a mhéid a bhaineann le substaintí atá i ndúigh tatúnna agus i smideadh buan (IO 2020 L 423, lch. 6, ‘an Rialachán atá faoi chonspóid’). Ina theannta sin, agraíonn siad, faoi Airteagal 277 CFAE, pléadáil neamhdhleathachta i ndáil leis an Rialachán atá faoi chonspóid.

An chuid oibríochtúil

1)	Déantar an chaingean a dhíbhe.

2)	Ordaítear do Syndicat National des Artistes Tatoueurs et des professionnels du tatouage agus Cyril Auville a gcostais féin agus na costais arna dtabhú ag an gCoimisiún Eorpach a íoc.

3)	Ordaítear do Ríocht na Danmhairge agus don Ghníomhaireacht Eorpach Ceimiceán (ECHA) a gcostais féin a íoc.

---

(1)   IO C, C/2024/4971, 19.8.2024.