—

breithiúnas na Cúirte Ginearálta an 2 Iúil 2025 i gCás T-715/21 – Cellnex Telecom agus Retevisión I v an Coimisiún  (1) a chur ar neamhní;

—

seasamh leis an gcaingean le haghaidh neamhniú agus Cinneadh ón gCoimisiún an 10 Meitheamh 2021 maidir le Státchabhair SA.28599 (C 23/2010) (ex NN 36/2010, ex CP 163/2009) arna cur chun feidhme ag an Spáinn chun teilifís dhigiteach trastíre a imscaradh i limistéir iargúlta agus i limistéir nach bhfuil chomh huirbithe céanna (seachas Castilla-La Mancha) (2) a chur ar neamhní go cinntitheach;

—

a ordú don Choimisiún na costais a íoc.

—

Tá an breithiúnas atá faoi achomharc earráideach trí mhainneachtain rialú a thabhairt ar easnamh follasach na ‘príomhréasúnaíochta’ maidir le roghnaíocht sa chinneadh tosaigh in 2010. (3)

—

Tá an breithiúnas atá faoi achomharc earráideach trína mheas go raibh an anailís fhoriomlán ar chinneadh tosaigh 2010 sách soiléir agus gan débhrí chun go mbeadh tríú páirtithe leasmhara in ann barúlacha a chur isteach maidir le réamhchonclúidí an Choimisiúin maidir le roghnaíocht.

—

Tá an breithiúnas atá faoi achomharc earráideach trína mheas go raibh an Coimisiún in ann, in 2010, a thuairimí a chur ar aghaidh maidir leis na cúiseanna ar mheas an Coimisiún in 2021 go raibh an teicneolaíocht talún i staid fhíorasach agus dhlíthiúil atá inchomparáide le teicneolaíocht satailíte i bhfianaise an chuspóra atá á shaothrú leis an mbeart atá i gceist.

—

Tá an breithiúnas atá faoi achomharc earráideach trí cásdlí EDP (4) a fhágáil gan feidhm maidir leis an gcás seo.

—

Tá an breithiúnas atá faoi achomharc earráideach trína chinneadh nár léirigh na hiarratasóirí ag an gcéad chéim go raibh an réasúnaíocht choimhdeach maidir le roghnaíocht a leagtar amach sa chinneadh atá faoi chonspóid bunaithe ar fhíorais nár leagadh amach i gcinneadh tosaigh 2010.

—

Tá an breithiúnas atá faoi chonspóid earráideach trína theacht ar an gconclúid nár ghá cinneadh tosaigh nua a ghlacadh chun cinneadh 2013 (5) (a raibh cinneadh tosaigh 2010 ina chuid dhílis de) a chur ar neamhní.

—

Tá an breithiúnas earráideach tríd an sainmhíniú ar an gcóras tagartha sa chinneadh atá faoi chonspóid a bhailíochtú ar bhonn earráidí dlí agus saobhadh follasach ar a inneachar.

—

Tá an breithiúnas atá faoi achomharc earráideach trína sheasamh leis an gconclúid sa chinneadh atá faoi chonspóid nach bhfuil an fíoras go bhfuil teicneolaíochtaí éagsúla faoi réir creataí dlíthiúla éagsúla ábhartha chun a chinneadh an bhfuil siad i staid dhlíthiúil inchomparáide.

—

Tá an breithiúnas atá faoi achomharc earráideach tríd an anailís ar inchomparáideacht cásanna fíorasacha atá sa chinneadh atá faoi chonspóid a bhailíochtú.