Iris Oifigiúil
an Aontais Eorpaigh
GA
Sraith C
|
|
Iris Oifigiúil |
GA Sraith C |
|
C/2025/5613 |
17.10.2025 |
Conclúidí ón gComhairle
maidir le liosta athbhreithnithe an Aontais de dhlínsí neamh-chomhoibríocha chun críoch cánach
(C/2025/5613)
DÉANANN COMHAIRLE AN AONTAIS EORPAIGH AN MÉID SEO A LEANAS:
|
1. |
LEAGANN SÍ BÉIM ar a thábhachtaí atá sé caighdeáin dea-rialachais chánach, lena n-áirítear i réimse an chánachais chothroim agus na trédhearcachta cánach, a chur chun cinn agus a neartú, agus calaois chánach, imghabháil cánach agus seachaint cánach a chomhrac, ar leibhéal an Aontais agus ar fud an domhain; |
|
2. |
TUIGEANN SÍ an comhar táirgthe leanúnach i ndáil le cúrsaí cánach idir an Mheitheal um an gCód Iompair maidir le Cánachas Gnó (‘an Mheitheal um an gCód Iompair’) agus formhór na ndlínsí ar fud an domhain; |
|
3. |
IS DÍOL SÁSAIMH DI an dul chun cinn atá déanta sna dlínsí ábhartha trí na bearta gníomhacha a rinneadh faoi na spriocdhátaí a comhaontaíodh, go háirithe maidir le cloí le critéir trédhearcachta cánach liosta an Aontais; IS DÍOL SÁSAIMH DI na bearta a rinne roinnt dlínsí atá liostaithe le fada, ar bearta iad a bhfuil gealladh fúthu; agus IARRANN SÍ ar na dlínsí sin leanúint de na hiarrachtaí sin ar phlé leis an Meitheal um an gCód Iompair agus na saincheisteanna atá fós gan réiteach a réiteach d’fhonn liosta an Aontais de dhlínsí neamh-chomhoibríocha chun críoch cánach a nuashonrú amach anseo; |
|
4. |
DEARBHAÍONN SÍ GURB OTH LÉI nach bhfuil aon dul chun cinn déanta ag an Tuirc le Ballstát amháin maidir le malartú uathoibríoch faisnéise éifeachtach; IARRANN SÍ AN ATHUAIR ar an Tuirc tús a chur leis na caidrimh maidir le huathmhalartú faisnéise le Ballstát amháin atá fós gan réiteach agus na ceanglais a leagtar amach sna conclúidí ó Chomhairle Ecofin an 22 Feabhra 2021, an 5 Deireadh Fómhair 2021, an 24 Feabhra 2022, an 4 Deireadh Fómhair 2022, an 14 Feabhra 2023, an 17 Deireadh Fómhair 2023, an 20 Feabhra 2024, an 8 Deireadh Fómhair 2024 agus an 18 Feabhra 2025 a chomhlíonadh ina n-iomláine; ATHDHEARBHAÍONN SÍ gur coinníoll é uathmhalartú éifeachtach faisnéise leis na Ballstáit ar fad chun go mbeidh critéar 1.1 de liosta an Aontais á chomhlíonadh ag an Tuirc; IARRANN SÍ ar an Meitheal an Chomhairle a chur ar an eolas maidir lena bhfuil ag titim amach i ndáil leis sin agus leanúint d’aghaidh a thabhairt ar na saincheisteanna atá fós gan réiteach i gcás nach bhfuil aon dul chun cinn déanta; |
|
5. |
FORMHEASANN SÍ an Tuarascáil ón Meitheal um an gCód Iompair a leagtar amach in 12933/25; |
|
6. |
FORMHEASANN SÍ dá réir sin liosta athbhreithnithe an Aontais de dhlínsí neamh-chomhoibríocha chun críoch cánach a leagtar amach in Iarscríbhinn I; |
|
7. |
FORMHUINÍONN SÍ staid na himeartha a leagtar amach in Iarscríbhinn II i dtaca leis na gealltanais a thug dlínsí comhoibríocha chun caighdeáin dea-rialachais cánach a chur chun feidhme. |
IARSCRÍBHINN I
Liosta an Aontais de dhlínsí neamh-chomhoibríocha chun críoch cánach
1. Samó Mheiriceá
Ní chuireann Samó Mheiriceá aon uathmhalartú faisnéise airgeadais i bhfeidhm, níor shínigh sé ná níor dhaingnigh sé, lena n-áirítear tríd an dlínse a bhfuil sé ag brath uirthi, Coinbhinsiún Iltaobhach ECFE maidir le Cúnamh Riaracháin Frithpháirteach arna leasú, agus níl gealltanas tugtha aige go dtabharfar aghaidh ar na saincheisteanna sin.
2. Angaíle
Éascaíonn Angaíle struchtúir agus socruithe easchósta atá dírithe ar bhrabúis a mhealladh gan fíorshubstaint eacnamaíoch ós rud é nach ndéanann sé gach gníomhaíocht is gá chun cur chun feidhme éifeachtach na gceanglas maidir le substaintí faoi chritéar 2.2 a áirithiú.
Tá gealltanas tugtha ag Angaíle aghaidh a thabhairt ar na heasnaimh maidir lena chreat chun faisnéis a mhalartú arna iarraidh sin, easnaimh a bhí sainaitheanta ag an bhFóram Domhanda, agus grinn-athbhreithniú ón bhFóram Domhanda a iarraidh agus é a bheith deonaithe roimh an 24 Iúil 2026.
3. Fidsí
Níor shínigh ná níor dhaingnigh Fidsí Coinbhinsiún Iltaobhach ECFE maidir le Cúnamh Riaracháin Frithpháirteach arna leasú, tá córais chánach fhabhracha dhíobhálacha aici (Dreasacht Teicneolaíochta Cumarsáide Ioncaim Bhunaidh, Cuideachtaí Onnmhairiúcháin) agus níl na saincheisteanna sin réitithe aici go fóill.
4. Guam
Ní chuireann Guam aon uathmhalartú faisnéise airgeadais i bhfeidhm, níor shínigh sé ná níor dhaingnigh sé, lena n-áirítear tríd an dlínse a bhfuil sé ag brath uirthi, Coinbhinsiún Iltaobhach ECFE maidir le Cúnamh Riaracháin Frithpháirteach arna leasú, agus níl gealltanas tugtha aige go dtabharfar aghaidh ar na saincheisteanna sin.
5. Oileáin Palau
Níor shínigh Oileáin Palau ná níor dhaingnigh siad Coinbhinsiún Iltaobhach ECFE maidir le Cúnamh Riaracháin Frithpháirteach arna leasú, agus níl an tsaincheist sin réitithe go fóill acu.
6. Panama
Tá córas díolúine díobhálach maidir le hioncam ó fhoinsí eachtracha ag Panama agus níl an tsaincheist sin réitithe go fóill aige.
Tá gealltanas tugtha ag Panama aghaidh a thabhairt ar na heasnaimh maidir lena creat chun faisnéis a mhalartú arna iarraidh sin, easnaimh a bhí aitheanta ag an bhFóram Domhanda agus grinn-athbhreithniú ón bhFóram Domhanda a iarraidh agus é a bheith deonaithe roimh an 17 Iúil 2026.
7. Cónaidhm na Rúise
Tá córas cánach fabhrach díobhálach ag Cónaidhm na Rúise (cuideachtaí sealbhaíochta idirnáisiúnta) agus níl an tsaincheist sin réitithe go fóill aici.
8. Samó
Tá córas cánach fabhrach díobhálach ag Samó (cuideachta easchósta) agus níl an tsaincheist sin réitithe go fóill aige.
9. Oileán na Tríonóide agus Tobága
Níl cinneadh déanta i gcás Oileán na Tríonóide agus Tobága maidir le ‘i bhfeidhm, ach feabhas ag teastáil’ ar a laghad i gcás phríomhcheanglais 1 agus 2 i dtuarascáil piarmheasúnaithe an Fhóraim Dhomhanda maidir le uathmhalartú faisnéise faoi chuntais airgeadais.
10. Ógh-Oileáin na Stát Aontaithe
Ní chuireann Ógh-Oileáin na Stát Aontaithe aon uathmhalartú faisnéise airgeadais i bhfeidhm, níor shínigh siad ná níor dhaingnigh siad, lena n-áirítear tríd an dlínse a bhfuil siad ag brath uirthi, Coinbhinsiún Iltaobhach ECFE maidir le Cúnamh Riaracháin Frithpháirteach arna leasú, tá córais chánach fhabhracha dhíobhálacha acu (clár forbartha eacnamaíche, cuideachtaí díolmhaithe, gníomh rialála ionaid baincéireachta idirnáisiúnta), agus níl gealltanas tugtha acu go dtabharfar aghaidh ar na saincheisteanna sin.
11. Vanuatú
Éascaíonn Vanuatú struchtúir agus socruithe easchósta atá dírithe ar bhrabúis a mhealladh gan fíorshubstaint eacnamaíoch, agus níl an tsaincheist sin réitithe go fóill aige.
Tá Vanuatú ag fanacht le grinn-athbhreithniú ón bhFóram Domhanda i ndáil le malartú faisnéise arna iarraidh sin.
IARSCRÍBHINN II
Staid na himeartha i dtaca leis an gcomhar leis an Aontas i ndáil le gealltanais a thug dlínsí comhoibríocha prionsabail an dea-rialachais cánach a chur chun feidhme
1. Trédhearcacht
1.1 Uathmhalartú faisnéise
Meastar go ndéanfaidh an dlínse seo a leanas faisnéis a mhalartú go héifeachtach leis na 27 mBallstát ar fad de réir na hamlíne dá dtagraítear i mír 6 de na Conclúidí ón gComhairle an 22 Feabhra 2021, mír 4 de na Conclúidí ón gComhairle an 5 Deireadh Fómhair 2021, mír 4 de na Conclúidí ón gComhairle an 24 Feabhra 2022, mír 4 de na Conclúidí ón gComhairle an 4 Deireadh Fómhair 2022, mír 7 de na Conclúidí ón gComhairle an 14 Feabhra 2023, mír 7 de na Conclúidí ón gComhairle an 17 Deireadh Fómhair 2023, mír 5 de na Conclúidí ón gComhairle an 26 Feabhra 2024, mír 5 de na Conclúidí ón gComhairle an 8 Deireadh Fómhair 2024 agus mír 4 de na Conclúidí ón gComhairle an 18 Feabhra 2025:
|
|
An Tuirc Tá na dlínsí seo a leanas tiomanta aghaidh a thabhairt ar na heasnaimh a sainaithníodh agus cinntí dlíthiúla dearfacha a bhaint amach (‘i bhfeidhm’ nó ‘i bhfeidhm, ach feabhas ag teastáil’) maidir le príomhcheanglais 1 agus 2 a mhéid a bhaineann le huathmhalartú faisnéise ar chuntais airgeadais, a bheidh le léiriú amach anseo i dtuarascáil piarmheasúnaithe an Fhóraim Dhomhanda maidir le huathmhalartú faisnéise in 2026: |
|
|
An Iordáin agus Montainéagró |
1.2 Comhaltas san Fhóram Domhanda agus rátáil shásúil i ndáil le malartú faisnéise arna iarraidh sin
Tá na dlínsí seo a leanas ag fanacht ar ghrinn-athbhreithniú ón bhFóram Domhanda:
|
|
Antigua agus Barbúda, an Bheilís, agus na Séiséil Tá an dlínse seo a leanas tiomanta na céimeanna is gá a chomhlíonadh chun grinn-athbhreithniú ón bhFóram Domhanda a iarraidh agus é a bheith deonaithe, faoin 15 Lúnasa 2026, d’fhonn rátáil fhoriomlán a malartú faisnéise arna iarraidh sin a uasghrádú, go ‘mór-chomhlíontach’ ar a laghad laistigh den tréimhse ama fhorordaithe: |
|
|
Montainéagró Tá an dlínse seo a leanas tiomanta na céimeanna is gá a chomhlíonadh chun grinn-athbhreithniú ón bhFóram Domhanda a iarraidh agus é a bheith deonaithe, faoin 15 Feabhra 2027, d’fhonn rátáil fhoriomlán a malartú faisnéise arna iarraidh sin a uasghrádú, go ‘mór-chomhlíontach’ ar a laghad laistigh den tréimhse ama fhorordaithe: |
|
|
Ógh-Oileáin na Breataine |
2. Cánachas Cothrom
2.1 Córais chánach dhíobhálacha atá ann
Tá an dlínse seo a leanas, a thug gealltanas a gcórais chánach fhabhracha dhíobhálacha a leasú nó a dhíothú faoi raon feidhme an Fhóraim maidir le Cleachtais Chánach Dhíobhálacha faoin 31 Nollaig 2023, ag feitheamh le measúnú críochnaitheach a bheith déanta ag an bhFóram:
|
|
Easuaitíní (Crios eacnamaíoch speisialta) Thug an dlínse seo a leanas gealltanas a córas díolúine ioncaim foinse eachtraí díobhálach a leasú nó a dhíothú faoin 31 Nollaig 2025: |
|
|
Brúiné Darasalám |
3. Creimeadh an bhoinn agus aistriú brabúis (BEPS) a chosc
3.2 Cur chur chun feidhme íoschaighdeán an tuairiscithe de réir tíre (Gníomhaíocht BEPS 13)
Thug na dlínsí seo a leanas gealltanas aghaidh a thabhairt ar na heasnaimh a sainaithníodh ina gcreataí intíre a mhéid a bhaineann le tuairisciú de réir tíre chun go mbeidh siad le léiriú i dtuarascáil piarmheasúnaithe Ghníomhaíocht 13 de Chreat Cuimsitheach BEPS i bhfómhar 2026:
|
|
An Ghraonlainn, an Iordáin agus Maracó |
ELI: http://data.europa.eu/eli/C/2025/5613/oj
ISSN 1977-107X (electronic edition)