Ordú na Cúirte Ginearálta an 20 Lúnasa 2025 – APEDA agus O’Connor v an Coimisiún

(Cás T-458/24)  (1)

(Caingean le haghaidh neamhniú - Rochtain ar dhoiciméid - Rialachán (CE) Uimh. 1049/2001 - Diúltú intuigthe rochtana - Cinneadh sainráite a glacadh tar éis thaisceadh na caingne - Cás nach dtéann ar aghaidh chun breithiúnais - Leasú ar an ordú atá á lorg - Airteagal 86(2) de na Rialacha Nós Imeachta - Neamhchomhlíonadh na teorann ama chun imeachtaí a thionscnamh - Easpa doiciméad ar leith - Do-ghlacthacht fhollasach - Iarratas ar urghaire - Easpa dlínse fhollasach)

(C/2025/5583)

Teanga an cháis: an Béarla

Páirtithe

Iarratasóirí: Agricultural and Processed Food Products Export Development Authority (APEDA) (Deilí Nua, an India), Bernard O’Connor (an Bhruiséil, an Bheilg) (ionadaithe: M. Hommé agus B. O’Connor, Dlíodóirí)

Cosantóir: An Coimisiún Eorpach (ionadaithe: K. Herrmann agus M. Burón Pérez, Gníomhairí)

Ábhar

Lena gcaingean de bhun Airteagal 263 CFAE, iarrann na hiarratasóirí go gcuirfí an cinneadh intuigthe ón gCoimisiún Eorpach an 1 Iúil 2024 lenar dhiúltaigh an Coimisiún don iarratas dearbhúcháin ar rochtain ar dhoiciméid arna gclárú faoin tagairt EASE 2024/1869 ar neamhní agus, tar éis dóibh an t-ordú atá á lorg a leasú, Cinneadh C(2024) 8058 final ón gCoimisiún an 13 Samhain 2024, lenar dheonaigh an Coimisiún rochtain pháirteach nó iomlán dóibh ar chuid de na doiciméid a iarradh.

An chuid oibríochtúil

1)	Ní gá a thuilleadh rialú a thabhairt ar an éileamh go gcuirfí an cinneadh intuigthe ón gCoimisiún Eorpach an 1 Iúil 2024 lena ndiúltaítear don iarratas dearbhúcháin ar rochtain ar dhoiciméid áirithe arna gclárú faoin tagairt EASE 2024/1869 ar neamhní.

2)	Diúltaítear don chuid eile den chaingean, i bpáirt, toisc gur tugadh os comhair cúirte nach bhfuil dlínse go follasach aici an cás a éisteacht agus, i bpáirt, toisc í a bheith do-ghlactha go follasach.

3)	Ordaítear do gach páirtí a chostais féin a íoc.

---

(1)   IO C, C/2024/6942, 25.11.2024.