1.

Maidir le forálacha Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (an Rialachán Ginearálta maidir le Cosaint Sonraí),

ní mór léiriú a dhéanamh mar seo a leanas:

ní fhoráiltear leo go bhfuil forálacha RGCS le léiriú sa chaoi nach bhforáiltear leo go bhfuil ag ábhar sonraí próiseála mídhleathaí sonraí pearsanta, i gcás nach n-iarrann an duine sin go léirscriosfaí a shonraí, leigheas breithiúnach ar dá réir arb infhaighte aige urghaire ar bhonn coisctheach lena gceanglófaí ar an rialaitheoir staonadh ó athphróiseáil mhídhleathach sa todhchaí. Ní choisctear, trí na forálacha sin, áfach, ar Bhallstáit foráil do leigheas dlí dá leithéid ina ndlíchórais féin.

2.

Maidir le hAirteagal 82(1) de Rialachán 2016/679,

ní mór léiriú a dhéanamh mar seo a leanas:

baineann an coincheap ‘damáiste neamhábhartha’ atá san fhoráil sin mothúcháin dhiúltacha ar an ábhar sonraí i ndiaidh a shonraí pearsanta a chur ar aghaidh go neamhúdaraithe chuig tríú páirtí, ar nós eagla nó míshásaimh, is cúis leo smacht a chailleadh ar na sonraí sin, mí-úsáid fhéideartha a bhaint astu nó béim ar a chlú, ar an gcoinníoll go léiríonn an t-ábhar sonraí go bhfuil a leithéid de mhothúcháin agus a ndroch-iarmhairtí air, de dheasca an tsáraithe i gceist ar an Rialachán sin.

3.

Maidir le hAirteagal 82(1) de Rialachán 2016/679,

ní mór léiriú a dhéanamh mar seo a leanas:

cuirtear cosc leis ar mhéid tromchúise na héagóra arna déanamh a chur san áireamh chun críocha measúnú a dhéanamh ar chúiteamh an damáiste neamhábhartha atá dlite de réir an Airteagail sin.

4.

Maidir le hAirteagal 82(1) de Rialachán 2016/679,

ní mór léiriú a dhéanamh mar seo a leanas:

cuirtear cosc leis ar a chur san áireamh go bhfuair an t-ábhar sonraí, de réir an dlí náisiúnta is infheidhme, ordú go staonfaí ó athshárú ar an Rialachán sin, is incheangailte ar an rialaitheoir, ar mhaithe le méid an chúitimh airgid i ndamáiste neamhábhartha atá dlite de réir an Airteagal sin nó, a fortiori, fiú leis an gcúiteamh sin a athchur.