(a)

Comhréireacht agus oiriúnacht: Ceanglaítear le hAirteagal 28(1) de Rialachán (AE) 2022/2065 go mbeidh aon bheart a dhéantar chun an fhoráil sin a chomhlíonadh iomchuí agus comhréireach chun ardleibhéal príobháideachais, sábháilteachta agus slándála mionaoiseach a áirithiú. Ós rud é go bhféadfadh cineálacha éagsúla rioscaí a bheith ag baint le hardáin éagsúla ar líne do mhionaoisigh, ní bheidh sé comhréireach ná iomchuí i gcónaí do gach soláthraí ardán ar líne na bearta uile a thuairiscítear sna treoirlínte seo a chur i bhfeidhm, nó gan ach cuid díobh a chur i bhfeidhm. Chun a chinneadh cé acu atá nó nach bhfuil beart ar leith comhréireach agus iomchuí, go háirithe i gcás ina mbaineann cur isteach ar chearta bunúsacha daoine aonair leis, beidh ar gach soláthraí athbhreithniú cás ar chás a dhéanamh (i) ar na rioscaí do phríobháideachas, sábháilteacht agus slándáil mionaoiseach a eascraíonn as a ardán ar líne nó as codanna de, agus méid, raon feidhme agus cineál na seirbhíse a sholáthraíonn sé agus a cineál, a húsáid bheartaithe nó reatha, a gnéithe sonracha agus bonn úsáideora na seirbhíse á gcur san áireamh, (ii) tionchar an bhirt ar chearta leanaí agus ar chearta agus saoirsí eile a chumhdaítear i gCairt um Chearta Bunúsacha an Aontais Eorpaigh (‘an Chairt’); agus (iii) an gá atá le bearta den sórt sin a bhunú ar na caighdeáin is airde atá ar fáil agus ar dhea-chleachtais atá ann cheana, chomh maith le peirspictíocht agus cearta leanaí (féach Roinn 5 maidir le hAthbhreithniú Riosca).

(b)

Cearta leanaí a chosaint: Cumhdaítear na cearta sin sa Chairt, lena ráthaítear cosaint chearta an linbh agus dlí an Aontais á chur chun feidhme, agus i gCoinbhinsiún na Náisiún Aontaithe um Chearta an Linbh (‘UNCRC’), atá daingnithe ag na Ballstáit uile (18). Is dlúthchuid de chearta an duine iad cearta an linbh, agus tá na cearta sin uile idirghaolmhar, idirspleách agus doroinnte. I gcomhréir le hAirteagal 24 den Chairt, i ngach gníomhaíocht a bhaineann le leanaí, bíodh sé á dhéanamh ag údaráis phoiblí nó ag institiúidí príobháideacha, ní mór tús áite a thabhairt do leas an linbh. Dá bhrí sin, chun a áirithiú go bhfuil bearta chun ardleibhéal príobháideachais, sábháilteachta agus slándála do mhionaoisigh ar ardán ar líne a bhaint amach iomchuí agus comhréireach, ba cheart cearta uile an linbh a mheas agus a leas a chur san áireamh mar phríomhthosaíocht. Toirmiscfear aon idirdhealú atá bunaithe ar aon fhoras amhail gnéas, cine, dath, tionscnamh eitneach nó sóisialta, airíonna géiniteacha, teanga, reiligiún nó creideamh, tuairim pholaitiúil nó aon tuairim eile, ballraíocht i mionlach náisiúnta, réadmhaoin, breith, míchumas, aois nó gnéaschlaonadh, i gcomhréir le hAirteagal 21 den Chairt. Áirítear ar chearta leanaí, mar shampla, a gceart maidir le cosaint a fháil (19), maidir le neamh-idirdhealú, cuimsiú, príobháideachas, rochtain ar fhaisnéis agus ar oideachas, saoirse chun tuairimí a nochtadh chomh maith le rannpháirtíocht (20) agus a dtuairimí a chur san áireamh i ngach ábhar a bhaineann leo (21).

(c)

Príobháideachas, sábháilteacht agus slándáil trí dhearadh: ba cheart do sholáthraithe ardán ar líne a bhfuil rochtain ag mionaoisigh orthu ardchaighdeáin phríobháideachais, sábháilteachta agus slándála a chomhtháthú i ndearadh, i bhforbairt agus in oibriú a gcuid seirbhísí (22). Is é is aidhm do choincheapa trí dhearadh leas a bhaint as an tionchar atá ag soláthraithe ardán ar líne, dearthóirí agus lucht ceaptha beartas chun forbairt táirgí agus seirbhísí a mhúnlú ar bhealaí lena dtugtar tús áite do luachanna a chuireann folláine an duine chun cinn. Tagraíonn siad do chosaintí príobháideachais, sábháilteachta agus slándála a leabú mar réamhshocrú i ndearadh, oibriú agus bainistiú eagraíochtaí, agus i dtáirgí agus seirbhísí ón tús (23).

(d)

Dearadh atá oiriúnach ó thaobh aoise de: ba cheart do sholáthraithe ardán ar líne a bhfuil rochtain ag mionaoisigh orthu a gcuid seirbhísí a dhearadh chun ailíniú le riachtanais forbartha, chognaíocha agus mhothúchánacha mionaoiseach, agus a sábháilteacht, a bpríobháideachas agus a slándáil á n-áirithiú ag an am céanna. Tá dearaí atá oiriúnach ó thaobh aoise de oiriúnach do leanaí i bhfianaise a gceart agus a bhfolláine chomh maith lena n-éagsúlacht agus a n-aois shonrach nó a gcéim shonrach forbartha agus cuireann siad acmhainneachtaí athraitheacha leanaí san áireamh (24).

(a)

A dhóchúla atá sé go mbeidh rochtain ag mionaoisigh ar a sheirbhís, go háirithe i bhfianaise a cineáil, a cuspóra, a húsáide beartaithe chomh maith le critéir atá ábhartha chun a chinneadh cé acu atá nó nach bhfuil rochtain ag mionaoisigh ar an tseirbhís.

(b)

An tionchar iarbhír nó féideartha ar phríobháideachas, sábháilteacht agus slándáil mionaoiseach a d’fhéadfadh a bheith ag baint leis an ardán ar líne nó a d’fhéadfadh a bheith mar thoradh air, bunaithe ar thíopeolaíocht 5Canna de na rioscaí ar líne do leanaí (Iarscríbhinn). Áirítear leis sin scrúdú ar an gcaoi a bhféadfadh gnéithe éagsúla den ardán a bheith ina gcúis leis na rioscaí sin, a ndóchúlacht agus a ndéine, chomh maith le breithniú ar a dtionchar dearfach ar chearta agus ar fholláine leanaí, agus aois agus acmhainneachtaí athraitheacha na leanaí á gcur san áireamh. Mar shampla, gnéithe amhail cuspóir an ardáin, a dhearadh, a chomhéadan, a thairiscint luacha, margaíocht, gnéithe, feidhmiúlachtaí, an líon úsáideoirí agus an cineál úsáideoirí agus úsáidí (iarbhír agus ionchais), d’fhéadfaidís uile a bheith ábhartha. Ba cheart léiriú ar an leibhéal riosca do mhionaoisigh ar an ardán a áireamh leis sin (e.g. íseal, meánach nó ard), bunaithe ar chritéir shoiléire, i gcomhréir leis na caighdeáin agus na dea-chleachtais atá ann cheana, mar shampla le haghaidh measúnú tionchair ar chearta an linbh mar a luaitear i mír 22.

(c)

Na bearta atá á ndéanamh ag an soláthraí cheana féin chun na rioscaí sin a chosc agus a mhaolú.

(d)

Aon bheart breise a shainaithnítear san athbhreithniú mar bhearta iomchuí agus comhréireacha chun ardleibhéal príobháideachais, sábháilteachta agus slándála a áirithiú do mhionaoisigh ar a seirbhís. Leis na bearta a d’fhéadfadh a bheith ag teastáil ó sholáthraithe, ba cheart aghaidh a thabhairt ar na rioscaí don phríobháideachas, don tsábháilteacht agus don tslándáil a eascraíonn as an taithí a fhaigheann mionaoisigh as an tseirbhís, lena n-áirítear na rioscaí sin a eascraíonn as gníomhaíochtaí úsáideoirí eile na seirbhíse.

(e)

Conas a sheasann bearta le prionsabail ghinearálta Roinn 4.

(f)

Méadracht lenar féidir leis an soláthraí faireachán a dhéanamh le himeacht ama ar éifeachtacht na mbeart atá i bhfeidhm acu chun aghaidh a thabhairt ar rioscaí áirithe.

(g)

Na héifeachtaí dearfacha agus na héifeachtaí diúltacha a d’fhéadfadh a bheith ag aon bheart atá i bhfeidhm ag an soláthraí faoi láthair ar chearta leanaí nó úsáideoirí eile agus aon bheart breise, lena n-áirithítear nach ndéanfar na cearta sin a shrianadh go díréireach nó go míchuí agus gur féidir na héifeachtaí dearfacha a uasmhéadú. Áirítear ar chearta leanaí nó úsáideoirí eile a bhféadfadh bearta áirithe dochar a dhéanamh dóibh, mar shampla, cearta leanaí maidir le rannpháirtíocht, príobháideachas, cosaint sonraí pearsanta, saoirse chun tuairimí a nochtadh agus saoráil faisnéise. Is rud ábhartha é sin nuair atá comhréireacht na mbeart á cinneadh.

(a)

Is éard atá i gceist le féindearbhú modhanna a bhraitheann ar an duine aonair chun a aois a sholáthar nó chun a raon aoise a dheimhniú, trína dháta breithe nó a aois a chur ar fáil go saorálach, nó trína dhearbhú go bhfuil sé os cionn aois áirithe, trí chliceáil ar chnaipe ar líne de ghnáth.

(b)

Is éard atá i gceist le meastachán aoise modhanna lenar féidir le soláthraí a shuíomh gur dócha go mbeidh úsáideoir aois áirithe, go dtiocfaidh sé faoi raon aoise áirithe, nó go mbeidh sé os cionn aois áirithe nó faoi bhun aois áirithe (33).

(c)

Is éard is fíorú aoise ann córas a bhraitheann ar aitheantóirí fisiceacha nó ar fhoinsí fíoraithe sainaitheantais a sholáthraíonn ardleibhéal cinnteachta maidir le haois úsáideora a chinneadh.

(a)

I gcás ina mbaineann ardriosca do mhionaoisigh le táirgí nó seirbhísí áirithe agus nach féidir na rioscaí sin a mhaolú le bearta nach bhfuil chomh sriantach céanna, agus dlíthe an Aontais agus dlíthe náisiúnta is infheidhme á gcur san áireamh, amhail trí bhíthin, mar shampla:

(b)

Más rud é, mar gheall ar rioscaí sainaitheanta do mhionaoisigh, go n-éilítear leis na téarmaí agus coinníollacha nó le haon oibleagáid chonarthach eile de chuid na seirbhíse a bheith 18 mbliana d’aois nó níos sine chun rochtain a fháil ar an tseirbhís fiú mura bhfuil aon cheanglas aoise foirmiúil ann arna bhunú le dlí.

(c)

Aon chúinse eile inar shainaithin soláthraí ardáin ar líne a bhfuil rochtain ag mionaoisigh air rioscaí do phríobháideachas, do shábháilteacht nó do shlándáil mionaoiseach, lena n-áirítear rioscaí inneachair, iompair agus tomhaltóirí chomh maith le rioscaí teagmhála (e.g., a eascraíonn as gnéithe amhail comhrá beo, comhroinnt íomhánna/físeán, teachtaireachtaí anaithnide), i gcás nach féidir na rioscaí sin a mhaolú le bearta eile nach bhfuil chomh cunórach céanna le srianta rochtana a dtacaítear leo le fíorú aoise (36).

(d)

I gcás ina bhforordaítear le dlí an Aontais nó leis an dlí náisiúnta, i gcomhréir le dlí an Aontais, aois íosta chun rochtain a fháil ar tháirgí nó seirbhísí áirithe a thairgtear agus/nó a thaispeántar ar bhealach ar bith ar ardán ar líne, lena n-áirítear catagóirí sainithe sonracha de sheirbhísí meán sóisialta ar líne (37).

(a)

Más rud é, mar gheall ar rioscaí sainaitheanta do phríobháideachas, sábháilteacht agus slándáil mionaoiseach, go gceanglaítear le téarmaí agus coinníollacha na seirbhíse ardáin ar líne nó le hoibleagáidí conarthacha comhchosúla na seirbhíse go mbeidh úsáideoir os cionn aois íosta riachtanach atá níos ísle ná 18 chun rochtain a fháil ar an tseirbhís, bunaithe ar mheasúnú an tsoláthraí ar rioscaí do mhionaoisigh ar an ardán (45) (46).

(b)

I gcás inar shainaithin soláthraí an ardáin ar líne rioscaí meánacha do mhionaoisigh ar a n-ardán mar a suíodh ina athbhreithniú riosca (féach Roinn 5 maidir le hAthbhreithniú Riosca) (47) agus nach féidir na rioscaí sin a mhaolú le bearta nach bhfuil chomh sriantach céanna. Measann an Coimisiún gurb amhlaidh a bheidh i gcás nach bhfuil an riosca ard go leor chun srian rochtana a éileamh bunaithe ar fhíorú aoise ach nach bhfuil sé íseal go leor go mbeadh sé iomchuí gan aon srian rochtana a bheith ann nó srian rochtana a bheith ann nach dtacaíonn aon mhodh dearbhaithe aoise leis nó nach dtacaíonn ach féindearbhú leis. Ní mheastar gur beart iomchuí dearbhaithe aoise é féindearbhú mar a mhínítear tuilleadh thíos.

(a)

Cruinneas. Cé chomh cruinn agus a chinntear aois an úsáideora le haon mhodh ar leith.

Ba cheart measúnú a dhéanamh ar chruinneas modha fíoraithe aoise nó modha meastacháin aoise in aghaidh méadrachtaí iomchuí, atá soiléir agus atá ar fáil go poiblí. Tá gá leis na méadrachtaí sin chun meastóireacht a dhéanamh ar a mhéid is féidir leis an modh a chinneadh i gceart cé acu atá úsáideoir os cionn nó faoi bhun aois áirithe, nó raon aoise duine (50). Ba cheart do sholáthraithe ardán ar líne athbhreithniú tréimhsiúil a dhéanamh féachaint an bhfuil cruinneas teicniúil an mhodha a úsáidtear fós ag teacht leis an úrscothacht.

(b)

Iontaofacht. Cé chomh hiontaofa agus atá modh ar leith sa chleachtas i gcúinsí fíorshaoil.

Ionas go mbeidh modh iontaofa, ba cheart é a bheith ar fáil go leanúnach tráth ar bith, agus ba cheart é a bheith ag obair i gcúinsí fíorshaoil éagsúla, taobh amuigh de dhálaí saotharlainne idéalacha. Ba cheart do sholáthraithe ardán ar líne a bhfuil rochtain ag mionaoisigh orthu measúnú a dhéanamh, sula n-úsáideann siad réiteach dearbhaithe aoise sonrach, go dtagann aon sonraí ar a mbraitear mar chuid den phróiseas dearbhaithe aoise ó fhoinse iontaofa. Mar shampla, ní mheasfaí go mbeadh cruthúnas aoise féinshínithe iontaofa.

(c)

Stóinseacht. A éasca atá sé dul timpeall ar mhodh ar leith.

Ní mheasfar go bhfuil modh atá éasca ag mionaoisigh dul timpeall air láidir go leor agus ní mheasfar dá bhrí sin gur modh éifeachtach é. Déanfaidh soláthraithe ardán ar líne a bhfuil rochtain ag mionaoisigh orthu measúnú ar an leibhéal ‘éascachta’ sin de réir an cháis, agus cuirfear aois na mionaoiseach a ndírítear na bearta sonracha orthu san áireamh. Ba cheart do sholáthraithe ardán ar líne a bhfuil rochtain ag mionaoisigh orthu measúnú a dhéanamh freisin ar cé acu a sholáthraíonn nó nach soláthraíonn an modh dearbhaithe aoise sábháilteacht agus slándáil, i gcomhréir leis an úrscothacht, chun sláine na sonraí aoise atá á bpróiseáil a áirithiú.

(d)

Neamh-ionsáiteacht. Chomh mór agus a chuireann modh ar leith isteach ar chearta úsáideoirí.

Ba cheart do sholáthraithe ardán ar líne a bhfuil rochtain ag mionaoisigh orthu measúnú tréimhsiúil a dhéanamh ar an tionchar a bheidh ag an modh roghnaithe ar chearta agus saoirsí faighteoirí, lena n-áirítear a gceart chun príobháideachais, chun cosanta sonraí, agus chun saoirse tuairimí a nochtadh (51). De réir an Bhoird Eorpaigh um Chosaint Sonraí, agus i gcomhréir le hAirteagal 28(3) de Rialachán (AE) 2022/2065 (52), níor cheart do sholáthraí ach na saintréithe a bhaineann le haois a phróiseáil, ar saintréithe iad a bhfuil géarghá leo chun na críche sonraí agus níor cheart dearbhú aoise a úsáid chun modhanna breise a sholáthar do sholáthraithe chun daoine nádúrtha a shainaithint, a aimsiú, a phróifíliú nó a rianú (53). Má tá an modh níos ionsaithí ná modh eile lena soláthraítear an leibhéal céanna dearbhaithe agus éifeachtachta, ba cheart an modh nach bhfuil chomh hionsaitheach céanna a roghnú. Áirítear leis sin measúnú ar cé acu a sholáthraíonn nó nach soláthraíonn an modh trédhearcacht iomlán faoin bpróiseas i gcomhréir le hAirteagal 12 de Rialachán (AE) 2016/679 agus/nó an soláthraíonn sé faisnéis faoin úsáideoir atá i mbaol. Ní féidir, i gcás ar bith, na sonraí a phróiseáiltear chun a fháil amach an bhfuil úsáideoir os cionn aois áirithe nó faoi bhun aois áirithe a stóráil ná a úsáid chun críocha eile.

(e)

Neamh-idirdhealú. Conas is féidir le modh ar leith idirdhealú a dhéanamh in aghaidh roinnt úsáideoirí.

Ba cheart do sholáthraithe ardán ar líne a bhfuil rochtain ag mionaoisigh orthu a áirithiú go bhfuil an modh roghnaithe iomchuí agus ar fáil do gach mionaoiseach, gan beann ar mhíchumas, teanga, cúlra eitneach, inscne, reiligiúnacha agus mionlaigh.

(a)

A mhíniú d’úsáideoirí na tairbhí agus na rioscaí a bhaineann le clárú agus, i gcás inarb ábhartha, cén fáth a bhfuil gá le clárú (féach Roinn 8.4 maidir le Trédhearcacht).

(b)

A áirithiú go mbeidh sé éasca ag gach mionaoiseach rochtain a fháil ar an bpróiseas clárúcháin agus dul tríd, de réir a n-acmhainneachtaí athraitheacha, lena n-áirítear iad siúd atá faoi mhíchumas nó a bhfuil riachtanais inrochtaineachta bhreise acu, agus i dteanga is féidir leo a thuiscint.

(c)

A áirithiú go n-áirítear sa phróiseas clárúcháin bearta chun cabhrú le húsáideoirí a thuiscint cé acu atá nó nach bhfuil siad sách sean chun an tseirbhís a úsáid. I gcomhréir le pointe d. thíos, níor cheart na bearta sin a chur i láthair úsáideoirí ach amháin tar éis modh dearbhaithe aoise, lena n-áirítear féindearbhú, a bheith curtha i bhfeidhm.

(d)

Gan úsáideoirí atá faoi bhun na haoise íosta a theastaíonn ón ardán ar líne a bhfuil rochtain ag mionaoisigh orthu a spreagadh nó a mhealladh chun cuntais a chruthú nó chun rochtain a fháil ar an tseirbhís agus bearta a dhéanamh chun an baol go dtarlódh sé sin a laghdú (55).

(e)

A áirithiú gur furasta do mhionaoisigh logáil amach agus a gcuntas a scriosadh arna iarraidh sin dóibh.

(f)

An próiseas clárúcháin a úsáid mar dheis amháin chun dearbhú aoise a dhéanamh más gá, i bhfianaise na moltaí i Ranna 5 agus 6.1 (56), chomh maith le gnéithe sábháilteachta an ardáin nó na seirbhíse, na rialacha iompair mar aon lena n-iarmhairtí faoi seach maidir le téarmaí a shárú, aon riosca sainaitheanta do phríobháideachas, do shábháilteacht nó do shlándáil mionaoisigh agus acmhainní atá ar fáil chun tacú le húsáideoirí a chur i dtábhacht.

(g)

A áirithiú nach spreagfaidh ná nach meallfaidh an próiseas clárúcháin leanaí chun níos mó faisnéise a chur ar fáil ná a chomhroinnt ar a bpróifíl ná mar is gá d’fheidhmiú na seirbhíse, agus go lorgófar toiliú ó thuismitheoir nó ó chaomhnóir an linbh i gcás inar gá faoi dhlí an Aontais nó faoi dhlí an Bhallstáit.

(a)

A áirithiú go gcuirtear prionsabail an phríobháideachais, na sábháilteachta agus na slándála trí dhearadh i bhfeidhm go comhsheasmhach maidir le gach socrú cuntais do mhionaoisigh.

(b)

Cuntais a shocrú do mhionaoisigh go dtí an leibhéal is airde príobháideachais, sábháilteachta agus slándála mar réamhshocrú. Áirítear leis sin réamhshocruithe a dhearadh ar bhealach lena n-áiritheofar socruithe sábháilte agus atá oiriúnach ó thaobh aoise de do mhionaoisigh, agus a n-acmhainneachtaí athraitheacha á gcur san áireamh. Ba cheart do na socruithe sin, mar réamhshocrú, an méid seo a leanas a áirithiú ar a laghad i gcás gach mionaoisigh:

(c)

Machnamh a dhéanamh ar cé acu is gá nó nach gá, ag brath ar aois mionaoiseach agus ar a n-acmhainneachtaí athraitheacha agus ar thoradh athbhreithniú riosca soláthraí, dul thar an íoschaighdeán le haghaidh réamhshocruithe a leagtar amach i Roinn 6.3.1 anseo, agus réamhshocruithe atá níos sriantaí a dhearadh agus a chur chun feidhme. Mar shampla, trí réamhshocruithe a dhearadh do mhionaoisigh óga i gcás nach gceadaítear d’aon úsáideoir eile dul i mbun cineálacha áirithe idirghníomhaíochtaí.

(d)

Réamhshocruithe a thástáil agus a thabhairt cothrom le dáta go tráthrialta, lena n-áirithítear go leanfaidh siad de bheith éifeachtach tar éis gach nuashonraithe, agus in aghaidh rioscaí agus treochtaí ar líne atá ag teacht chun cinn, lena n-áirítear aon riosca do phríobháideachas, sábháilteacht agus slándáil mionaoiseach arna sainaithint ag an soláthraí le linn a n-athbhreithnithe ar rioscaí (féach Roinn 5 maidir le hAthbhreithniú riosca).

(e)

A áirithiú nach ndéanfar mionaoisigh a spreagadh ná a mhealladh ar bhealach ar bith chun a socruithe a athrú go leibhéil níos ísle príobháideachais, sábháilteachta agus slándála, agus go gcuirfear i láthair ar bhealach neodrach aon rogha chun réamhshocruithe a athrú.

(f)

A áirithiú go soláthrófar céimeanna incriminteacha smachta do mhionaoisigh ar a socruithe, de réir a n-aoise, a n-acmhainneachtaí agus a riachtanais athraitheacha, chun tacú lena neamhspleáchas méadaithe agus níos mó neamhspleáchais a sholáthar dóibh (58).

(g)

A áirithiú go mínítear socruithe do mhionaoisigh ar bhealach atá sothuigthe do leanaí agus atá inrochtana (féach Roinn 6.4 maidir leis an gcomhéadan ar líne agus uirlisí eile).

(a)

Cumhacht a thabhairt do mhionaoisigh rogha a dhéanamh idir a réamhshocruithe a athrú go sealadach, mar shampla ar feadh tréimhse ama nó le haghaidh úsáid reatha sa seisiún sin agus a réamhshocruithe a athrú go buan.

(b)

Beifear in ann filleadh go héasca ar réamhshocruithe, amhail athshocrú aon chlic amháin nó gné chealaithe bunaithe ar stair le haghaidh socruithe a athraíodh.

(c)

Comharthaí rabhaidh a chur i láthair ag an bpointe ag a n-athraíonn an mionaoiseach a socruithe, ag míniú go soiléir na hiarmhairtí a d’fhéadfadh a bheith ag a n-athruithe.

(d)

Meabhrúcháin a chur ar fáil go tréimhsiúil do mhionaoisigh maidir leis na hiarmhairtí a d’fhéadfadh a bheith ag a n-athrú agus deis a thabhairt dóibh go tréimhsiúil filleadh ar a réamhshocruithe.

(e)

Geoshuíomh, an micreafón agus an ceamara a mhúchadh go huathoibríoch chomh maith le gnéithe rianaithe nach bhfuil fíor-riachtanach tar éis dheireadh an tseisiúin, má chuireann mionaoiseach ar siúl iad.

(f)

Nuair a dhéantar geoshuíomh, micreafón agus ceamara a chur ar siúl, é sin a chur in iúl go soiléir do mhionaoisigh le linn na tréimhse ar lena linn a dhéantar iad a chur ar siúl.

(a)

A mheas cé acu ar cheart nó nár cheart roinnt socruithe, gnéithe nó feidhmiúlachtaí a bhaint de chuntais mionaoiseach ina n-iomláine agus/nó cé acu ar cheart nó nár cheart aon cheann de na réamhshocruithe a leagtar amach i Roinn 6.3.1 roimhe seo a dhéanamh dochúlaithe nó do-athraithe do gach mionaoiseach nó do mhionaoisigh atá aois ar leith, agus a n-aois agus a n-acmhainneachtaí athraitheacha á gcur san áireamh, agus na socruithe sin a bhaint agus/nó a dhéanamh dochúlaithe ar bhonn an mheasúnaithe sin. Le linn do sholáthraithe ardán ar líne an measúnú sin a dhéanamh, ba cheart dóibh measúnú a dhéanamh ar an gcaoi a bhféadfadh na socruithe agus na feidhmiúlachtaí sin tionchar a imirt ar ardleibhéal príobháideachais, sábháilteachta agus slándála mionaoiseach ar a n-ardán.

(b)

A áirithiú, gan beann ar na socruithe cuntais arna roghnú ag mionaoisigh:

(c)

A áirithiú go dtabharfar an deis do mhionaoisigh srian a chur le hinfheictheacht a ngrianghraif próifíle agus le hinfheictheacht na bpíosaí aonair inneachair a fhoilsíonn siad, chomh maith leis an bhféidearthacht srian a chur le hinfheictheacht a n-inneachair i gcoitinne.

(d)

A áirithiú go dtabharfar an deis do mhionaoisigh glacadh le haon chlibeáil nó diúltú d’aon chlibeáil ó úsáideoirí eile, bíodh sin in inneachar, i nótaí tráchta nó ar shlí eile.

(e)

Bearta a chur chun feidhme chun cosc a chur ar mhionaoisigh glacadh trí thimpiste le teagmhálacha nach bhfuil siad a iarraidh trína cheangal ar úsáideoirí, mar shampla, teachtaireacht a chur san áireamh nuair a iarrann siad nascadh le mionaoiseach.

(a)

A áirithiú go gcuireann dearadh comhéadain ar líne taithí atá oiriúnach ó thaobh aoise de ar fáil do mhionaoisigh.

(b)

A áirithiú nach nochtar mionaoisigh do ghnéithe deartha áititheacha atá dírithe den chuid is mó ar rannpháirtíocht agus a bhféadfadh úsáid fhorleathan nó ró-úsáid an ardáin nó nósanna iompraíochta achrannacha nó éigeantacha leanúint astu. Áirítear leis sin an fhéidearthacht scrollú ar feadh tréimhse éiginnte, an ceanglas iomarcach chun gníomhaíocht shonrach a dhéanamh chun faisnéis nuashonraithe a fháil maidir le feidhmchlár, ábhar físe a ghníomhachtú go huathoibríoch, fógraí arna n-uainiú go saorga chun aird mionaoiseach a fháil ar ais, fógraí atá saorga, lena n-áirítear fógraí a ligeann orthu féin gur úsáideoir eile atá ann nó fógraí sóisialta faoi inneachar nach raibh an t-úsáideoir ag plé leis riamh, comharthaí a chuireann ganntanas agus/nó práinn in iúl (59), agus luach saothair fíorúla a chruthú as gníomhaíochtaí (atriallacha) a dhéanamh ar an ardán.

(c)

Uirlisí bainistithe ama a thabhairt isteach atá inoiriúnaithe, infheicthe, éasca a rochtain agus a úsáid, atá so-úsáidte do leanaí agus éifeachtach chun feasacht mionaoiseach ar an am a chaitheann siad ar ardáin ar líne a mhéadú. Chun a bheith éifeachtach, ba cheart do na huirlisí sin mionaoisigh a dhíspreagadh ó níos mó ama a chaitheamh ar an ardán. D’fhéadfaí a áireamh orthu sin freisin moltaí atá i bhfabhar roghanna níos sábháilte. Ba cheart fógraí gníomhacha a chur chun feidhme go córasach freisin lena gcuirtear mionaoisigh ar an eolas faoin am a chaitear ar líne.

(d)

A áirithiú go mbeidh aon uirlis, ghné, feidhmiúlacht, socrú, leid, rogha agus tuairisciú, sásraí aiseolais agus gearáin so-úsáidte do leanaí, oiriúnach ó thaobh aoise de, éasca a aimsiú, a rochtain, a thuiscint agus a úsáid do gach mionaoiseach, lena n-áirítear iad siúd atá faoi mhíchumas agus/nó a bhfuil riachtanais inrochtaineachta bhreise acu, go mbeidh siad tarraingteach, agus nach mbeidh gá le gairis a athrú chun aon ghníomhaíocht lena mbaineann a chur i gcrích.

(e)

A áirithiú, má dhéantar gnéithe intleachta saorga, amhail botaí comhrá agus scagairí IS, a chomhtháthú in ardán ar líne a bhfuil rochtain ag mionaoisigh air, nach ndéanfar iad a ghníomhachtú go huathoibríoch agus nach spreagfar nó nach molfar do mhionaoisigh iad a úsáid, agus go mbeidh na córais sin i gcomhréir lena n-acmhainneachtaí athraitheacha agus go ndéanfar iad a dhearadh ar bhealach atá sábháilte dóibh. I ndáil leis an méid sin, measann an Coimisiún nár cheart gnéithe intleachta saorga a chur ar fáil ar ardáin ar líne a bhfuil rochtain ag mionaoisigh orthu ach amháin tar éis measúnú a dhéanamh ar na rioscaí a d’fhéadfadh a bheith ag baint leis na gnéithe intleachta saorga sin do phríobháideachas, do shábháilteacht agus do shlándáil mionaoiseach, agus gur cheart iad a bheith éasca a mhúchadh agus ba cheart é a bheith soiléir nuair nach bhfuil siad.

(f)

A áirithiú go gcuirfear bearta teicniúla chun feidhme chun rabhadh a thabhairt (60) do mhionaoisigh go bhfuil idirghníomhaíochtaí le gné intleachta saorga éagsúil le hidirghníomhaíochtaí an duine agus gur féidir leis na gnéithe sin faisnéis a sholáthar atá míchruinn go fíorasach agus a d’fhéadfadh a bheith míthreorach. Ba cheart don rabhadh sin a bheith sofheicthe, dréachtaithe i dteanga atá soléite do leanaí, agus ba cheart é a bheith inrochtana go díreach ón gcomhéadan agus le linn thréimhse iomlán idirghníomhaíocht an mhionaoisigh leis an ngné IS. Mar shampla, níor cheart botaí comhrá IS a bheith ar taispeáint go feiceálach, níor cheart iad a bheith mar chuid de theagmhálacha molta ná níor cheart iad a ghrúpáil le húsáideoirí a bhfuil an mionaoiseach nasctha leo. Ba cheart do sholáthraithe ardán ar líne a áirithiú go bhfuil roghanna ag mionaoisigh agus ag a gcaomhnóirí diúltú d’úsáid botaí comhrá IS agus níor cheart iad a spreagadh i dtreo na gnéithe sin a úsáid (61). Ní féidir gnéithe IS den sórt sin a úsáid chun tionchar a imirt ar mhionaoisigh ná chun iad a ghríosú i dtreo inneachar tráchtála ná ceannacháin tráchtála.

(a)

A gcórais moltaí a thástáil agus a oiriúnú go tráthrialta chun príobháideachas, sábháilteacht agus slándáil mionaoiseach a fheabhsú agus i gcomhréir leis an athbhreithniú riosca a sholáthraítear faoi Roinn 5, lena n-áirítear breithniú ar chearta níos leithne leanaí. Ba cheart an tástáil agus an t-oiriúnú sin a dhéanamh trí dhul i gcomhairle le mionaoisigh, caomhnóirí agus saineolaithe neamhspleácha.

(b)

Riachtanais shonracha, saintréithe, míchumais agus riachtanais inrochtaineachta bhreise mionaoiseach a chur san áireamh, agus aird chuí á tabhairt freisin ar a n-aoisghrúpa, agus cuspóirí, paraiméadair agus straitéisí meastóireachta na gcóras moltaí á sainiú. Ba cheart tosaíocht a thabhairt do pharaiméadair agus do mhéadracht a bhaineann le cruinneas, éagsúlacht, cuimsitheacht agus cothroime.

(c)

A áirithiú nach mbraitheann córais moltaí ar bhailiú aon sonraí iompraíochta lena ngabhtar gníomhaíochtaí an mhionaoisigh lasmuigh den ardán.

(d)

A áirithiú, má bhraitheann córas moltaí ar phróiseáil sonraí iompraíochta faoi mhionaoiseach, nach mbraitheann na moltaí maidir le faisnéis shonrach d’fhaighteoirí na seirbhíse ar mionaoisigh iad nó tosaíocht a thabhairt don fhaisnéis sin ar phróiseáil sonraí pearsanta iompraíochta atá chomh fairsing sin chun gníomhaíochtaí uile an mhionaoisigh nó an chuid is mó díobh a ghabháil ar an ardán, rud a d’fhéadfadh a bheith ina chúis leis an tuairim go bhfuil faireachán leanúnach á dhéanamh ar shaol príobháideach an mhionaoisigh.

(e)

A áirithiú nach mbraitheann córais moltaí ar ‘chomharthaí intuigthe atá bunaithe ar rannpháirtíocht’ ach amháin tar éis measúnú a dhéanamh ar cé acu chun leasa an mhionaoisigh é, agus prionsabail an íoslaghdaithe sonraí agus na trédhearcachta á gcur san áireamh, agus ar choinníoll go bhfuil an úsáid sin sainithe go soiléir agus faoi réir coimircí iomchuí mar a shainítear tuilleadh sna moltaí thuas.

(f)

Chun críocha na dtreoirlínte seo, tuigfear gur ionann ‘comharthaí intuigthe atá bunaithe ar rannpháirtíocht’ agus tagairt do chomharthaí agus do shonraí lena gcuirtear roghanna úsáideoirí in iúl óna ngníomhaíochtaí (iompraíocht bhrabhsála ar ardán), amhail an t-am a chaitear ag féachaint ar inneachar agus rátaí cliceála.

(g)

Tosaíocht a thabhairt do ‘chomharthaí sainráite arna soláthar ag an úsáideoir’ chun an t-inneachar a thaispeántar agus a mholtar do mhionaoisigh a chinneadh. Ba cheart údar cuí a bheith le roghnú na gcomharthaí sin ar mhaithe le leas an mhionaoisigh, agus prionsabail an íoslaghdaithe sonraí agus na trédhearcachta á gcur san áireamh, rud a chuideoidh lena áirithiú go rannchuideoidh siad le hardleibhéal sábháilteachta agus slándála do mhionaoisigh. Chun críocha na dtreoirlínte seo, tuigfear gur ionann ‘comharthaí sainráite arna soláthar ag an úsáideoir’ agus tagairt d’aiseolas ó úsáideoirí agus d’idirghníomhaíochtaí lena léirítear sainroghanna sainráite úsáideoirí, idir dhearfach agus dhiúltach, lena n-áirítear roghnú sonraithe agus breithniúcháin na dtopaicí ar díol spéise iad, suirbhéanna, tuairisciú (65), agus comharthaí cáilíochta eile.

(h)

Bearta a chur chun feidhme chun neamhchosaint mionaoiseach do mholtaí inneachair a d’fhéadfadh a sábháilteacht agus a slándáil a chur i mbaol a chosc, go háirithe nuair a thagtar orthu arís agus arís eile, amhail inneachar a chuireann caighdeáin áilleachta nó cothú bia nach bhfuil réadúil chun cinn, inneachar a dhéanann saincheisteanna meabhairshláinte a mhóradh nó a threascairt, amhail imní nó dúlagar, inneachar idirdhealaitheach, inneachar radacaithe agus inneachar anacra a léiríonn foréigean nó a spreagann mionaoisigh chun dul i mbun gníomhaíochtaí contúirteacha. Áirítear leis sin inneachar atá tuairiscithe nó marcáilte ag úsáideoirí, comharthóirí iontaofa nó gníomhaithe eile nó uirlisí modhnaithe inneachair, agus nár fíoraíodh go fóill a ndlíthiúlacht agus a gcomhlíonadh le téarmaí agus coinníollacha an ardáin, i gcomhréir leis na hoibleagáidí ábhartha faoi Rialachán (AE) 2022/2065 agus le Roinn 6.7.

(i)

Bearta a chur chun feidhme chun a áirithiú nach gcumasaíonn nó nach n-éascaíonn córais moltaí scaipeadh inneachair neamhdhleathaigh nó gealltanas maidir le cionta coiriúla in aghaidh mionaoiseach agus arna ndéanamh ag mionaoisigh.

(j)

A áirithiú go dtugann torthaí cuardaigh mionaoiseach agus moltaí do theagmhálaithe tosaíocht do chuntais a ndearnadh a gcéannacht a fhíorú agus a bhfuil a dteagmhálacha nasctha le líonra an mhionaoisigh, nó do theagmhálacha sa raon aoise céanna leis an mionaoiseach.

(k)

A áirithiú nach molfaidh gnéithe cuardaigh, lena n-áirítear uathchríochnú téacs ar an mbarra cuardaigh agus téarmaí agus príomhfhrásaí molta, inneachar atá neamhdhleathach agus/nó a cháilíonn mar inneachar díobhálach do phríobháideachas, do shábháilteacht nó do shlándáil mionaoiseach, mar shampla trí théarmaí cuardaigh a bhlocáil, ar eol do chách gur téarmaí iad a spreagann inneachar a mheastar a bheith díobhálach do phríobháideachas, do shábháilteacht agus/nó do shlándáil mionaoiseach, amhail focail ar leith, béarlagair, haischlibeanna nó straoiseoga (66). Maidir le fiosruithe a bhaineann le hinneachar den sórt sin, ba cheart do sholáthraithe ardán ar líne mionaoisigh a atreorú chuig acmhainní tacaíochta agus línte cabhrach iomchuí.

(a)

Deis a thabhairt do mhionaoisigh a bhfothaí molta a athshocrú go hiomlán agus go buan.

(b)

Laistigh de thosaíocht a thabhairt do pharaiméadair agus do mhéadracht a bhaineann le cruinneas, éagsúlacht, cuimsitheacht agus cothroime, faisnéis a sholáthar agus mionaoisigh a spreagadh chun inneachar nua a chuardach tar éis méid áirithe idirghníomhaíochta leis an gcóras moltaí.

(c)

Measúnú a dhéanamh, i bhfianaise ghnéithe sonracha an ardáin agus chun ardleibhéal príobháideachais, sábháilteachta agus slándála mionaoiseach a áirithiú ar ardán den sórt sin, ar cé acu a mheasann nó nach measann sé gur iomchuí a áirithiú gur féidir le mionaoisigh rogha a roghnú dá gcóras moltaí nach bhfuil bunaithe ar phróifíliú. Tá an moladh seo gan dochar d’oibleagáidí soláthraithe VLOPanna agus VLOSEnna faoi Airteagal 38 de Rialachán (AE) 2022/2065.

(d)

I gcás, mar thoradh ar an measúnú dá dtagraítear sa phointe thuas nó mar thoradh ar na hoibleagáidí a eascraíonn as Airteagal 38 de Rialachán (AE) 2022/2065 i ndáil le soláthraithe VLOPanna agus VLOSEnna, go bhfuil rogha curtha i bhfeidhm acu maidir lena gcóras moltaí nach bhfuil bunaithe ar phróifíliú, go measann siad gur cheart é sin a sholáthar mar réamhshocrú agus, má mheasann siad é a bheith iomchuí, gur chuir siad na coimircí agus na bearta trédhearcachta is gá i bhfeidhm chun mionaoisigh a chur ar an eolas faoin rogha sin agus faoi na hiarmhairtí a d’fhéadfadh a bheith ag baint le socrú mainneachtana den sórt sin a mhúchadh.

(e)

A áirithiú go mbeidh tionchar tapa, díreach agus marthanach ag na sásraí ábhartha tuairiscithe agus aiseolais a leagtar amach i Roinn 7.1 ar pharaiméadair, eagarthóireacht agus aschur na gcóras moltaí. Áirítear leis sin inneachar tuairiscithe agus teagmhálacha tuairiscithe a bhaint go buan de mholtaí (lena n-áirítear inneachar a thuairiscítear chun teagmhálacha a cheilt agus teagmhálacha blocáilte/tuairiscithe) agus infheictheacht inneachair agus cuntas comhchosúil a laghdú.

(a)

A áirithiú go ndéanfar aon socrú agus aon fhaisnéis a chuirtear ar fáil do mhionaoisigh faoina gcórais moltaí, lena n-áirítear a dTéarmaí agus Coinníollacha, ach gan a bheith teoranta dóibh, a chur i láthair ar bhealaí inrochtana atá so-úsáidte do leanaí, atá oiriúnaithe d’aois agus d’aibíocht athraitheach an linbh, agus i dteanga a d’fhéadfaidís a thuiscint (féach Roinn 6.4 maidir le dearadh comhéadain ar líne agus uirlisí eile agus Roinn 8.4 maidir le Trédhearcacht chun tuilleadh sonraí a fháil).

(b)

A mhíniú go fóinteach cén fáth ar moladh gach píosa sonrach inneachair dóibh, lena n-áirítear faisnéis faoi na paraiméadair a úsáideadh agus na comharthaí úsáideora a bailíodh don mholadh sonrach sin.

(c)

Na roghanna a thairiscint do mhionaoisigh, ar bhealach inrochtana agus atá saincheaptha do theanga agus do dhearadh atá soléite do leanaí, chun paraiméadair a gcóras moltaí a mhodhnú nó tionchar a imirt orthu, mar shampla, trína chur ar a gcumas catagóirí inneachair agus gníomhaíochtaí a roghnú is mó nó is lú spéise dóibh mínithe a chur san áireamh i dteanga atá soléite do leanaí. Ba cheart é sin a thairiscint le linn an phróisis cruthaithe cuntas agus go tráthrialta fad agus a bheidh an mionaoiseach ar an ardán. Ba cheart do na sainroghanna sin tionchar díreach a bheith acu ar na moltaí a chuirtear ar fáil leis an gcóras, lena n-áiritheofar go mbeidh siad ag teacht níos dlúithe le haois agus le leas an mhionaoisigh (67).

(a)

A áirithiú nach mbainfear leas as easpa litearthachta tráchtála mionaoiseach trí aois, leochaileachtaí agus acmhainneacht theoranta mionaoiseach a mheas chun dul i ngleic go criticiúil le cleachtais tráchtála ar an ardán agus tacaíocht ábhartha a sholáthar (72).

(b)

A áirithiú nach nochtar mionaoisigh d’fhógraíocht dhíobhálach, mhí-eiticiúil agus neamhdhleathach (73). D’fhéadfaí a chuimsiú leis sin, mar shampla, breithniú a dhéanamh ar oiriúnacht na bhfeachtas fógraíochta d’aoisghrúpaí éagsúla, aghaidh a thabhairt ar a dtionchar díobhálach, agus bearta slándála leordhóthanacha a dhéanamh chun mionaoisigh a chosaint chomh maith lena áirithiú go mbeidh rochtain acu ar fhaisnéis atá chun a leasa féin (74).

(c)

Athbhreithniú tráthrialta a dhéanamh ar na bearta cosanta ábhartha i gcomhairle le mionaoisigh, caomhnóirí agus páirtithe leasmhara ábhartha eile.

(d)

A áirithiú nach mbeidh mionaoisigh neamhchosanta ar mhéideanna iomlána iomarcacha, ar mhinicíocht iomarcach agus ar mholadh inneachair tráchtála, a bhféadfadh caiteachas iomarcach nó neamh-inmhianaithe nó iompraíochtaí andúile leanúint astu agus a bhféadfadh éifeachtaí díobhálacha a bheith acu ar a bpríobháideachas, ar a sábháilteacht agus ar a slándáil.

(e)

A áirithiú nach nochtfar mionaoisigh do chórais intleachta saorga atá comhtháite san ardán a imríonn tionchar ar leanaí nó a spreagann leanaí chun críocha tráchtála, go háirithe trí fhormáidí comhrá nó comhairleacha amhail botaí comhrá (75).

(f)

A áirithiú go bhfuil dearbhuithe cumarsáide tráchtála infheicthe go soiléir, so-úsáidte do leanaí, oiriúnach ó thaobh aoise de agus inrochtana (féach Roinn 8.4 maidir le Trédhearcacht) agus go n-úsáidtear iad go comhsheasmhach ar fud na seirbhíse, mar shampla trí úsáid a bhaint as deilbhín nó comhartha comhchosúil chun a léiriú go soiléir gur inneachar fógraíochta atá ann (76). Ba cheart iad sin a thástáil agus a athbhreithniú go tráthrialta i gcomhairle le mionaoisigh, lena gcaomhnóirí agus le páirtithe leasmhara ábhartha eile.

(g)

A áirithiú nach mbeidh mionaoisigh neamhchosanta ar mhargaíocht agus ar chumarsáid táirgí nó seirbhísí a bhféadfadh drochthionchar a bheith acu ar a bpríobháideachas, ar a sábháilteacht agus ar a slándáil, lena n-áirítear mar a shainaithnítear in athbhreithniú riosca an tsoláthraí, lena n-áirítear iad siúd a bhaineann le tionchair dhiúltacha ar a sláinte fhisiciúil agus mheabhrach (féach Roinn 5 maidir le hAthbhreithniú riosca).

(h)

A áirithiú nach nochtar mionaoisigh d’fhógraíocht fholaithe nó faoi cheilt, cibé acu soláthraí an ardáin ar líne nó úsáideoirí na seirbhíse a chuireann in airde iad (77). Sa chomhthéacs sin, meabhraíonn an Coimisiún go bhfuil sé d’oibleagáid ar sholáthraithe ardán ar líne freisin, faoi Airteagal 26(2) de Rialachán (AE) 2022/2065, feidhmiúlacht a sholáthar d’fhaighteoirí na seirbhíse chun a dhearbhú an cumarsáid tráchtála atá san inneachar a sholáthraíonn siad nó an bhfuil cumarsáid tráchtála ann (78). D’fhéadfaí a áireamh ar shamplaí de chumarsáid tráchtála faoi cheilt, ach gan a bheith teoranta dóibh, socrúcháin táirgí ag tionchairí, taispeántais táirgí agus cineálacha eile cur chun cinn fíneálta a d’fhéadfadh an dallamullóg a chur ar mhionaoisigh nó iad a ionramháil chun táirgí nó seirbhísí a cheannach.

(i)

A áirithiú nach mbeidh leanaí neamhchosanta ar theicnící a d’fhéadfadh trédhearcacht idirbheart eacnamaíoch a laghdú agus a d’fhéadfadh a bheith míthreorach do mhionaoisigh, amhail airgeadraí fíorúla áirithe (79), agus comharthaí nó monaí eile, ar féidir iad a mhalartú le fíor-airgead (nó, i gcás inarb infheidhme, chun airgeadra fíorúil eile a cheannach) agus a úsáidtear chun earraí fíorúla a cheannach, rud a fhágann go mbíonn caiteachas nach bhfuil ag teastáil mar thoradh air sin freisin (80).

(j)

A áirithiú nach mbeidh mionaoisigh, agus rochtain á fáil acu ar ardáin ar líne nó ar chodanna agus gnéithe díobh a chuirtear i láthair nó a bhfuil an chuma orthu go bhfuil siad saor in aisce (81), neamhchosanta ar cheannacháin ionaipe nó i bhfíschluichí a bhfuil gá leo, nó a ndealraíonn sé go bhfuil gá leo chun rochtain a fháil ar an tseirbhís nó í a úsáid. Má bhíonn mionaoisigh neamhchosanta ar aon cheannachán eile ionaipe nó i gcluiche, ba cheart iad a phraghsáil san airgeadra náisiúnta i gcónaí.

(k)

A áirithiú nach nochtar mionaoisigh do chleachtais a bhféadfadh caiteachas iomarcach nó neamh-inmhianaithe nó ró-úsáid an ardáin nó iompraíochtaí éigeantacha nó andúile leanúint astu, trína áirithiú nach nochtar mionaoisigh d’earraí fíorúla amhail boscaí éadála íoctha, táirgí eile, i gcás ina gcuireann siad torthaí randamacha nó dothuartha nó gnéithe atá cosúil le cearrbhachas ar fáil, agus trí dheighilt nó easaontas a thabhairt isteach idir inneachar agus ceannach táirgí gaolmhara.

(l)

A áirithiú nach nochtar mionaoisigh do theicnící deartha ionramhála (82), amhail ganntanas (83), luaíochtaí eadrannacha nó randamacha, nó teicnící deartha áititheacha (84), a bhféadfadh caiteachas iomarcach, spreagthach nó neamh-inmhianaithe nó iompraíochtaí andúile a bheith mar thoradh orthu.

(m)

A áirithiú nach mbeidh mionaoisigh neamhchosanta ar cheannacháin nach bhfuil ag teastáil, e.g. trí mhachnamh a dhéanamh ar uirlisí éifeachtacha a chur in úsáid do chaomhnóirí nó trí aon ghealltanas airgeadais arna dhéanamh ag mionaoisigh faoi aois áirithe a chur isteach chun athbhreithniú nó toiliú a fháil ó chaomhnóirí (féach Roinn 7.3 maidir le hUirlisí do chaomhnóirí).

(n)

Athbhreithniú a dhéanamh ar bheartas an ardáin chun idirbhearta eacnamaíocha a thairiscint, bunaithe ar acmhainneachtaí athraitheacha leanaí, ós rud é nár cheart d’aoisghrúpaí áirithe a bheith neamhchosanta ná cead a bheith acu idirbhearta eacnamaíocha a dhéanamh toisc nach bhfuil an cumas acu go fóill caiteachas agus airgead a thuiscint.

(a)

An méid a mheasann an t-ardán a bheith ina inneachar agus iompraíocht atá díobhálach do phríobháideachas, sábháilteacht agus slándáil mionaoiseach a shainiú go soiléir agus go trédhearcach, i gcomhar le mionaoisigh, leis an tsochaí shibhialta agus le saineolaithe neamhspleácha, lena n-áirítear an saol acadúil. Ba cheart a áireamh leis sin aon inneachar agus iompar atá neamhdhleathach faoi dhlí an Aontais nó faoin dlí náisiúnta. Ba cheart do sholáthraithe ardán ar líne a bhfuil rochtain ag mionaoisigh orthu faisnéis maidir lena gcaighdeáin agus a n-ionchais maidir le hinneachar agus iompraíocht a chur in iúl go soiléir do mhionaoisigh a úsáideann a seirbhís agus ba cheart an fhaisnéis sin a bheith ar fáil le linn cuntas a chur ar bun agus a bheith éasca a aimsiú ar an ardán.

(b)

Beartais agus nósanna imeachta modhnóireachta a bhunú ina leagtar amach conas a bhraitear inneachar agus iompraíocht atá díobhálach do phríobháideachas, do shábháilteacht agus do shlándáil mionaoiseach agus conas a dhéanfar é a mhodhnú agus é mar aidhm leis teorainn a chur le nochtadh mionaoiseach d’inneachar díobhálach. Ba cheart do sholáthraithe ardán ar líne a áirithiú freisin go ndéantar na beartais agus/nó na nósanna imeachta sin a fhorfheidhmiú sa chleachtas.

(c)

Measúnú agus athbhreithniú a dhéanamh ar bheartais agus ar nósanna imeachta chun a áirithiú go leanfaidh siad de bheith éifeachtach de réir mar a athraíonn teicneolaíochtaí agus iompraíochtaí ar líne. Go háirithe, measann an Coimisiún gur cheart do sholáthraithe ardán ar líne a bhfuil rochtain ag mionaoisigh orthu na tosca seo a leanas a chur san áireamh agus tús áite á thabhairt acu do mhodhnóireacht: dóchúlacht agus tromchúis an inneachair a dhéanann díobháil do phríobháideachas, do shábháilteacht agus/nó do shlándáil mionaoisigh, tionchar na díobhála ar an mionaoiseach sin, leochaileachtaí sonracha agus an líon mionaoiseach a bhféadfaí díobháil a dhéanamh dóibh. Ina theannta sin, ba cheart tosaíocht a thabhairt do thuairisciú arna dhéanamh ag mionaoisigh.

(d)

A áirithiú go bhfuil athbhreithniú daonna ar fáil sa bhreis ar athbhreithniú uathoibrithe ar inneachar agus ar aon uirlis ábhartha eile le haghaidh cuntais nó inneachar tuairiscithe a bhféadfadh an soláthraí atá faoi amhras a bheith ina riosca díobhála do phríobháideachas, do shábháilteacht nó do shlándáil mionaoiseach.

(e)

A áirithiú go mbeidh oiliúint mhaith ar fhoirne modhnóireachta inneachair agus go mbeidh acmhainní acu agus go mbeidh sásraí modhnóireachta gníomhach agus ag feidhmiú i gcónaí (24 uair an chloig in aghaidh an lae, 7 lá na seachtaine) chun modhnóireacht éifeachtach a chur ar fáil, lena n-áirítear fostaí amháin ar a laghad atá ar glao-dhualgas chun freagairt d’iarrataí práinneacha agus d’éigeandálaí i gcónaí.

(f)

A áirithiú go mbeidh córais agus cleachtais modhnaithe inneachair ar fáil agus go mbeidh siad oibríochtúil i dteanga oifigiúil nó i dteangacha oifigiúla an Bhallstáit ina soláthraítear an tseirbhís.

(g)

Teicneolaíochtaí éifeachtacha, sásraí inmheánacha agus bearta coisctheacha a chur i bhfeidhm chun an riosca a laghdú go molfaí inneachar agus iompraíocht atá díobhálach do phríobháideachas, do shábháilteacht nó do shlándáil mionaoiseach do mhionaoisigh, lena n-áirítear trí réitigh theicniúla éifeachtacha a chur chun feidhme chun dul i ngleic le hinneachar díobhálach agus neamhdhleathach aitheanta, amhail meaitseáil haise agus brath URL. Ba cheart do sholáthraithe féachaint freisin ar na tairbhí breise a d’fhéadfadh a bheith ag baint le réitigh theicniúla atá ag teacht chun cinn amhail aicmitheoirí IS chun inneachar agus iompar nua nó athraithe a bhrath.

(h)

Réitigh theicniúla a chur chun feidhme chun cosc a chur ar na córais intleachta saorga ar a n-ardán cead a thabhairt d’úsáideoirí rochtain a fháil ar inneachar atá díobhálach do phríobháideachas, do shábháilteacht agus/nó do shlándáil mionaoiseach, agus an t-inneachar sin a ghiniúint agus a scaipeadh.

(a)

Sásraí tuairiscithe, aiseolais agus gearáin a chur chun feidhme:

(b)

A áirithiú maidir leis na sásraí tuairiscithe, aiseolais agus gearán a bhunaítear faoi Airteagal 20 de Rialachán (AE) 2022/2065 (89):

(c)

A áirithiú go mbeidh rogha ar fáil lena gceadaítear do mhionaoisigh a gcúiseanna féin a thabhairt maidir le tuairisc nó gearán. Ba cheart do sholáthraithe catagóirí tuairiscithe a sheachaint, ach má úsáidtear iad, ba cheart dóibh a áirithiú go bhfuil siad curtha in oiriúint do na húsáideoirí is óige a cheadaítear ar an ardán.

(d)

A áirithiú go mbeidh tuairisciú, aiseolas agus gearáin rúnda agus anaithnid mar réamhshocrú, agus ag an tráth céanna an rogha a thabhairt do mhionaoisigh anaithnideacht a bhaint. Má bhaintear anaithnideacht, ba cheart don soláthraí a mhíniú do mhionaoisigh cathain, conas agus cén fhaisnéis a bhaineann le tuairiscí agus/nó gearáin a chomhroinneann siad le húsáideoirí eile nó le tríú páirtithe.

(e)

Tosaíocht a thabhairt do thuarascálacha a bhaineann le príobháideachas, sábháilteacht agus slándáil mionaoiseach. Ba cheart do sholáthraithe ardán ar líne rogha a sholáthar chun a chur in iúl an measann an mionaoiseach go bhfuil tuairisc práinneach nó go bhfuil sé comhlíontach, go háirithe nuair a thugtar le fios go bhfuil saincheist phríobháideachais, sábháilteachta nó slándála leanúnach ann. Ba cheart agaí freagartha a bheith oiriúnach don tsaincheist a bhfuil tuairisciú á dhéanamh ina leith nó a bhfuil gearán á dhéanamh ina leith. Níor cheart tionchar diúltach a bheith aige sin ar an tosaíocht a thugtar do na fógraí arna gcur isteach ag comharthóirí iontaofa, i gcomhréir le hAirteagal 22(1) de Rialachán (AE) 2022/2065.

(f)

Dearbhú a thabhairt do gach mionaoiseach a chuireann tuairisc nó gearán isteach go bhfuarthas an tuairisc nó an gearán gan moill mhíchuí. Ba cheart do mhionaoisigh a bheith in ann rochtain a fháil freisin ar mhíniú atá oiriúnach ó thaobh aoise de ar an bpróiseas a leanfar nuair a bheidh athbhreithniú á dhéanamh ar an tuairisc nó ar an ngearán agus ar mhíniú ar aon ghníomhaíocht nó neamhghníomhaíocht a rinneadh. Ba cheart tráthchlár táscach a bheith san fhaisnéis chun cinneadh a dhéanamh maidir leis an tuairisc nó an gearán agus na torthaí a d’fhéadfadh a bheith ann. Tá an Coimisiún den tuairim freisin gur cheart do sholáthraithe ardán ar líne sásra a sholáthar chun dul chun cinn a rianú agus cumarsáid a dhéanamh leis na hardáin.

(g)

Athbhreithniú rialta a dhéanamh ar na tuairiscí, ar an aiseolas agus ar na gearáin a fhaigheann siad. Ba cheart dóibh an fhaisnéis sin a úsáid chun aon ghné dá n-ardán a shainaithint agus aghaidh a thabhairt uirthi, ar gnéithe iad a d’fhéadfadh príobháideachas, sábháilteacht agus/nó slándáil mionaoiseach a chur i mbaol, a gcórais moltaí agus a gcleachtais mhodhnóireachta a bheachtú, caighdeáin sábháilteachta fhoriomlána a fheabhsú, agus timpeallacht ar líne níos iontaofa agus níos freagraí a chothú. Ba cheart na gníomhaíochtaí sin a dhoiciméadú mar chinn ar féidir athbhreithniú a dhéanamh orthu.

(a)

Uirlisí tacaíochta soiléire, so-aitheanta agus inrochtana a bheith acu a chuireann ar a gcumas do mhionaoisigh cabhair a lorg nuair a thagann siad ar ábhar, cuntais nó iompar amhrasach, neamhdhleathach nó míchuí a fhágann go mbraitheann siad míchompordach. Áirítear leis sin cnaipí blocála agus balbhaithe a chur ar fáil. Ba cheart na huirlisí tacaíochta a bheith soláimhsithe do leanaí, infheicthe go soiléir, inrochtana láithreach (féach Roinn 6.4 maidir leis an gcomhéadan ar líne agus uirlisí eile) agus ba cheart mionaoisigh a nascadh go díreach leis na seirbhísí tacaíochta is iomchuí dá suíomh agus dá n-aois, amhail iad siúd atá mar chuid de na hIonaid náisiúnta d’Idirlíon Níos Sábháilte, líonraí INHOPE agus línte cabhrach náisiúnta do leanaí.

(b)

Teorainn a chur le húsáid uirlisí tacaíochta bunaithe ar IS, toisc nár cheart iad a úsáid mar an príomhshásra chun idirghníomhú le leanaí.

(c)

Teachtaireachtaí rabhaidh atá infheicthe go díreach, naisc chuig línte tacaíochta náisiúnta (90) ábhartha agus foinsí údarásacha eile a thabhairt isteach nuair a dhéanann mionaoisigh inneachar a chuardach, a uaslódáil, a ghiniúint, a chomhroinnt agus a fháil, ar inneachar é a d’fhéadfadh a bheith neamhdhleathach nó díobhálach do phríobháideachas, sábháilteacht agus slándáil mionaoiseach (mar a mhínítear i Roinn 6.7 maidir le Modhnú). Ba cheart do sholáthraithe ardán ar líne mionaoisigh a chur ar aghaidh chuig línte tacaíochta náisiúnta ábhartha nuair a chuireann mionaoiseach tuairisc a bhaineann le hinneachar den sórt sin isteach. Ba cheart an tarchur a dhéanamh díreach tar éis do sholáthraí an ardáin ar líne teacht ar an eolas faoin ngníomhaíocht nó tar éis don mhionaoiseach tuairisc a chur isteach.

(d)

Má áirítear ar an ardán ar líne gnéithe nó feidhmiúlachtaí a bhaineann le nasc úsáideora, inneachar a phostáil nó cumarsáid úsáideora, ba cheart dó an rogha a thabhairt do mhionaoisigh aon úsáideoir nó cuntas eile a bhlocáil nó a bhalbhú go hanaithnid, lena n-áirítear iad siúd nach bhfuil nasctha leo. Ba cheart na córais bhlocála a bheith éasca a aimsiú agus inrochtana. Níor cheart aon fhaisnéis faoin úsáideoir ná faoina chuntas a bheith ar fáil d’aon chuntas atá blocáilte ag an úsáideoir.

(e)

Má chumasaíonn an t-ardán ar líne barúlacha maidir le hinneachar, ba cheart dó an rogha a thabhairt do mhionaoisigh srian a chur leis na cineálacha úsáideoirí ar féidir leo trácht a dhéanamh ar a n-inneachar agus ar a n-inneachar fúthu agus/nó cosc a chur ar úsáideoirí eile trácht a dhéanamh ar a n-ábhar agus ar a n-inneachar fúthu, tráth na postála agus ina dhiaidh sin araon, fiú má tá an fhéidearthacht trácht a dhéanamh teoranta do chuntais ar ghlac an mionaoiseach leo roimhe sin mar theagmhálacha (mar a mholtar i Roinn 6.3 maidir le Socruithe Cuntais).

(f)

Má thairgeann an t-ardán ar líne feidhmeanna grúpa, ba cheart dó a áirithiú nach rachaidh mionaoisigh isteach i ngrúpa ach amháin tar éis fógra a fháil faoin gcuireadh agus tar éis glacadh leis gur mian leo a bheith páirteach sa ghrúpa sin.

(a)

A bheith oiriúnach ó thaobh aoise de agus i gcomhréir le hacmhainneachtaí athraitheacha mionaoiseach. Ba cheart d’uirlisí do chaomhnóirí a bheith bunaithe ar chumarsáid, foghlaim agus cumhachtú seachas ar rialú agus ba cheart dóibh neamhspleáchas agus gníomhú mionaoiseach a chumasú. Ba cheart dóibh a bheith éifeachtach agus níor cheart dóibh srian díréireach a chur ar chearta mionaoiseach chun príobháideachais nó chun rochtain a fháil ar sheirbhísí, agus leas an mhionaoisigh á chur san áireamh mar phríomhthosaíocht.

(b)

A bheith éasca a úsáid, a rochtain agus a ghníomhachtú, mar shampla trí ligean don chaomhnóir an uirlis a úsáid gan cuntas a chruthú ar an tseirbhís.

(c)

Feidhm a bheith acu gan beann ar an ngléas nó ar an gcóras oibriúcháin a úsáidtear chun rochtain a fháil ar an tseirbhís.

(d)

Fógra soiléir a thabhairt do mhionaoisigh go bhfuil siad gníomhachtaithe ag caomhnóirí agus coimircí eile a chur i bhfeidhm i bhfianaise na mí-úsáide a d’fhéadfadh caomhnóirí a bhaint astu amhail, mar shampla, comhartha soiléir a thabhairt don mhionaoiseach i bhfíor-am nuair a ghníomhachtaítear aon fheidhmiúlacht faireacháin.

(e)

A áirithiú nach féidir athruithe a dhéanamh ach amháin leis an méid céanna údaraithe a cheanglaítear le linn ghníomhachtú tosaigh na n-uirlisí.

(f)

A bheith comhoiriúnach le hinfhaighteacht uirlisí idir-inoibritheacha ionaid ilfhreastail do chaomhnóirí a bhailíonn na socruithe agus na huirlisí uile.

(a)

Beartais inmheánacha a chur chun feidhme ina leagtar amach conas a fhéachann soláthraí an ardáin ar líne le hardleibhéal príobháideachais, sábháilteachta agus slándála a áirithiú do mhionaoisigh ar a sheirbhís.

(b)

Freagracht a shannadh do dhuine tiomnaithe nó d’fhoireann thiomnaithe as ardleibhéal príobháideachais, sábháilteachta agus slándála mionaoiseach a áirithiú. Ba cheart acmhainní leordhóthanacha a bheith ag an duine nó ag an bhfoireann sin chomh maith le húdarás leordhóthanach chun rochtain dhíreach a bheith aige ar chomhlacht bainistíochta sinsearaí sholáthraí an ardáin ar líne agus ba cheart dó a bheith ina lárphointe teagmhála freisin do rialtóirí, d’úsáideoirí agus do chomharthóirí iontaofa maidir le hábhair a bhaineann le príobháideachas, sábháilteacht agus slándáil mionaoiseach.

(c)

Cultúr príobháideachais, sábháilteachta agus slándála a chothú do mhionaoisigh ar an tseirbhís.Áirítear air sin:

(a)

Go mbeidh faisnéis san áireamh iontu faoi na nithe seo a leanas:

(b)

Tá siad éasca a aimsiú agus a chuardach fad agus a bheidh an t-úsáideoir ar an ardán.

(c)

Nach gcuireann siad srian míchuí ar aon cheart atá ag mionaoisigh, lena n-áirítear a gceart chun tuairimí a nochtadh agus faisnéis a fháil.

(d)

Go seasfar leo agus go gcuirfear chun feidhme iad sa chleachtas.

(a)

Faireachán agus meastóireacht thráthrialta a dhéanamh ar éifeachtacht aon ghné den ardán a bhaineann le príobháideachas, sábháilteacht agus slándáil mionaoiseach ar an ardán. Áirítear leis sin, mar shampla, comhéadan ar líne, córais, socruithe, uirlisí, feidhmiúlachtaí agus gnéithe agus tuairisciú an ardáin, sásraí aiseolais agus gearán, agus bearta arna ndéanamh chun Airteagal 28(1) de Rialachán (AE) 2022/2065 a chomhlíonadh (100). Ba cheart do sholáthraithe breithniú a dhéanamh ar na meastóireachtaí sin a chur ar fáil lena n-athbhreithniú agus lena n-ionchur ó thríú páirtithe neamhspleácha amhail saineolaithe nó páirtithe leasmhara ábhartha eile.

(b)

Dul i gcomhairle go rialta le mionaoisigh, caomhnóirí, an saol acadúil, eagraíochtaí na sochaí sibhialta, saineolaithe ar chearta leanaí agus páirtithe leasmhara ábhartha eile maidir le dearadh agus meastóireacht aon ghné den ardán a bhaineann le príobháideachas, sábháilteacht agus slándáil mionaoiseach ar an ardán. Ba cheart a chuimsiú leis sin tástáil a dhéanamh ar na gnéithe sin le mionaoisigh agus a n-aiseolas a chur san áireamh. Chun rannchuidiú leis an neamh-idirdhealú agus leis an inrochtaineacht, ba cheart do sholáthraithe, i gcás inar féidir, mionaoisigh ó réimse éagsúil cúlraí cultúrtha agus teanga, ó aoiseanna éagsúla, faoi mhíchumas agus/nó riachtanais inrochtaineachta bhreise a bheith rannpháirteach sna comhairliúcháin sin.

(c)

Dearadh agus feidhmiú na n-eilimintí thuasluaite a choigeartú bunaithe ar thorthaí na gcomhairliúchán sin agus ar fhorbairtí teicniúla, taighde, athruithe ar iompraíocht nó beartas úsáideoirí, éabhlóidí táirgí agus úsáide, agus athruithe ar na díobhálacha agus na rioscaí do phríobháideachas, sábháilteacht agus slándáil mionaoiseach ar a n-ardán.

(a)

Faisnéis faoi aon bheart a cuireadh i bhfeidhm chun ardleibhéal príobháideachais, sábháilteachta agus/nó slándála mionaoiseach a áirithiú ar an ardán. Áirítear leis sin faisnéis faoi na nithe seo a leanas:

(b)

A áirithiú go bhfuil an fhaisnéis sin, na rabhaidh uile agus aon chumarsáid eile a mholtar sna treoirlínte seo:

(c)

Aon bheart agus athrú a chuirtear chun feidhme chun Airteagal 28(1) de Rialachán (AE) 2022/2065 a chomhlíonadh, d’fhéadfaí iad a chur in iúl go hinmheánach agus a chur ar fáil don phobal a mhéid is féidir.