—

an Cinneadh ó Bhiúró Pharlaimint an Aontais Eorpaigh, a nochtadh ina mhiontuairiscí chruinnithe an 10 Márta 2025, nár tugadh fógra ina leith don iarratasóir, a chur ar neamhní, ‘lena dtugtar dá aire an fhaisnéis atá sa nóta ón Ardrúnaí an 4 Márta 2025 dar teideal “Tuarascálacha críochnaitheacha páirtithe polaitiúla Eorpacha agus fondúireachtaí polaitiúla Eorpacha don bhliain airgeadais 2023” (PE 766.112/BUR agus iarscríbhinní); lena dtugtar dá aire an anailís agus na conclúidí a rinne an t-oifigeach údarúcháin trí tharmligean maidir le caiteachas áirithe a athaicmiú mar chaiteachas neamh-inaisíoctha nó neamh-incháilithe; lena gceadaítear na tuarascálacha deiridh agus ráitis airgeadais an 20 tairbhí, agus na coigeartuithe atá beartaithe á gcur san áireamh; lena socraítear, i gcás gach ceann de na 10 bpáirtí pholaitiúla Eorpacha, méideanna deiridh an chistithe don bhliain airgeadais 2022, mar a leagtar amach in Iarscríbhinn 1 a ghabhann leis an nóta ón Ardrúnaí, agus lena dtugtar treoir don oifigeach údarúcháin trí tharmligean na méideanna comhfhreagracha a ghnóthú mar a leagtar amach sa nóta sin; lena socraítear, i gcás gach ceann de na 10 bpáirtí pholaitiúla Eorpacha, an caiteachas inaisíoctha agus an chéad chuid de mhéid deiridh an chistithe don bhliain airgeadais 2023 agus méid na gcistí nár caitheadh arna ndámhachtain don bhliain airgeadais 2023 atá le tabhairt anonn go dtí an bhliain airgeadais 2024, mar a leagtar amach in Iarscríbhinn 1 a ghabhann leis an nóta ón Ardrúnaí, agus lena dtugtar treoir don oifigeach údarúcháin trí tharmligean na méideanna comhfhreagracha a aisghabháil i gcomhréir leis na nósanna imeachta a leagtar amach sa nóta sin’;

—

a ordú do Pharlaimint an Aontais Eorpaigh EUR 9 600 a íoc le Patriotes.eu le haghaidh táillí dlíodóirí arna dtabhú chun a cearta a fheidhmiú.

1.

An chéad saincheist dlí, lena n-éilítear sárú ar Airteagal 8 de Chinneadh an 1 Iúil 2019 lena leagtar síos na nósanna imeachta i dtaca le cur chun feidhme Rialachán (AE, Euratom) Uimh. 1141/2014, (1) lena gceanglaítear cinneadh maidir le buiséad páirtí pholaitiúil a ghlacadh faoin 30 Meán Fómhair den bhliain tar éis mainneachtain foirmiúlacht den sórt sin a chomhlíonadh, as a n-eascraíonn neamhniú an ghnímh a dhéanann dochar don duine lena mbaineann. Glacadh an cinneadh a bhaineann le buiséad 2023 an iarratasóra an 10 Márta 2025 gan údar a bheith leis an síneadh sin mar gheall ar iarraidh ar fhaisnéis ón iarratasóir a phróiseáil.

2.

An dara saincheist dlí, lena n-éilítear nár comhlíonadh an ceanglas cúiseanna a lua le cinntí is cúis le gearáin a mhéid nach bhfuil aon cheann sa chinneadh atá faoi chonspóid.

3.

An tríú saincheist dlí, lena n-éilítear sárú ar phrionsabail na córa comhionainne agus an neamh-idirdhealaithe, sa mhéid gur mheas Biúró na Parlaiminte go raibh feachtais chomhchosúla páirtithe eile inaisíoctha.

4.

An ceathrú saincheist dlí, lena n-éilítear sárú ar chearta na cosanta, sa mhéid gur glacadh an cinneadh atá faoi chonspóid tar éis d’Ardrúnaíocht na Parlaiminte cuid d’argóintí an iarratasóra sa chomhad a cuireadh faoi bhráid Bhiúró na Parlaiminte a cháineadh.

5.

An cúigiú saincheist dlí, lena n-éilítear sárú ar phrionsabal na neamhchlaontachta, sa mhéid is gur aontaigh Biúró na Parlaiminte cinneadh a dhéanamh in ainneoin an ghiorraithe shoiléir ar bharúlacha an iarratasóra ag an Ard-Rúnaí sa leagan den chomhfhreagras eatarthu a cuireadh faoina bhráid.

6.

An séú saincheist dlí, lena n-éilítear sárú ar phrionsabal na neamhchlaontachta, sa mhéid go n-eascraíonn an cinneadh atá faoi chonspóid ó chomhlacht atá comhdhéanta go heisiach d’fhreasúróirí dearbhaithe an iarratasóra, nach raibh ionadaíocht aige ann, murab ionann agus na páirtithe eile go léir sa Pharlaimint.

7.

An seachtú saincheist dlí, lena n-éilítear sárú ar phrionsabal na neamhchlaontachta, sa mhéid gur aicmíodh feachtais chomhchosúla eile ó pháirtithe polaitiúla eile mar fheachtais incháilithe le haghaidh aisíocaíochta i gcinneadh Bhiúró na Parlaiminte atá faoi chonspóid.

8.

An t-ochtú saincheist dlí, lena n-éilítear sárú ar phrionsabal na neamhchlaontachta mar gheall ar na himthosca go léir thuas.

9.

An naoú saincheist dlí, lena n-éilítear earráid aicmithe sa mhéid is nach raibh sé i gceist i ndáiríre ag an bpóstaer atá i gceist ceannaire polaitiúil náisiúnta nó páirtí náisiúnta a chur chun cinn.

10.

An deichiú saincheist dlí, lena n-éilítear earráid fhollasach mheasúnaithe agus saobhadh, sa mhéid is nach raibh sé i gceist i ndáiríre ag an bpóstaer atá i gceist ceannaire polaitiúil náisiúnta nó páirtí náisiúnta a chur chun cinn.