1)

A mhéid a fhoráiltear le hAirteagal 24 de Threoir 2014/41/AE (2) go bhféadfaidh an t-údarás eisiúna [Ordú Imscrúdaithe Eorpach (‘OIE’)] a eisiúint freisin chun duine atá faoi dhrochamhras nó atá cúisithe a éisteacht trí fhíschomhdháil nó trí tharchur closamhairc eile, an gceadaítear, de bhun na forála sin, arna léamh i bhfianaise aithrisí 24 agus 26 den Treoir sin, OIE a eisiúint le haghaidh duine cúisithe a éisteacht trí fhíschomhdháil, ar duine cúisithe é atá saor sa Stát forghníomhaitheach chun a áirithiú go mbeidh sé i láthair agus rannpháirteach sna himeachtaí coiriúla atá ar siúl sa Stát eisiúna?

2)

Má thugtar freagra dearfach ar an gcéad cheist, i gcás [barántas gabhála Eorpach (‘BGE’)] chun críche ‘nós imeachta’ a eisíodh cheana chun rannpháirtíocht an duine atá cúisithe sa triail sa Stát eisiúna a áirithiú, agus chun na críche sin amháin, an féidir leis an údarás breithiúnach forghníomhaitheach,a iarraidh go dtarraingeofaí siar BGE agus go n-eiseofar [OIE] chun an duine cúisithe a éisteacht trí fhíschomhdháil chun a áirithiú go mbeidh sé i láthair agus rannpháirteach sna himeachtaí coiriúla atá ar siúl sa Stát eisiúna?

3)

Má thugtar freagra dearfach ar an dara ceist, an gá d’údarás breithiúnach an Stáit eisiúna BGE a tharraingt siar agus OIE a eisiúint chun an duine cúisithe a éisteacht trí fhíschomhdháil chun a áirithiú go mbeidh sé i láthair agus rannpháirteach sna himeachtaí coiriúla atá ar siúl sa Stát eisiúna?

4)

Má thugtar freagra diúltach ar an dara ceist, má tá sé ráite ag an gcúisí go bhfuil sé i gceist aige a bheith i láthair ag an triail choiriúil atá ar siúl sa Stát eisiúna agus má tá a chomhairleoir cosanta tar éis a áirithiú go mbeadh sé in éineacht leis an duine cúisithe ag éisteacht na n-imeachtaí coiriúla os comhair chúirt an Stáit eisiúna, an féidir leis/an gcaithfidh an Stát sin BGE a tharraingt siar?