1)

A luaithe a chuirfear tús le himeachtaí um shárú trádmhairc, an féidir leis an gcosantóir iarratas ar chúlghairm nó ar dhearbhú neamhbhailíochta a chur faoi bhráid EUIPO, de bhun Airteagal 132(1) de Rialachán (AE) 2017/1001 ó Pharlaimint na hEorpa agus ón gComhairle an 14 Meitheamh 2017 maidir le trádmharc an Aontais Eorpaigh, (1) i gcás ina raibh deis aige frithéileamh a chomhdú maidir leis an ábhar céanna os comhair cúirt um thrádmharcanna de chuid an Aontais Eorpaigh, mar a cheadaítear le hAirteagail 58(1), 59(1), 60(1), 124(d) agus Airteagal 128 den Rialachán sin agus le hAirteagal 17(2) agus Airteagail 41 agus 47 den Chairt um Chearta Bunúsacha an Aontais Eorpaigh?

2)

I gcás nár chomhdaigh an cosantóir frithéileamh in imeachtaí um shárú trádmhairc, an féidir leis, ar bhonn Airteagal 132(1) de Rialachán (AE) 2017/1001 ó Pharlaimint na hEorpa agus ón gComhairle an 14 Meitheamh 2017 maidir le trádmharc an Aontais Eorpaigh, iarratas ar chúlghairm nó ar dhearbhú neamhbhailíochta a chur faoi bhráid EUIPO, le héifeacht fionraíochta ar na himeachtaí cúirte go dtí go dtagann an cinneadh a bhaineann leis an iarratas chun críochnaitheachta?

3)

Má tá freagra dearfach ar an gceist roimhe seo, go dtí cén pointe sna himeachtaí cúirte a d’fhéadfadh an cosantóir iarratas ar chúlghairm nó ar dhearbhú neamhbhailíochta a chur faoi bhráid EUIPO agus, ar an gcaoi sin, bac a chur ar na himeachtaí cúirte?