Caingean arna tabhairt an 11 Lúnasa 2025 – an Coimisiún v an Ungáir

(Cás C-543/25)

(C/2025/5080)

Teanga an cháis: an Ungáiris

Páirtithe

Iarratasóir: an Coimisiún Eorpach (ionadaithe: O. Dani agus K. Walkerová, Gníomhairí)

Cosantóir: an Ungáir

An t-ordú atá á lorg

Iarrann an Coimisiún ar an gCúirt Bhreithiúnais:

—

a dhearbhú nár chomhlíon an Ungáir a hoibleagáidí faoi Airteagal 55(1) de Threoir 2012/34/AE (1) ó Pharlaimint na hEorpa agus ón gComhairle an 21 Samhain 2012 lena mbunaítear limistéar Eorpach aonair iarnróid, trí mhainneachtain a áirithiú gur údarás uathrialach, leithleach ó thaobh dlí agus neamhspleách ó aon eintiteas poiblí nó príobháideach eile é an comhlacht rialála iarnróid.

—	a ordú don Ungáir na costais a íoc.

Saincheisteanna dlí agus príomhargóintí

Murab ionann agus an leagan a bhí ann roimhe seo, eadhon Airteagal 30(1) de Threoir 2001/14/CE, (2) ní cheadaítear le hAirteagal 55(1) de Threoir 2012/34 a thuilleadh don chomhlacht rialála iarnróid a bheith i bhfeidhm an aireacht atá freagrach as iompar ná ní cheadaítear d’aon chomhlacht eile, agus ceanglaítear leis go mbeidh an comhlacht rialála ina údarás atá leithleach go dlíthiúil agus neamhspleách ar aon eintiteas poiblí nó príobháideach eile. Ós rud é gur aonad eagraíochtúil laistigh den Aireacht Iompair é comhlacht rialála iarnróid na hUngáire, measann an Coimisiún, d’ainneoin na n-argóintí a chuir an Ungáir chun cinn maidir le neamhspleáchas an chomhlachta sin, nach gcomhlíontar na coinníollacha a leagtar síos in Airteagal 55(1) de Threoir 2012/34.

---

(1)  Treoir 2012/34/AE ó Pharlaimint na hEorpa agus ón gComhairle an 21 Samhain 2012 2 lena mbunaítear limistéar Eorpach aonair iarnróid (athmhúnlú) (IO 2012 L 343, lch. 32).

(2)  Treoir 2001/14/CE ó Pharlaimint na hEorpa agus ón gComhairle an 26 Feabhra 2001 maidir le toilleadh bonneagair iarnróid a leithdháileadh agus muirir ar úsáid bonneagair iarnróid agus ar dheimhniúchán sábháilteachta a ghearradh (IO 2001 L 75, lch. 29).