1.

Maidir le hAirteagal 3 de Rialachán (CE) Uimh. 883/2004 ó Pharlaimint na hEorpa agus ón gComhairle an 29 Aibreán 2004 maidir le comhordú córas slándála sóisialta, arna leasú le Rialachán (CE) Uimh. 988/2009 ó Pharlaimint na hEorpa agus ón gComhairle an 16 Meán Fómhair 2009,

ní mór léiriú a dhéanamh mar seo a leanas:

ní thagann sochar, amhail cúnamh lánpháirtíochta i bhfoirm sochair cúnaimh scoile do leanaí faoi mhíchumas dá bhforáiltear le Neuntes Buch Sozialgesetzbuch (Leabhar naoi den Chód slándála sóisialta) laistigh de raon feidhme ábhartha de Rialachán Uimh. 883/2004, arna leasú le Rialachán Uimh. 988/2009, faoi raon feidhme ábhartha an Rialacháin sin, ós rud é nach bhfuil deonú an tsochair sin faoi réir coinníollacha oibiachtúla a chomhlíonadh, ach go bhfuil sé bunaithe ar mheasúnú aonair arna dhéanamh ag an údarás inniúil náisiúnta ar riachtanais an duine lena mbaineann.

2.

Maidir le hAirteagal 7(2) de Rialachán (AE) Uimh. 492/2011 ó Pharlaimint na hEorpa agus ón gComhairle an 5 Aibreán 2011, maidir le saoirse gluaiseachta d’oibrithe laistigh den Aontas,

ní mór léiriú a dhéanamh mar seo a leanas:

cuirtear cosc leis ar reachtaíocht náisiúnta lena ndéantar deonú cúnaimh lánpháirtíochta i bhfoirm sochair cúnamh scoile do leanbh faoi mhíchumas d’oibrí trasteorann ar náisiúnach de chuid an Aontais é nó í faoi réir an choinníll go bhfuil cónaí ar an leanbh sa chríoch náisiúnta, i gcás ina dtéann coinníoll den sórt sin thar a bhfuil riachtanach chun na cuspóirí a shaothraítear leis an reachtaíocht sin a bhaint amach.