1.

An bhfuil Airteagal 2(2)(d) de Rialachán (AE) 2016/679 (1) ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena leasaítear Treoir 95/46/CE (An Rialachán Ginearálta maidir le Cosaint Sonraí) agus Airteagal 2(1) i gcomhar le hAirteagal 1 de Threoir 2016/680 (2) ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le próiseáil sonraí pearsanta ag údaráis inniúla chun cionta coiriúla a chosc, a imscrúdú, a bhrath nó a ionchúiseamh nó chun pionóis choiriúla a fhorghníomhú, agus maidir le saorghluaiseacht sonraí den sórt sin, agus lena n-aisghairtear Cinneadh Réime 2008/977/GCB, le léiriú sa chaoi gurb ionann próiseáil fhéideartha sonraí pearsanta ag aonad faisnéise airgeadais agus próiseáil sonraí ag údarás inniúil chun cionta coiriúla a chosc, a imscrúdú, a bhrath nó a ionchúiseamh nó chun pionóis choiriúla a fhorghníomhú, lena n-áirítear cosaint i gcoinne bagairtí don tslándáil phoiblí, fiú mura comhlacht fiosrúcháin é an t-aonad faisnéise airgeadais dá dtagraítear sa Chód Nós Imeachta Choiriúil?

2.

An bhfuil Airteagal 23(2)(h) de RGCS agus Airteagal 15(3) de Threoir 2016/680 le léiriú sa chaoi gur féidir diúltú an gníomh dlí a nochtadh don ábhar sonraí ar ar a bhonn a diúltaíodh faisnéis a sholáthar maidir le sonraí pearsanta an ábhair sonraí sin, ionas go gcuirtear cosc ar dheimhniú nó diúltú an fhíorais gur próiseáladh sonraí pearsanta an ábhair sonraí sin, i gcás nach bhfuil aon eolas ag an ábhar sonraí faoin bpróiseáil sin agus, sa chás sin, an féidir faisnéis a dhiúltú d’ábhair sonraí i dtaobh an féidir leo an ceart dá dtagraítear i dTreoir 2016/680 a fheidhmiú?

3.

An bhfuil Airteagal 15 de Threoir 2016/680 agus Airteagal 23 de RGCS le léiriú sa chaoi go bhfuil reachtaíocht náisiúnta lena ndeonaítear do cheann aonaid faisnéise airgeadais an chumhacht chun cearta ábhar sonraí a shrianadh agus lena sonraítear an chríoch, na coinníollacha, an raon feidhme ama agus geografach den srian ar chearta ábhar sonraí i gcomhar le foráil dlí eile, lena n-áirítear forálacha dlí tánaisteacha, i gcomhréir leis na hAirteagail sin?

4.

An bhfuil Airteagal 15 de Threoir 2016/680 agus Airteagal 23 de RGCS le léiriú sa chaoi go bhfuil foráil náisiúnta lena gcuirtear srian glan ar fheidhmiú an chirt dá bhforáiltear in Airteagal 14 de Threoir 2016/680 agus Airteagal 15 de RGCS go dtí go scriostar na sonraí sin, ionas nach féidir leis an ábhar sonraí an fhaisnéis a bhaineann leis na sonraí sin a fháil choíche i gcomhréir leis na hAirteagail sin?