(1)

An 27 Aibreán 2011 ghlac an Coimisiún Cinneadh 2011/278/AE (2) lena gcinntear rialacha uile-Aontais idirthréimhseacha maidir le leithdháileadh comhchuibhithe lamháltas astaíochtaí saor in aisce de bhun Airteagal 10a de Threoir 2003/87/CE ó Pharlaimint na hEorpa agus ón gComhairle (3). De bhun Airteagal 27 de Rialachán Tarmligthe (AE) 2019/331 ón gCoimisiún (4), leanann Cinneadh 2011/278/AE d’fheidhm a bheith aige maidir le leithdháiltí a bhaineann leis an tréimhse roimh an 1 Eanáir 2021. Baineann gach leithdháileadh faoina dtugtar fógra dá dtagraítear sa chinneadh seo le leithdháileadh lamháltas astaíochtaí saor in aisce le haghaidh na tréimhse ó 2013 go 2020.

(2)

An 5 Meán Fómhair 2013, ghlac an Coimisiún Cinneadh 2013/448/AE (5) maidir le bearta náisiúnta trasuite le haghaidh leithdháileadh saor in aisce idirthréimhseach lamháltas astaíochtaí gás ceaptha teasa le haghaidh na tréimhse idir 2013 agus 2020, de bhun Airteagal 10a de Threoir 2003/87/CE.

(3)

Le Cinneadh 2014/9/AE (6), rinne an Coimisiún Cinneadh 2010/2/AE (7) agus Cinneadh 2011/278/AE a leasú a mhéid a bhaineann le liosta earnálacha agus fo-earnálacha a mheastar a bheith i mbaol mór sceite carbóin (dá ngairtear ‘liosta sceite carbóin’ anseo feasta).

(4)

Le Cinntí C(2013) 9281 (8), C(2014) 123 (9), C(2014) 674 (10) agus C(2014) 1167 (11), thug an Coimisiún treoir don riarthóir lárnach táblaí leithdháileacháin náisiúnta agus táblaí leithdháileacháin náisiúnta athbhreithnithe na Beilge, na Bulgáire, na Seicia, na Danmhairge, na Gearmáine, na hEastóine, na hÉireann, na Gréige, na Spáinne, na Fraince, na Cróite, na hIodáile, na Cipire, na Laitvia, na Liotuáine, Lucsamburg, na hUngáire, na hÍsiltíre, na hOstaire, na Polainne, na Portaingéile, na Rómáine, na Slóivéine, na Slóvaice, na Fionlainne agus na Sualainne a chur isteach i Loga Beartaíochta an Aontais Eorpaigh.

(5)

De bhun Rialachán (AE) Uimh. 389/2013, Airteagal 52(2), an chéad fhomhír, thug an tSeicia fógra don Choimisiún, le litir dar dháta an 13 Feabhra 2025, maidir le hathruithe ar a tábla leithdháileacháin náisiúnta chun leithdháileadh lamháltas astaíochtaí saor in aisce a chur ar fáil mar thoradh ar scor páirteach gníomhaíochtaí agus téarnamh leibhéil na ngníomhaíochtaí ina dhiaidh sin.

(6)

De bhun Rialachán (AE) Uimh. 389/2013, Airteagal 52(2), an chéad fhomhír, thug an Ghearmáin fógra don Choimisiún, le litir dar dháta an 9 Iúil 2024, maidir le hathruithe ar a tábla leithdháileacháin náisiúnta chun leithdháileadh lamháltas astaíochtaí saor in aisce a chur ar fáil mar thoradh ar scor páirteach gníomhaíochtaí agus téarnamh leibhéil na ngníomhaíochtaí ina dhiaidh sin.

(7)

De bhun Rialachán (AE) Uimh. 389/2013, Airteagal 52(2), an chéad fhomhír, thug an Chróit fógra don Choimisiún, le litir dar dháta an 16 Bealtaine 2024, maidir le hathruithe ar a tábla leithdháileacháin náisiúnta chun leithdháileadh lamháltas astaíochtaí saor in aisce a chur ar fáil mar thoradh ar scor páirteach gníomhaíochtaí agus téarnamh leibhéil na ngníomhaíochtaí ina dhiaidh sin.

(8)

De bhun Rialachán (AE) Uimh. 389/2013, Airteagal 52(2), an chéad fhomhír, thug an Iodáil fógra don Choimisiún, le litir dar dháta an 7 Eanáir 2025, maidir le hathruithe ar a tábla leithdháileacháin náisiúnta chun leithdháileadh lamháltas astaíochtaí saor in aisce a chur ar fáil mar thoradh ar scor páirteach gníomhaíochtaí agus téarnamh leibhéil na ngníomhaíochtaí ina dhiaidh sin.

(9)

De bhun Rialachán (AE) Uimh. 389/2013, Airteagal 52(2), an chéad fhomhír, thug an tSlóvaic fógra don Choimisiún, le litir dar dháta an 11 Feabhra 2025, maidir le hathruithe ar a tábla leithdháileacháin náisiúnta chun leithdháileadh lamháltas astaíochtaí saor in aisce a chur ar fáil mar thoradh ar scor páirteach gníomhaíochtaí agus téarnamh leibhéil na ngníomhaíochtaí ina dhiaidh sin.

(10)

Na hathruithe faoina dtugtar fógra ar tháblaí leithdháileacháin náisiúnta na Seicia, na Gearmáine, na Cróite, na hIodáile agus na Slóvaice, tá siad i gcomhréir le Cinneadh 2011/278/AE. Dá bhrí sin, ba cheart treoir a thabhairt don riarthóir lárnach na hathruithe sin a chur isteach i gClárlann an Aontais Eorpaigh,