Breithiúnas na Cúirte Breithiúnais (an Cúigiú Dlísheomra) an 13 Márta 2025 (iarraidh ar réamhrialú ón Bundesgerichtshof – An Ghearmáin) – Cassella-med GmbH & Co.KG, MCM Klosterfrau Vertriebsgesellschaft mbH v Verband Sozialer Wettbewerb eV

(Cás C-589/23  (1) , Cassella-med et MCM Klosterfrau)

(Tarchur chun réamhrialú - Táirgí íocshláinte lena n-úsáid ag an duine - Treoir 2001/83/CE - Airteagal 1(2)(b) - An coincheap ‘táirge íocshláinte de réir feidhme’ - An coincheap ‘gníomhaíocht chógaseolaíochta’ - Substaint a tháthaíonn le baictéir ar bhealach in-aisiompaithe chun iad a chosc ó ghreamú de chealla daonna - Airteagal 2(2) - Creat dlíthiúil is infheidhme - Aicmiú mar ‘fheiste leighis’ nó mar ‘tháirge íocshláinte’ - Feistí leighis - Treoir 93/42/CEE - Airteagal 1(2)(a) - An coincheap ‘feiste leighis)

(C/2025/2497)

Teanga an cháis: an Ghearmáinis

An chúirt a rinne an tarchur

Bundesgerichtshof

Páirtithe sna príomhimeachtaí

Iarratasóirí: Cassella-med GmbH & Co.KG, MCM Klosterfrau Vertriebsgesellschaft mbH

Cosantóir: Verband Sozialer Wettbewerb eV

An chuid oibríochtúil

Maidir le hAirteagal 1(2)(b) de Threoir 2001/83/CE ó Pharlaimint na hEorpa agus ón gComhairle an 6 Samhain 2001 maidir leis an gcód Comhphobail a bhaineann le táirgí íocshláinte lena n-úsáid ag an duine, arna leasú le Treoir 2004/27/CE ó Pharlaimint na hEorpa agus ón gComhairle an 31 Márta 2004,

ní mór léiriú a dhéanamh mar seo a leanas:

ní mór a mheas go bhfuil ‘gníomhaíocht chógaseolaíochta’, de réir bhrí na forála sin, ann i gcás ina gcoisceann substaint, trí tháthú in-aisiompaithe le baictéir, ar na baictéir greamú de chealla daonna.

---

(1)  IO C, C/2024/706.