Caingean arna tabhairt an 13 Feabhra 2025 – Bulkhead/EUIPO – Ubisoft Entertainment (WARDOGS)

(Cás T-109/25)

(C/2025/1780)

Teanga inar taisceadh an t-iarratas: an Béarla

Páirtithe

Iarratasóir: Bulkhead Ltd (Derby, an Ríocht Aontaithe) (ionadaí: D. Selmi, Dlíodóir)

Cosantóir: Oifig Maoine Intleachtúla an Aontais Eorpaigh

Páirtí eile sna himeachtaí os comhair an Bhoird Achomhairc: Ubisoft Entertainment (Carentoir, an Fhrainc)

Sonraí na n-imeachtaí os comhair EUIPO

Iarratasóir an trádmhairc atá faoi cheist: Iarratasóir os comhair na Cúirte Ginearálta

Trádmharc atá faoi cheist: Iarratas ar fhocalmharc de chuid an Aontais Eorpaigh WARDOGS – Iarratas ar chlárú Uimh. 18 716 754

Nós imeachta os comhair EUIPO: Imeachtaí freasúra

Cinneadh atá faoi chonspóid: Cinneadh ón gCeathrú Bord Achomhairc de EUIPO an 10 Nollaig 2024 i gCás R 1314/2024-4

An t-ordú atá á lorg

Iarrann an t-iarratasóir ar an gCúirt Ghinearálta:

—	an cinneadh atá faoi chonspóid a chur ar neamhní;

—

EUTM atá faoi chonspóid a scrúdú agus ordú a dhéanamh chun EUTM atá faoi chonspóid a chlárú le haghaidh na n-earraí agus na seirbhísí uile atá faoi chonspóid a measadh nach raibh siad inchláraithe, eadhon: Aicme 9: Na hearraí uile in Aicme 9 seachas spéaclaí gréine; cásanna, strapaí agus slabhraí le haghaidh spéaclaí gréine; maighnéid mhaisithe; maighnéid cuisneora. Aicme 41: Na seirbhísí uile in Aicme 41;

—	a ordú do EUIPO na costais a íoc.

Saincheist dlí arna maíomh

Sárú ar Airteagal 8(1)(b) de Rialachán (AE) 2017/1001 ó Pharlaimint na hEorpa agus ón gComhairle.