1)

An bhfuil Airteagal 3i(3ca) de Rialachán Uimh. 833/2014 a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine (1), arna leasú le Rialachán 2023/2878 (2), le léiriú sa chaoi go bhféadfar a áireamh freisin sa choincheap ‘forghníomhú’ conarthaí a tugadh i gcrích roimh an 19 Nollaig 2023 an oibleagáid ghaolmhar íoc as earraí atá faoi réir conradh ceannaigh agus atá i measc na n-earraí sin dá dtagraítear i mír 1 den Airteagal sin, i gcás inar tháinig na hearraí sin isteach san Aontas Eorpach roimh an 19 Nollaig 2023?

2)

I gcás freagra dearfach ar an gcéad cheist, an leor, agus an tréimhse dá bhforáiltear in Airteagal 3i(3ca) agus an cuspóir a shaothraítear le glacadh na mbeart sriantach á gcur san áireamh, chun infheidhmeacht an Airteagail sin a chinneadh, go mbeadh an oibleagáid íocaíochta i leith na n-earraí a chumhdaítear leis an gconradh ceannaigh dlite roimh dhul in éag na tréimhse sin?

3)

An féidir Airteagal 3i(3ca) a léiriú mar Airteagal a bhaineann le híocaíocht atá tagtha chun bheith dlite faoi chonradh a tugadh i gcrích roimh an 19 Nollaig 2023, i gcás inar soláthraíodh na hearraí dá dtagraítear in Airteagal 3i(1) roimh an 19 Nollaig 2023, ach nach ndearna an páirtí faoi oibleagáid an íocaíocht dhlite sa tréimhse sin, a lig don teorainn ama dul in éag?

4)

An gcuirtear cosc le forálacha Airteagal 3i(1) de Rialachán Uimh. 833/2014, arna leasú le Rialachán 2023/2878, ar iarraidh ar íocaíocht a eascraíonn as conradh chun earraí a cheannach a tugadh i gcrích roimh na leasuithe a tugadh isteach le Rialachán 2023/2878, i gcás inar tháinig na hearraí isteach san Aontas Eorpach roimh an 19 Nollaig 2023 agus nach ndearnadh an íocaíocht tráth an tseachadta ná le linn na tréimhse dá bhforáiltear i mír 3ca?