Breithiúnas na Cúirte Breithiúnais (an Dara Dlísheomra) an 4 Deireadh Fómhair 2024 (iarraidh ar réamhrialú ón gCúirt Uachtarach –Éire) – Friends of the Irish Environment CLG v Rialtas na hÉireann, An tAire Tithíochta, Pleanála agus Rialtais Áitiúil, Éire, An tArd-Aighne

(Cás C-727/22  (1) , Friends of the Irish Environment (Project Ireland 2040))

(Tarchur chun réamhrialú - Comhshaol - Treoir 2001/42/CE - Measúnú a dhéanamh ar na héifeachtaí ar an gcomhshaol atá ag pleananna agus cláir áirithe - Airteagal 2(a) - An coincheap ‘pleananna agus clár [...] atá riachtanach de réir forálacha reachtaíochta, rialúcháin nó riaracháin’ - Beart arna ghlacadh ag rialtas Ballstáit ar bhonn fhoráil Bhunreacht an Ballstáit sin lena bhforáiltear gurb é an Rialtas a oibreoidh, nó is le húdarás an Rialtais a oibreofar, cumhacht chomhallach an rialtais sin, agus ar an mbonn amháin)

(C/2025/877)

Teanga an cháis: an Béarla

An chúirt a rinne an tarchur

an Chúirt Uachtarach

Páirtithe sna príomhimeachtaí

Iarratasóir: Friends of the Irish Environment CLG

Cosantóir: Rialtas na hÉireann, An tAire Tithíochta, Pleanála agus Rialtais Áitiúil, Éire, An tArd-Aighne

An chuid oibríochtúil

Maidir le hAirteagal 2(a) de Threoir 2001/42/CE ó Pharlaimint na hEorpa agus ón gComhairle an 27 Meitheamh 2001 maidir le measúnú a dhéanamh ar na héifeachtaí atá ag pleananna agus cláir áirithe ar an gcomhshaol,

ní mór léiriú a dhéanamh mar seo a leanas:

ní chomhlíontar an choinníoll ‘riachtanach de réir forálacha reachtaíochta, rialúcháin nó riaracháin’ le beart arna ghlacadh ag rialtas Ballstáit ar bhonn fhoráil Bhunreacht an Bhallstáit sin lena bhforáiltear gurb é an Rialtas a oibreoidh, nó gur le húdarás an Rialtais a oibreofar, cumhacht chomhallach an Stáit, agus ar an mbonn sin amháin agus, dá bhrí sin, ní féidir gur ‘plean’ nó ‘clár’ é de réir bhrí Airteagal 2(a).

---

(1)   IO C 63 an 20.02.2023.