Iarraidh ar réamhrialú ón Consiglio di Stato (an Iodáil) a taisceadh an 17 Deireadh Fómhair 2024 – Across Fiduciaria SpA, Galvani Fiduciaria Srl, Sfo Fiduciaria Srl v Presidenza del Consiglio dei Ministri, Ministero dell'Economia e delle Finanze, Ministero delle Imprese e del Made in Italy, Garante per la Protezione dei Dati Personali, Unioncamere (Unione Italiana delle Camere di Commercio, Industria, Artigianato e Agricoltura), Infocamere Scpa

(Cás C-684/24, Across Fiduciaria agus páirtithe eile)

(C/2025/706)

Teanga an cháis: an Iodáilis

An chúirt a rinne an tarchur

Consiglio di Stato

Páirtithe

Iarratasóirí: Across Fiduciaria SpA, Galvani Fiduciaria Srl, Sfo Fiduciaria Srl

Cosantóirí: Presidenza del Consiglio dei Ministri, Ministero dell'Economia e delle Finanze, Ministero delle Imprese e del Made in Italy, Garante per la Protezione dei Dati Personali, Unioncamere (Unione Italiana delle Camere di Commercio, Industria, Artigianato e Agricoltura), Infocamere Scpa

Na ceisteanna a tharchuirtear

An gceadaítear le hAirteagal 31(4) de Threoir 2015/849, (1) arna leasú le Treoir 2018/843 (2), rochtain ar fhaisnéis maidir le húinéireacht thairbhiúil iontaobhais nó comhshocraithe dhlíthiúil chomhchosúil i gcomhréir le rialacha na Cairte um Chearta Bunúsacha (Airteagal 7 ‘meas ar an saol príobháideach agus ar shaol an teaghlaigh’ agus Airteagal 8 ‘Sonraí pearsanta a chosaint’) agus an Choinbhinsiúin Eorpaigh um Chearta an Duine (Airteagal 8), a mhéid a cheadaítear leis rochtain ar aon chás d’aon duine nádúrtha nó dlítheanach ‘atá in ann leas dlisteanach a léiriú’ gan coincheap an ‘leasa dhlisteanaigh’ a shonrú agus a theorannú, agus ar an gcaoi sin é a fhágáil faoi lánrogha iomlán na mBallstát, rud a chruthaíonn an baol go mbeidh raon feidhme ró-leathan ag raon feidhme suibiachtúil an chirt rochtana, rud a d’fhéadfadh difear a dhéanamh do chearta bunúsacha an duine aonair?

An bhfuil na coimircí dá bhforáiltear in Airteagal 31(7a) de Threoir (AE) 2015/849, arna leasú le Treoir (AE) 2018/843, maidir leis an gceart chun leigheas riaracháin a fháil i gcoinne cinneadh lena maolaítear (in imthosca eisceachtúla a leagtar síos sa dlí náisiúnta) ón rochtain dá dtagraítear i mír 4 (rochtain a cheadaítear, ar aon chuma, ar fhaisnéis maidir le húinéireacht iontaobhais nó comhshocrú dlíthiúil comhchosúil), ag féachaint do na coimircí a thairgtear le hAirteagal 47 (an ceart chun leigheas éifeachtach agus triail chóir a fháil) den Chairt um Chearta Bunúsacha, chomh maith le hAirteagal 6 de ECHR, tá siad comhoiriúnach le hAirteagail 6 go 7 de decreto del Ministero dell’Economia e delle Finanze dell’11 marzo 2022, n. 55 (Foraithne Uimh. 55 ón Aireacht Gnóthaí Eacnamaíocha agus Airgeadais an 11 Márta 2022), a mhéid a thugtar leo do chomhlacht riaracháin neamhbhreithiúnach amhail Camera di commercio territoriale (an Comhlachas Tráchtála Críche) an chumhacht chun tuairim a thabhairt trí éifeacht dho-athraithe an bhaic ar shonraí a chinneadh trí fhoráil a dhéanamh ag céim níos déanaí don cheart chun leigheas breithiúnach a fhéadfaidh an t-úinéir tairbhiúil a thabhairt?

(1) Treoir (AE) 2015/849 ó Pharlaimint na hEorpa agus ón gComhairle an 20 Bealtaine 2015 maidir le cosc a chur le húsáid an chórais airgeadais chun críocha sciúrtha airgid agus maoinithe sceimhlitheoirí, lena leasaítear Rialachán (AE) Uimh. 648/2012 ó Pharlaimint na hEorpa agus ón gComhairle, agus lena n-aisghairtear Treoir 2005/60/CE ó Pharlaimint na hEorpa agus ón gComhairle agus Treoir 2006/70/CE ón gCoimisiún (IO 2015 L 141, lch. 73).

(2) Treoir (AE) 2018/843 ó Pharlaimint na hEorpa agus ón gComhairle an 30 Bealtaine 2018 lena leasaítear Treoir (AE) 2015/849 maidir le cosc a chur le húsáid an chórais airgeadais chun críocha sciúrtha airgid agus maoinithe sceimhlitheoirí, agus lena leasaítear Treoir 2009/138/CE agus Treoir 2013/36/AE (IO 2018 L 156, lch. 43).