Iris Oifigiúil
an Aontais Eorpaigh
GA
Sraith C
|
|
Iris Oifigiúil |
GA Sraith C |
|
C/2024/7438 |
13.12.2024 |
Rún ón gComhairle agus ionadaithe rialtais na mBallstát, ag teacht le chéile dóibh i dtionól na Comhairle, maidir leis an bPlean Oibre do Straitéis Óige an Aontais 2025-2027
(C/2024/7438)
DÉANANN AN CHOMHAIRLE AGUS IONADAITHE RIALTAIS NA mBALLSTÁT, AG TEACHT LE CHÉILE DÓIBH I dTIONÓL NA COMHAIRLE, AN MÉID SEO A LEANAS,
Á MHEABHRÚ DÓIBH AN MÉID SEO A LEANAS:
|
1. |
Sa rún ón gComhairle maidir le creat don chomhar Eorpach i réimse na hóige: Straitéis Óige an Aontais Eorpaigh 2019-2027 (1), iarrtar ar na Ballstáit agus ar an gCoimisiún Eorpach, laistigh dá réimsí inniúlachtaí faoi seach, Straitéis Óige an Aontais Eorpaigh a chur chun feidhme go héifeachtach ar fud an Aontais agus sna Ballstáit trí bhíthin ionstraimí sonracha – lena n-áirítear Pleananna Oibre an Aontais Eorpaigh don Óige. |
|
2. |
Is de réir tréimhsí oibre tríbhliantúla a mhaireann dhá Fhoireann Trí Uachtaránachta atá Straitéis Óige an Aontais bunaithe. Cuirtear na tosaíochtaí agus na gníomhaíochtaí do na tréimhsí oibre faoi seach i láthair i bPleananna Oibre an Aontais don Óige. Ba cheart tarraingt ar threoirphrionsabail agus ar thosaíochtaí Straitéis Óige an Aontais sna pleananna sin, lena dtabharfaí aghaidh ar shaincheisteanna i leith na hóige i bhfoirmíochtaí eile de chuid na Comhairle agus i gcomhlachtaí ullmhúcháin i réimsí ábhartha beartais. |
|
3. |
Ionstraim is ea Plean Oibre an Aontais a fheidhmíonn mar threoir lena léirítear do na Ballstáit, don Choimisiún agus do na páirtithe leasmhara uile an chaoi le cuspóirí Straitéis Óige an Aontais a bhaint amach. |
TUGANN SIAD AN MÉID SEO A LEANAS DÁ nAIRE:
|
4. |
Tarraingeoidh an Chomhairle suas na Pleananna Oibre sin de chuid an Aontais bunaithe ar an réamhaisnéis a fuarthas ó na foirne trí uachtaránacht ó na tíortha seo a leanas: an Pholainn, an Danmhairg agus an Chipir, agus Éire, an Liotuáin agus an Ghréig. |
|
5. |
Tá athbhreithniú le déanamh le linn an chéad leath de 2026 ar na tosaíochtaí agus na gníomhaíochtaí a chuirtear i láthair sa chlár oibre tríbhliantúil sin (arna ullmhú ag na foirne trí uachtaránacht le linn na tréimhse 2025-2027, san Iarscríbhinn) agus formheasfaidh an Chomhairle agus na Ballstáit an t-athbhreithniú ag teacht le chéile dóibh i dtionól na Comhairle faoi dheireadh mhí an Mheithimh 2026. |
|
6. |
Leis an Teachtaireacht ón gCoimisiún maidir le hoidhreacht Bhliain Eorpach na hÓige (2) chomh maith leis an tuarascáil ón gCoimisiún maidir leis an meastóireacht eatramhach ar Straitéis Óige an Aontais Eorpaigh 2019-2027 (3), soláthraíodh ionchur chun cur chun feidhme Straitéis Óige an Aontais Eorpaigh a fheabhsú a thuilleadh, go háirithe trí dhlús breise a chur leis na cuspóirí maidir le príomhshruthú na hóige agus rannpháirtíocht na hóige, lena n-áirítear trí Idirphlé an Aontais Eorpaigh leis an Aos Óg agus trí phromhadh na hóige a chur chun feidhme ar an leibhéal Eorpach. |
|
7. |
Is féidir leis an gCoimisiún tacú le gníomhaíochtaí na mBallstát a leagtar amach sa Phlean Oibre seo agus iad a chomhlánú, go háirithe tríd an gcomhar a spreagadh, trí thacú le soghluaisteacht daoine óga agus oibrithe don óige agus trí dhaoine óga a spreagadh chun páirt a ghlacadh sa saol daonlathach. Áirítear leis na huirlisí a forbraíodh chun tacú le cur chun feidhme Straitéis Óige an Aontais a shlógadh Idirphlé an Aontais Eorpaigh leis an Aos Óg, Grúpa Páirtithe Leasmhara Óige an Aontais (4), Tairseach Eorpach an Aontais na hÓige, Comhordaitheoir Eorpach na hÓige agus gníomhaíochtaí foghlama frithpháirtí (grúpaí saineolaithe, gníomhaíochtaí piarfhoghlama agus an phiarchomhairleoireacht). Is féidir tacú leis sin trí nuashonruithe agus malartuithe rialta leis na Ballstáit maidir le tosaíochtaí beartais náisiúnta don óige agus riachtanais chomhair, an vicí don óige, deais óige an Aontais (5) agus táscairí óige, suirbhéanna, staidéir agus taighde. Is féidir an tacaíocht a threisiú a thuilleadh trí chláir i réimse na hóige (go háirithe Erasmus+ agus an Cór Dlúthpháirtíochta Eorpach (6)) agus trí chomhpháirtíochtaí agus comhar le heagraíochtaí idirnáisiúnta eile, go háirithe Chomhairle na hEorpa, ECFE agus na Náisiúin Aontaithe. |
|
8. |
Ní mór d’Idirphlé an Aontais leis an Aos Óg leanúint de bheith ag forbairt agus ag fás chun an dul chun cinn maidir le cuimsiú a baineadh amach le linn na dtimthriallta roimhe seo a chosaint, mar shampla trí rannpháirtíocht daoine óga ar lú na deiseanna atá acu agus grúpaí faoi ghannionadaíocht a mhéadú a thuilleadh. Ní mór aird a thabhairt ar na próisis chun moltaí ó Idirphlé an Aontais leis an Aos Óg a roinnt le lucht ceaptha beartas agus le páirtithe leasmhara eile. Ba cheart feasacht a mhéadú maidir le sásraí infheictheachta agus cumarsáide agus a thábhachtaí atá sé faireachán a dhéanamh chun feabhas a chur ar thionchar Idirphlé an Aontais leis an Aos Óg chun rannpháirtithe agus páirtithe leasmhara a chur ar an eolas faoin obair leantach ar leibhéal an Aontais, ar an leibhéal náisiúnta, ar an leibhéal réigiúnach agus ar an leibhéal áitiúil. |
|
9. |
In 2025-2026, seolfaidh an Coimisiún próiseas comhchruthaithe i gcomhar leis na páirtithe leasmhara óige uile chun an chéad Straitéis Óige eile de chuid an Aontais tar éis 2027 a ullmhú. Áireofar leis sin Grúpa Páirtithe Leasmhara Óige a shlógadh, cruinnithe agus imeachtaí a eagrú ar nós Sheachtain Eorpach na hÓige 2026 agus feachtas ar líne, agus d’fhéadfadh sé a bheith mar chuid de chomhairliúcháin Idirphlé an Aontais leis an Aos Óg. Tá an Coimisiún ag tacú freisin leis an gCoinbhinsiún Eorpach maidir le hObair Óige 2025 atá beartaithe don 28 go dtí an 30 Bealtaine 2025, i Málta, ar féidir leis rannchuidiú leis an gcéad Straitéis Óige eile de chuid an Aontais. |
|
10. |
Cuirfear toradh na meastóireachtaí meántéarma (atá beartaithe do dheireadh 2024) ar chláir Erasmus+ agus an Chóir Dlúthpháirtíochta Eorpaigh san áireamh sna hullmhúcháin do ghlúin nua an chláir. Áireofar leis sin comhairliúcháin ar leibhéil éagsúla le páirtithe leasmhara óige agus le daoine óga chun próiseas comhchruthaithe a chinntiú do na cláir chun freagairt do na riachtanais agus do na dúshláin atá os comhair daoine óga agus eagraíochtaí don óige. |
IARRANN SIAD AR UACHTARÁNACHTAÍ NA COMHAIRLE AN MÉID SEO A LEANAS A DHÉANAMH:
|
11. |
Deiseanna a chur ar fáil do na Ballstáit agus do pháirtithe leasmhara i réimse na hóige chun todhchaí an chomhair Eorpaigh i réimse na hóige tar éis 2027 a phlé, lena n-áirítear trí Idirphlé an Aontais Eorpaigh leis an Aos Óg agus le tacaíocht ón gCoimisiún Eorpach, chun na sineirgí is fearr is féidir a chur ar fáil leis an nglúin nua de chláir agus chun na déchuspóirí a bhaineann le rannpháirtíocht fhóinteach na hóige agus príomhshruthú na hóige a bhaint amach, agus chun gur féidir leis na haireachtaí ábhartha uile agus na páirtithe leasmhara eile Straitéis Óige an Aontais Eorpaigh a thuiscint ar bhealach níos éasca mar gheall ar a cineál trasearnálach. |
IARRANN SIAD AR AN gCOIMISIÚN EORPACH AN MÉID SEO A LEANAS A DHÉANAMH:
|
12. |
Comhairliúchán inmheánach trasearnála a áirithiú go luath i ndearadh na chéad Straitéise Óige eile de chuid an Aontais i gcomhréir leis an Teachtaireacht maidir le hoidhreacht Bhliain Eorpach na hÓige (7), chun cuspóir phríomhshruthú na hóige ar fud na réimsí beartais uile a ghabháil.
Plean oibre do Straitéis Óige an Aontais 2025-2027 (8)
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
(1) Rún ó Chomhairle an Aontais Eorpaigh agus ó Ionadaithe Rialtais na mBallstát, ag teacht le chéile dóibh i dtionól na Comhairle, maidir le creat don chomhar Eorpach i réimse na hóige: Straitéis Óige an Aontais Eorpaigh 2019-2027, 2018/C 456/01.
(2) Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún maidir le Bliain Eorpach na hÓige 2022 (COM/2024/1 final).
(3) Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún ar an meastóireacht Eatramhach ar Straitéis Óige an Aontais Eorpaigh 2019-2027.
(4) Tá sainiúlachtaí an ghrúpa fós le cinneadh.
(5) Eurostat, leanaí agus an óige, deais óige an Aontais.
(6) Tuarascáil ón gCoimisiún ar an meastóireacht eatramhach ar Straitéis Óige an Aontais Eorpaigh 2019-2027. (COM/2024/162 final).
(7) Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún maidir le Bliain Eorpach na hÓige 2022, COM (2024) 1 final.
(8) Tiomsaithe ag Uachtaránacht na hUngáire ar bhonn na réamhfhaisnéise a fuarthas ó na foirne trí Uachtaránacht, is iad sin PL-DK-CY agus IE-LT-EL.
(9) Féach an Rún ón gComhairle agus ó Ionadaithe Rialtais na mBallstát, ag teacht le chéile dóibh i dtionól na Comhairle maidir leis an gCreat chun Clár Oibre Eorpach don Obair Óige a bhunú (2020/C 415/01).
ELI: http://data.europa.eu/eli/C/2024/7438/oj
ISSN 1977-107X (electronic edition)