1.   

An 11 Samhain 2024 fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—	Synopsys, Inc. (‘Synopsys’, Stáit Aontaithe Mheiriceá),

—	Ansys, Inc. (‘Ansys’’, Stáit Aontaithe Mheiriceá).

Gheobhaidh Synopsys rialú aonair, de réir bhrí Airteagal 3(1)(b) den Rialachán um Chumaisc, ar Ansys ina iomláine.

Baintear an comhchruinniú amach trí bhíthin ceannach scaireanna.

2.   

Is iad seo a leanas gníomhaíochtaí gnó na ngnóthas lena mbaineann:

—	Is soláthraí domhanda bogearraí, uirlisí agus seirbhísí uathoibrithe dearaidh leictreonaigh agus táirgí agus seirbhísí maoine intleachtúla leathsheoltóra é Synopsys.

—	Is soláthraí domhanda bogearraí agus seirbhísí insamhalta innealtóireachta é Ansys, a sholáthraíonn raon leathan réitigh insamhalta lena ndéantar táirgí agus próisis a dhearadh, a thástáil agus a bharrfheabhsú ar fud tionscail éagsúla.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

4.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.11481 – SYNOPSYS / ANSYS

Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:

Ríomhphost: COMP-MERGER-REGISTRY@ec.europa.eu

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË