Iarraidh ar Thuairim Chomhairleach ó Chúirt CSTE arna cur isteach ag Cúirt Achomhairc Borgarting dar dáta an 8 Bealtaine 2024 i gcás Friends of the Earth Norway agus Young Friends of the Earth Norway v Rialtas na hIorua, arna ionadú ag an Aireacht Aeráide agus Comhshaoil agus ag an Aireacht Trádála, Tionscail agus Iascaigh

(Cás E-13/24)

(C/2024/6954)

Rinneadh iarraidh chuig Cúirt CSTE dar dáta an 8 Bealtaine 2024, iarraidh a tháinig ó Chúirt Achomhairc Borgarting (Borgarting lagmannsrett), a fuarthas i gClárlann na Cúirte an 23 Bealtaine 2024, ar Thuairim Chomhairleach i gcás Friends of the Earth Norway agus Young Friends of the Earth Norway v Rialtas na hIorua, arna ionadú ag an Aireacht Aeráide agus Comhshaoil (Klima-og miljødepartementet) agus ag an Aireacht Trádála, Tionscail agus Iascaigh (Nærings- og fiskeridepartemented), maidir leis na ceisteanna seo a leanas:

Cad é an tástáil dlí a úsáidtear chun a chinneadh an ann do ‘leas poiblí sáraitheach’ de réir bhrí Airteagal 4(7)(c) de Threoir 2000/60/CE (1)?

a.	An bhfuil ceannasacht cáilithe leasa ag teastáil agus/nó an iad leasanna poiblí lena mbaineann tábhacht ar leith amháin atá ábhartha?

b.	Cad iad na príomhthosca a bheidh ann maidir le measúnú a dhéanamh ar cé acu atá nó nach bhfuil na leasanna poiblí a thugann údar leis an mbeart ‘sáraitheach’?

An féidir na breithnithe eacnamaíocha seo a leanas a bheith ina ‘leas poiblí sáraitheach’ faoi Airteagal 4(7)(c) de Threoir 2000/60/CE, agus más féidir, cad iad na coinníollacha faoina bhféadfaidh siad bheith amhlaidh?

a.	Breithnithe atá ina mbreithnithe eacnamaíocha amháin (i.e. an t-ollioncam ionchasach a ghintear ag na hoibríochtaí mianadóireachta atá beartaithe)

b.	Go nginfidh gnóthas príobháideach ioncam do scairshealbhóirí

c.	Go nginfidh gnóthas príobháideach ioncam cánach don stát agus don bhardas

d.	Go gcuirfidh gnóthas príobháideach ioncam pá ar fáil d’fhostaithe

a.	Go nginfidh gnóthas príobháideach éifeachtaí fostaíochta (méadú ar ghníomhaíocht gnó áitiúil, ar fhostaíocht agus ar lonnaíocht)

b.	Soláthar domhanda rúitíle

c.	Rochtain na hIorua agus na hEorpa ar mhianraí criticiúla a áirithiú

(1) IO L 327, 22.12.2000, lch. 1.