1)

Maidir le hAirteagal 135(1)(i) de Threoir 2006/112/CE ón gComhairle an 28 Samhain 2006 maidir leis an gcomhchóras cánach breisluacha, arna léamh i gcomhar le prionsabal na neodrachta fioscaí,

ní mór léiriú a dhéanamh mar seo a leanas:

ní chuirtear cosc leis ar reachtaíocht náisiúnta lena gcaitear le difríocht sa chóir idir, ar thaobh amháin, ticéid chrannchuir a cheannach ar líne agus, ar an taobh eile, páirt a ghlacadh i gcluichí seans eile nó i gcluichí cearrbhachais a thairgtear ar líne, tríd an dara ceann a eisiamh ón díolúine ó cháin bhreisluacha is infheidhme maidir leis an gcéad cheann, ar choinníoll gur dócha go mbeidh tionchar suntasach ag na difríochtaí oibiachtúla idir an dá chatagóir cluichí seans nó cearrbhachais sin ar chinneadh an ghnáth-thomhaltóra ceann amháin nó ceann eile de na catagóirí cluichí sin a úsáid.

2)

Ceanglaítear le prionsabal an chomhair dhílis mar a chumhdaítear in Airteagal 4(3) CAE agus le prionsabal thosaíocht dhlí an Aontais, ar an gcúirt náisiúnta forálacha náisiúnta a mheastar a bheith ar neamhréir le hAirteagal 135(1)(i) de Threoir 2006/112, arna léamh i gcomhar le prionsabal na neodrachta fioscaí, a fhágáil gan feidhm, agus breithiúnas ón gcúirt bhunreachtúil náisiúnta a bheith ann lena gcinntear éifeachtaí na bhforálacha náisiúnta sin a choinneáil ar bun a bheith neamhábhartha chuige sin.

3)

Ní mór rialacha dhlí an Aontais maidir le haisghabháil suimeanna a íocadh go míchuí a léiriú sa chaoi go dtugtar ceart don duine inchánach aisíocaíocht a fháil ar an méid cánach breisluacha a toibhíodh i mBallstát de shárú ar Airteagal 135(1)(i) de Threoir 2006/112, ar choinníoll nach mbeidh saibhriú éagórach an duine inchánach sin mar thoradh ar an aisíocaíocht sin.

4)

Ní mór Airteagal 108(3) CFAE a léiriú sa chaoi, i gcás inarb ionann an díolúine ó cháin bhreisluacha (CBL) arna dteachtadh ag oibreoirí áirithe agus Státchabhair neamhdhleathach, nach féidir le duine inchánach nár thairbhigh de dhíolúine den sórt sin, i bhfoirm damáistí, méid a fháil atá coibhéiseach leis an CBL a d’íoc sé.