Breithiúnas na Cúirte Breithiúnais (an Dara Dlísheomra) an 29 Iúil 2024 (iarraidh ar réamhrialú ó Bezirksgericht für Handelssachen Wien agus Nederlandstalige Ondernemingsrechtbank Brussel – an Ostair, an Bheilg) – Bundesarbeitskammer (C-771/22), A, B, C, D (C-45/23) v HDI Global SE (C-771/22), MS Amlin Insurance SE (C-45/23)

(Cásanna Uamtha C-771/22  (1) agus C-45/23  (2) , HDI Global agus MS Amlin Insurance)

(Tarchur chun réamhrialú - Treoir (AE) 2015/2302 - Taisteal láneagraithe agus socruithe taistil nasctha - Airteagal 12 - An ceart chun conradh taistil láneagraithe a fhoirceannadh - An ceart chun aisíocaíocht iomlán a fháil ar íocaíochtaí arna ndéanamh faoin bpacáiste - Imthosca neamhghnácha agus dosheachanta - Paindéim COVID-19 - Airteagal 17 - Dócmhainneacht an eagraí taistil - Ráthaíocht go n-aisíocfar gach íocaíocht a dhéantar - Ardleibhéal cosanta tomhaltóirí - Prionsabal na córa comhionainne)

(C/2024/5597)

Teangacha an cháis: an Ghearmáinis agus an Ollainnis

Na cúirteanna a rinne an tarchur

Bezirksgericht für Handelssachen Wien, Nederlandstalige Ondernemingsrechtbank Brussel

Páirtithe sna príomhimeachtaí

Iarratasóirí: Bundesarbeitskammer (C-771/22), A, B, C, D (C-45/23)

Cosantóirí: HDI Global SE (C-771/22), MS Amlin Insurance SE (C-45/23)

An chuid oibríochtúil

Maidir le hAirteagal 17(1) de Threoir (AE) 2015/2302 ó Pharlaimint na hEorpa agus ón gComhairle an 25 Samhain 2015 maidir le taisteal láneagraithe agus socruithe taistil nasctha, lena leasaítear Rialachán (CE) Uimh. 2006/2004 agus Treoir 2011/83/AE de ó Pharlaimint na hEorpa agus ón gComhairle agus lena n-aisghairtear Treoir 90/314/CEE ón gComhairle,

ní mór léiriú a dhéanamh mar seo a leanas:

beidh feidhm ag an ráthaíocht a thugtar do thaistealaithe i gcoinne dócmhainneacht an eagraí taistil láneagraithe i gcás ina bhfoirceannann taistealaí a chonradh taistil láneagraithe de bharr imthosca neamhghnácha agus dosheachanta de bhun Airteagal 12(2) den Treoir sin, go dtiocfaidh an t-eagraí taistil sin chun bheith dócmhainneach tar éis an fhoirceanta sin agus nár bhain an taistealaí sin tairbhe, roimh na dócmhainneachtea sin, as aisíocíocht iomlán na n-íocaíochtaí a rinneadh ar a bhfuil sé i dteideal faoin bhforáil dheireanach sin.

---

(1)   IO C 112, 27.3.2023.

(2)   IO C 155, 2.5.2023.