Iarraidh ar réamhrialú ón Cour de cassation (an Fhrainc) a taisceadh an 13 Meitheamh 2024 – Société Nouvelle de l’Hôtel Plaza SAS v YG, Pôle emploi

(Cás C-419/24, Hôtel Plaza)

(C/2024/5309)

Teanga an cháis: an Fhraincis

An chúirt a rinne an tarchur

Cour de cassation

Páirtithe sna príomhimeachtaí

Iarratasóir: Société Nouvelle de l’Hôtel Plaza SAS

Cosantóir: YG, Pôle emploi

Na ceisteanna a tharchuirtear:

Maidir le hAirteagal 1(1)(a) de Threoir 98/59/CE ón gComhairle an 20 Iúil 1998 maidir le comhfhogasú dhlíthe na mBallstát um iomarcaíochta comhchoiteanna (1), lena bhfóráiltear:

a)

is ionann ‘iomarcaíochtaí comhchoiteanna’ agus iomarcaíochtaí arna ndéanamh ag fostóir ar chúis amháin nó níos mó nach mbaineann leis na hoibrithe aonair sin i gcás, de réir rogha na mBallstát, go bhfuil líon na n-iomarcaíochtaí: i) thar thréimhse 30 lá: — ar a laghad 10 gcinn i mbunaíochtaí a fhostaíonn de ghnáth níos mó ná 20 agus níos lú ná 100 oibrí, — ar a laghad 10 % de líon na n-oibrithe i mbunaíochtaí a fhostaíonn de ghnáth ar a laghad 100 ach níos lú ná 300 oibrí, — ar a laghad 30 oibrí i mbunaíochtaí a fhostaíonn de ghnáth ar a laghad 300 oibrí; ii) thar thréimhse 90 lá, 20 ar a laghad, gan beann ar líon na n-oibrithe atá fostaithe de ghnáth sna bunaíochtaí lena mbaineann, an gcaithfear léiriú a dhéanamh air sa dóigh gur chóir na fostaithe a chuir cuideachta seachtrach ar fáil agus atá i láthair sna háitribh agus a oibríonn go rialta sa chuideachta úsáideora tráth den chur chun feidhme an nós imeachta iomarcaíochta a aithint mar oibrithe i ríomh na mbaill foirne dá bhforáiltear leis an bhforáil sin?

---

(1)   IO 1998 L 225, lch. 16.