Iarraidh ar réamhrialú ón Naczelny Sąd Administracyjny (an Pholainn) a taisceadh an 11 Meitheamh 2024 – L. s.c. v Dyrektor Krajowej Informacji Skarbowej

(Cás C-405/24, L.)

(C/2024/5302)

Teanga an cháis: an Pholainnis

An chúirt a rinne an tarchur

Naczelny Sąd Administracyjny

Páirtithe sna príomhimeachtaí

Iarratasóir: L. s.c.

Cosantóir: Dyrektor Krajowej Informacji Skarbowej

An cheist a tharchuirtear

An gcuirtear cosc le hAirteagal 143(1)(b) de Threoir 2006/112/CE ón gComhairle an 28 Samhain 2006 maidir leis an gcóras comhchoiteann cánach breisluacha (1) agus Airteagal 1 de Threoir 2006/79 an 5 Deireadh Fómhair 2006 maidir le díolúine a thabhairt le haghaidh allmhairí coinsínithe beaga earraí neamh-thráchtála ó thríú tíortha (2), i gcomhthéacs aithris (3) de Threoir 2006/79 agus Airteagal 25 de Rialachán (CE) Uimh. 1186/2009 ón gComhairle an 16 Samhain 2009 maidir le córas Comhphobail faoiseamh ó dhleachtanna custaim (3) ar reachtaíocht amhail Airteagal 52(1) den ustawy z dnia 11 marca 2004 r. o podatku od towarów i usługnach (Dlí an 11 Márta 2004 maidir leis an gcáin ar earraí agus seirbhísí, an Pholainn) (Dz. U. z 2018, mír 2174, arna leasú) ar dá réir nach mbaineann díoluine CBL le hallmhairiú earraí atá i gcoinsíniú arna sheoladh ó chríoch tríú tír ag duine nádúrtha chuig duine nádúrtha atá ina chónaí i gcríoch Bhallstát an Aontais Eorpaigh seachas críoch na tíre ina ndéantar an t-allmhairiú?

---

(1)   IO 2006 L 347, lch. 1.

(2)   IO 2006 L 286, lch. 15.

(3)   IO 2009, L 324, lch. 23.