—

a dhearbhú go bhfuil Cinneadh (CBES) 2023/891 agus Rialachán (AE) 2023/888 neamhdhleathach agus nach bhfuil feidhm ag na gníomhartha sin i leith an iarratasóra;

—

Cinneadh (CBES) 2014/1242 (1) ón gComhairle an 26 Aibreán 2024 a mhéid a choimeádtar leis an t-iarratasóir faoi Uimh. 10 d’Iarscríbhinn I de Chinneadh (CBES) 2023/891, a chur ar neamhní;

—

Rialachán Cur Chun Feidhme (AE) 2024/1243 (2) an 26 Aibreán 2024 a mhéid a choimeádtar leis an t-iarratasóir faoi Uimh. 10 d’Iarscríbhinn I de Rialachán (AE) 2023/888, a chur ar neamhní;

—

a ordú don Chomhairle méid EUR 100 000 a íoc, ar bhonn sealadach, mar chúiteamh ar an damáiste neamhábhartha a bhain don iarratasóir;

—

a ordú don Chomhairle na costais a íoc.

1.

An chéad saincheist dlí, lena n-éilítear go bhfuil Cinneadh (CBES) 2023/891 agus Rialachán (AE) 2023/888 neamhdhleathach. Tá Cinneadh (CBES) 2023/891 agus Rialachán (AE) 2023/888, lena bhféachtar leis na critéir a chinneadh ar a mbonn a cuireadh ainm an iarratasóra ar an liosta atá i gceist, neamhdhleathach agus, dá bhrí sin, ní mór a dhearbhú nach bhfuil siad infheidhme ar bhonn Airteagal 277 CFAE. Chun tacú leis an bpléadáil neamhdhleathachta sin, ardaíonn an t-iarratasóir trí chuid, lena líomhnaítear sárú ar Airteagail 2 agus 8, agus ar Airteagal 21(1) CAE, ar phrionsabail na comhréireachta agus na deimhneachta dlíthiúla agus ar mhí-úsáid cumhachtaí.

2.

An dara saincheist dlí, lena n-éilítear sárú ar an gceart chun cosaint bhreithiúnach éifeachtach a fháil agus ar an oibleagáid atá ar an gComhairle cúiseanna a lua. Maíonn an t-iarratasóir go bhfuil sárú ar a ceart chun cosaint bhreithiúnach éifeachtach a fháil agus ar an oibleagáid atá ar an gComhairle cúiseanna a lua, ar an bhforas nach gcuireann an fhianaise arna soláthar ag an gComhairle ar a cumas í féin a chosaint. Cuireann sí in iúl nach gcuireann an ráiteas ar na cúiseanna arna soláthar ag an gComhairle ar a cumas tuiscint a fháil ar conas agus cén fáth a bhfuil na critéir sin infheidhme maidir léi.

3.

An tríú saincheist dlí lena n-éilítear earráid fhollasach measúnaithe ón gComhairle. Measann an t-iarratasóir go ndearna an Chomhairle earráid fhollasach measúnaithe nuair a chinn sí go raibh ‘baint aici le Ilan Shor’ (Airteagal 1(1)(b) de Chinneadh (CBES) 2023/891 ón gComhairle an 28 Aibreán 2023).

4.

An ceathrú saincheist dlí, lena n-éilítear sárú ar phrionsabal na comhréireachta agus ar chearta bunúsacha. Measann an t-iarratasóir gur thug an Chomhairle neamhaird ar phrionsabal na comhréireachta agus sháraigh sí an iomarca a cearta bunúsacha, trí na bearta sriantacha ina coinne a ghlacadh.