1.

Ar cheart go dtuigfí go gciallaíonn critéar an taobhaithe atá in Airteagal 107(1) den Chonradh ar Fheidhmiú an Aontais Eorpaigh gur cheart cúiteamh bliantúil arna íoc ag údarás Stáit le cuideachta chomhstoic chathrach as acmhainní Stáit faoi chomhaontú mar cúiteamh do ghealltanas na cuideachta seirbhís áirithe a sholáthar saor in aisce, sa chás seo oibríochtaí glasála, ar gearradh táillí ina leith go dtí gur tugadh an comhaontú i gcrích,

2.

Ar cheart comhaontú maidir le cúiteamh bliantúil arna íoc ag údarás Stáit le cuideachta chomhstoic chathrach as acmhainní Stáit mar chúiteamh ar ghealltanas na cuideachta seirbhís a sholáthar saor in aisce lasmuigh d’earnáil na talmhaíochta, sa chás seo oibríochtaí glasála, i gcás ina raibh an comhaontú a tugadh i gcrích roimh aontachas na Sualainne leis an Aontas Eorpach agus nár tugadh fógra ina leith don Choimisiún, a mheas mar chabhair atá ann cheana nach mór, i gcomhréir le hAirteagal 1(b)(i) de Rialachán (AE) 2015/1589 (1) ón gComhairle an 13 Iúil 2015 lena leagtar síos rialacha mionsonraithe maidir le hAirteagal 108 den Chonradh ar Fheidhmiú an Aontais Eorpaigh a chur i bhfeidhm, a mheas mar chabhair dhleathach ar choinníoll nach mbeidh an Coimisiún den tuairim nach bhfuil an chabhair ag luí leis an margadh inmheánach?

3.

Má fhreagraítear go dearfach ceist 2, ar cheart a mheas mar sin féin gur cabhair nua an cúiteamh bliantúil sin más rud é, ar roinnt ócáidí tar éis aontachas na Sualainne leis an Aontas Eorpach, gur cuireadh síneadh cúig bliana leis an gcomhaontú diaidh ar ndiaidh, i gcomhréir leis na téarmaí bunaidh, in éagmais fógra foirceanta agus athraíodh an cúiteamh bliantúil do gach tréimhse cúig bliana nua, go páirteach i bhfianaise an phraghasinnéacs tomhaltóirí agus go páirteach i bhfianaise mhéid na seirbhíse a soláthraíodh saor in aisce le linn na tréimhse comhaontaithe roimhe seo, sa chás seo an méid tráchta in oibríochtaí glasála?