1)

An bhfuil feidhm ag Airteagal 5(1) de Threoir 2014/104/AE ó Pharlaimint na hEorpa agus ón gComhairle (1) an 26 Samhain 2014 maidir le caingean i ndáil le rochtain ar fhianaise sula dtionscnaítear caingean i leith damáistí de réir bhrí Airteagal 2(4) den Treoir sin?

I gcás go dtugtar freagra dearfach ar an gceist roimhe seo:

2)

An bhforchuirtear i gcónaí leis an gceanglas maidir le sochreidteacht an éilimh ar dhamáistí a leagtar síos le hAirteagal 5(1) de Threoir 2014/104/AE ó Pharlaimint na hEorpa agus ón gComhairle an 26 Samhain 2014 go léireodh an t-iarratasóir, sa chás atá i gceist, gur mó is dócha ná a mhalairt go ndearnadh dochar do na tomhaltóirí ábhartha, eadhon siúd a bhfuil cónaí orthu sa Phortaingéil sa chás seo?

3)

An féidir le cúirteanna náisiúnta an critéar maidir le sochreidteacht an éilimh ar dhamáistí a leagtar síos le hAirteagal 5(1) de Threoir 2014/104/AE ó Pharlaimint na hEorpa agus ón gComhairle an 26 Samhain 2014 a bhunú ar an bhfíoras gur ghlac na húdaráis náisiúnta inniúla cinneadh? Go háirithe, chun críocha a leithéide d’anailís, cén tionchar a bheadh ann i gcás inar glacadh leis an gcinneadh atá i gceist mar chuid de nós imeachta socraíochta maidir le sárú ingearach de réir cuspóra ar dhlí iomaíochta an Aontais Eorpaigh?