Breithiúnas na Cúirte Ginearálta an 29 Bealtaine 2024 – Hypo Vorarlberg Bank v BRA (Ranníocaíochtaí ex ante 2022)

(Cás T-395/22) (1)

(Aontas eacnamaíoch agus airgeadaíochta - Aontas baincéireachta - Sásra Réitigh Aonair le haghaidh institiúidí creidmheasa agus gnólachtaí infheistíochta áirithe (SRA) - Cinneadh BRA maidir le ríomh na ranníocaíochtaí le haghaidh 2022 - Spriocleibhéal bliantúil CRA a chinneadh - Uasteorann dá bhforáiltear leis an gcéad fhomhír agus leis an gceathrú fomhír d’Airteagal 70(2) de Rialachán (AE) Uimh. 806/2014 - Airteagal 291(2) CFAE - Airteagal 70(7) de Rialachán Uimh. 806/2014 - Rialachán Cur Chun Feidhme (AE) 2015/81 - Cumhachtaí Cur Chun Feidhme a shanntar don Chomhairle - Cásanna sonracha cuí-réasúnaithe - Raon fheidhme Chumhachtaí Cur Chun Feidhme - Éifeachtaí an bhreithiúnais a theorannú ó thaobh ama de)

(C/2024/4325)

Teanga an cháis: an Ghearmáinis

Páirtithe

Iarratasóir: Hypo Vorarlberg Bank AG (Bregenz, an Ostair) (ionadaithe: G. Eisenberger, A. Brenneis agus J. Holzmann, Dlíodóirí)

Cosantóir: An Bord Réitigh Aonair (ionadaithe: J. Kerlin, C. Flynn, D. Ceran, T. Wittenberg agus K.-P. Wojcik, Gníomhairí, le cúnamh ó B. Meyring agus T. Klupsch, Dlíodóirí)

Idiragraithe chun tacú leis na cosantóirí: Parlaimint na hEorpa (ionadaithe: J. Etienne, G. Bartram agus M. Menegatti, Gníomhairí), an Chomhairle Eorpach (ionadaithe: J. Haunold, J. Bauerschmidt agus A. Westerhof Löfflerová, Gníomhairí)

Ábhar

Trína chaingean de bhun Airteagal 263 CFAE, iarrann an t-iarratasóir go gcuirfí Cinneadh SRB/ES/2022/18 ón mBord Réitigh Aonair (BRA) an 11 Aibreán 2022, maidir le ríomh na ranníocaíochtaí ex ante 2022 leis an gCiste Réitigh Aonair (CRA) ar neamhní, a mhéid a bhaineann sé leis an iarratasóir.

An chuid oibríochtúil

1)	Cuirtear Cinneadh SRB/ES/2022/18 ón mBord Réitigh Aonair (BRA) an 11 Aibreán 2022, maidir le ríomh na ranníocaíochtaí ex ante leis an gCiste Réitigh Aonair (CRA) ar neamhní a mhéid a bhaineann sé le Hypo Vorarlberg Bank AG.

Déantar na héifeachtaí a eascraíonn ó Chinneadh SRB/ES/2022/18 a chothabháil a mhéid a bhaineann siad le Hypo Vorarlberg Bank go dtí go nglacfar na bearta is gá chun an breithiúnas seo a chur chun feidhme, agus laistigh de thréimhse réasúnach ama nach féidir a bheith níos faide ná sé mhí ón dáta a thiocfaidh an breithiúnas seo chun bheith críochnaitheach.

3)	Ordaítear do BRA a chostais féin, agus na costais arna dtabhú ag Hypo Vorarlberg Bank a íoc.

4)	Ordaítear do Pharlaimint na hEorpa agus don Chomhairle Eorpach a gcostais féin a íoc.

(1) IO C 368, 26.9.2022.