Iarraidh ar réamhrialú ón Varhoven administrativen sad (an Bhulgáir) a taisceadh an 27 Márta 2024 – Brose Prievidza spol. v Direktor na Direktsia ‘Obzhalvane i danachno-osiguritelna praktika’ – Sóifia

(Cás C-234/24, Brose Prievidza)

(C/2024/4308)

Teanga an cháis: an Bhulgáiris

An chúirt a rinne an tarchur

Varhoven administrativen sad

Páirtithe sna príomhimeachtaí

Achomharcóir ar phointe dlí: Brose Prievidza spol.

Freagróir ar phointe dlí: Direktor na Direktsia ‘Obzhalvane i danachno-osiguritelna praktika’ – Sóifia

An cheist a tharchuirtear:

An ndéantar foráil le Treoir 2008/9 (1) maidir le ceart chun aisíocaíocht a fháil ar CBL íoctha a éilíonn faighteoir soláthair trealaimh (uirlisiú) i gcás nár fhág na hearraí atá i gceist críoch Bhallstát an tsoláthróra agus go ndearnadh soláthar na huirlise a dheighilt go saorga ó sholáthairtí earraí laistigh den Chomhphobal a monaraíodh leis an trealamh sin don fhaighteoir céanna?

---

(1)  Treoir 2008/9/CE ón gComhairle an 12 Feabhra 2008 lena leagtar síos rialacha mionsonraithe maidir le haisíocaíocht cánach breisluacha, dá bhforáiltear i dTreoir 2006/112/CE, le daoine inchánach nach bhfuil bunaithe i mBallstát an aisíoca ach atá bunaithe i mBallstát eile (IO 2008 L 44, lch. 23).