Ordú na Cúirte Ginearálta an 2 Bealtaine 2024 – Kiene agus páirtithe eile v an Pharlaimint agus an Chomhairle

(Cás T-419/23)  (1)

(Caingean le haghaidh neamhniú - Comhshaol - Rialachán (AE) 2023/851 - Caighdeáin feidhmíochta le haghaidh astaíochtaí dé-ocsaíde carbóin - Gluaisteáin nua paisinéirí - Astaíochtaí lasmuigh d’úsáid na feithicle a chur san áireamh - Breoslaí sintéiseacha atá neodrach ó thaobh dé-ocsaíd charbóin de - Gníomh reachtach - Easpa cúraim aonair - Do-ghlacthacht)

(C/2024/3778)

Teanga an cháis: an Ghearmáinis

Páirtithe

Iarratasóirí: Lorenz Kiene (Hoya, an Ghearmáin), Classic Tankstellen GmbH & Co. KG (Hoya), eFuel GmbH (Hoya), eFuel Projektentwicklung GmbH (Hoya) (ionadaithe: A. Dlouhy, E. Macher agus M. Soppe, Dlíodóirí)

Cosantóirí: Parlaimint na hEorpa (ionadaithe: L. Taïeb agus W. Kuzmienko, Gníomhairí), Comhairle an Aontais Eorpaigh (ionadaithe: N. Brzezinski agus L. Hamtcheva, Gníomhairí)

Ábhar

Lena gcaingean de bhun Airteagal 263 CFAE, iarrann na hiarratasóirí go gcuirfí Airteagal 1(1) de Rialachán (AE) 2023/851 ó Pharlaimint na hEorpa agus ón gComhairle an 19 Aibreán 2023 lena leasaítear Rialachán (AE) 2019/631 a mhéid a bhaineann leis na caighdeáin feidhmíochta maidir le hastaíochtaí CO2 a láidriú do ghluaisteáin nua paisinéirí agus d’fheithiclí tráchtála éadroma nua i gcomhréir le huaillmhian aeráide mhéadaithe an Aontais (IO 2023 L 110, lch. 5), ar neamhní.

An chuid oibríochtúil

1.	Díbhtear don chaingean toisc í a bheith do-ghlactha.

2.	Ní gá breith a thabhairt a thuilleadh ar na hiarratais ar idiragairt arna dhéanamh ag an gCoimisiún Eorpach agus ag Éirinn.

3.	Ordaítear do Lorenz Kiene, Classic Tankstellen GmbH & Co. KG, eFuel GmbH agus eFuel Projektentwicklung GmbH na costais, seachas na costais a bhaineann leis na hiarratais ar idiragairt, a íoc.

4.	Ordaítear don Choimisiún agus d'Éirinn araon a gcostais féin a bhaineann leis na hiarratais ar idiragairt a íoc.

---

(1)   IO C 321, 11.9.2023.