Iarraidh ar réamhrialú ó Sofiyski gradski sad (an Bhulgáir) a taisceadh an 11 Eanáir 2024 – Imeachtaí coiriúla i gcoinne YR, WV, AN, WY

(Cás C-16/24, Sinalov  (1) )

(C/2024/2590)

Teanga an cháis: an Bhulgáiris

An chúirt a rinne an tarchur

Sofiyski gradski sad

Páirtithe sna príomhimeachtaí

YR, WV, AN, WY

An cheist a tharchuirtear

An luíonn sé le hAirteagal 19[(1)(2)] CAE agus Airteagal 47 den Chairt, léiriú a dhéanamh ar dhlí náisiúnta lena ndéantar foráil, mar phrionsabal um riaradh an cheartais, maidir le breithiúna a roghnú go randamach chun a chinneadh cé a éistfidh agus a bhreithneoidh cás coiriúil, sa chaoi, i gcás amhrais i dtaobh an ndearnadh sárú ar an bprionsabal sin i gcás atá sannta cheana ag an gCeann Riaracháin, nach mór an t-amhras sin a réiteach:

1.	mar cheist bhreithiúnach agus go gcinneann an chúirt a dhéileálann leis an gcás í, fiú tar éis di na páirtithe a éisteacht agus ar achomharc; nó

2.	mar cheist riaracháin sa chaoi nach bhfuil sé de chumhacht ach ag an gCeann Riaracháin an measúnú sin a dhéanamh;

agus léiriú a dhéanamh sa chaoi go ndéanann, má mheasann an breitheamh ar sannadh an cás dó nó di gur cheart do bhreitheamh eile, i gcomhréir leis an bprionsabal sin, déileáil leis an gcás agus go ndéantar an cás a tharchur chuig an mbreitheamh sin, agus má chinneann an dara breitheamh a fuair an cás éisteacht ar dtús leis na páirtithe i nós imeachta sáraíochta agus ansin cinneadh neamhspleách a dhéanamh maidir le ceist a dhlínse féin nó a dlínse féin, an bheirt bhreithiúna sin cion araíonachta a mhéid a dhéanann siad dochar do chlú na mbreithiúna agus go bhfuil a ndualgais oifigiúla á sárú?

---

(1)  Tá ainm bréagach in úsáid sa chás seo nach bhfreagraíonn d'fhíor-ainm páirtí sna himeachtaí.