Breithiúnas na Cúirte Breithiúnais (an Tríú Dlísheomra) an 29 Feabhra 2024 (iarraidh ar réamhrialú ón Verwaltungsgerichtshof – an Ostair) – Bundesamt für Fremdenwesen und Asyl v JF

(Cás C-222/22 (1), Bundesamt für Fremdenwesen und Asyl (Iompú reiligiúin níos déanaí))

(Tarchur chun réamhrialú - Limistéar saoirse, slándála agus ceartais - Comhbheartas tearmainn - Treoir 2011/95/AE - Coinníollacha maidir le bheith in ann tairbhiú de chosaint idirnáisiúnta - Ábhar na cosanta sin - Airteagal 5 - Riachtanais cosanta idirnáisiúnta a thagann chun cinn sur place - Iarratas ina dhiaidh sin ar aitheantas ar stádas dídeanaí - Airteagal 5(3) - Coincheap ‘imthosca a chruthaigh an t-iarratasóir, dá chuid féin, tar éis imeacht óna thír thionscnaimh’ - Intinn mhaslach agus saothrú an nós imeachta is infheidhme - Gníomhaíochtaí sa Bhallstát óstach nach ionann iad agus tuairimí nó treoshuímh atá ar taispeáint cheana féin sa tír thionscnaimh a chur in iúl agus a leathnú - Iompú reiligiúin)

(C/2024/2389)

Teanga an cháis: an Ghearmáinis

An chúirt a rinne an tarchur

Verwaltungsgerichtshof

Páirtithe sna príomhimeachtaí

Iarratasóir: Bundesamt für Fremdenwesen und Asyl

Cosantóir: JF

An chuid oibríochtúil

Maidir le hAirteagal 5(3) de Threoir 2011/95/AE ó Pharlaimint na hEorpa agus ón gComhairle an 13 Nollaig 2011 maidir le caighdeáin i dtaca le cáiliú náisiúnach tríú tír nó daoine gan stát mar thairbhithe de chosaint idirnáisiúnta, ar mhaithe le stádas aonfhoirmeach do dhídeanaithe nó do dhaoine atá incháilithe le haghaidh cosanta coimhdí, agus inneachar na cosanta a thugtar,

ní mór léiriú a dhéanamh mar seo a leanas:

cuirtear cosc leis ar rialachán náisiúnta lena gcuirtear aitheantas ar stádas dídeanaí faoi réir iarratais iardain, de réir bhrí Airteagal 2(q) de Threoir 2013/32/AE ó Pharlaimint na hEorpa agus ón gComhairle an 26 Meitheamh 2013 maidir le nósanna imeachta coiteanna chun cosaint idirnáisiúnta a dheonú agus a tharraingt siar, bunaithe ar riosca géarleanúna a eascraíonn as imthosca a chruthaigh an t-iarratasóir uaidh féin, tar éis dó a thír thionscnaimh a fhágáil, ar an gcoinníoll gur ionann na himthosca sin agus léiriú agus leanúint d’áitiúis a bhí aige cheana sa thír thionscnaimh.

---

(1)   IO C 244, 27.6.2022.