1.   

An 13 Feabhra 2024, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—	MSD Hospitality Partners, L.P. (‘MSD HP’, na Stáit Aontaithe), faoi rialú BDT & MSD Holdings (na Stáit Aontaithe),

—	ARC Capital Holdings LLC (‘ARC Capital’, na Stáit Aontaithe), fochuideachta de chuid Friedkin Capital Partners L.L.C. (‘FCP’, na Stáit Aontaithe),

—	Auberge Resorts LLC (‘Auberge Resorts’, na Stáit Aontaithe), atá faoi rialú aonair FCP faoi láthair.

Gheobhaidh MSD HP agus ARC Capital rialú comhpháirteach, de réir bhrí Airteagal 3(1)(b) agus 3(4) den Rialachán um Chumaisc, ar Auberge Resorts.

Baintear an comhchruinniú amach trí bhíthin ceannach scaireanna.

2.   

Is iad seo a leanas gníomhaíochtaí gnó na ngnóthas lena mbaineann:

—	Is ciste infheistíochta eastáit réadaigh é MSD HP a dhíríonn ar infheistíochtaí i bhfáilteachas ardchaighdeáin an tsó agus sócmhainní réadmhaoine a bhaineann le fáilteachas,

—	Is fochuideachta de chuid FCP é ARC Capital, a shealbhaíonn, go díreach agus go hindíreach, infheistíochtaí sa tionscal fáilteachais.

3.   

Is iad seo a leanas gníomhaíochtaí gnó an ghnóthais Auberge Resorts: Is cuideachta fáilteachais é Auberge Resorts, a oibríonn óstáin, ionaid saoire agus áiteanna cónaithe i Meiriceá Thuaidh agus Láir, an Fhrainc, an Ghréig, agus óstán san Iodáil atá le hoscailt d’aíonna in 2024.

4.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le cóireáil shimplithe le haghaidh comhchruinnithe áirithe faoi Rialachán (CE) Uimh. 139/2004 ón gComhairle maidir le comhchruinnithe a rialú idir gnóthais (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

5.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.11483 — MSD HOSPITALITY / ARC CAPITAL / AUBERGE RESORTS

Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:

Ríomhphost: COMP-MERGER-REGISTRY@ec.europa.eu

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË