Rapóirtéir:

Rudy DE LEEUW

Comhrapóirtéir:

Arnold PUECH d’ALISSAC

1.1.

1.2.

1.3.

1.4.

1.5.

1.6.

1.7.

2.1.

2.2.

2.3.

2.4.

2.5.

3.1.

—

Gné shóisialta a thabhairt isteach d’obair na bhFaireachlann Aeráide agus Faireachlann AE um Aistriú Cóir a bhunú a bheidh freagrach as taighde, bailiú sonraí, faireachán ar rannpháirtíocht geallsealbhóirí agus Scórchlár um Aistriú Cóir a fhorbairt ina leagfar amach modheolaíochtaí, spriocanna agus próisis faireacháin bunaithe ar shraith prionsabal a comhaontaíodh. Ba cheart don Fhaireachlann measúnú a dhéanamh ar thionchair inmheánacha agus sheachtracha agus iad a réamh-mheas agus faireachán a dhéanamh ar phróisis agus ar straitéisí um aistriú cóir trí úsáid a bhaint as sonraí cainníochtúla agus cáilíochtúla. Ba cheart dó taighde agus faireachán a dhéanamh ar rannpháirtíocht na gcomhpháirtithe sóisialta i ngach céim den aistriú agus faisnéis mhionsonraithe a sholáthar maidir le huimhreacha iomarcaíochta agus aistrithe, athoiliúint agus uimhreacha printíseachta, cistiú poiblí, agus faireachán, forfheidhmiú agus torthaí teagmhas.

—

Cur chuige uile-rialtais a ghlacadh sna hinstitiúidí, lena n-áirítear cuspóirí agus prionsabail JTPF a chomhtháthú i gclár oibre na n-aireachtaí ábhartha, na nArd-Stiúrthóireachtaí agus foirmíochtaí na Comhairle, agus comhordú níos fearr eatarthu a chur chun cinn, lena n-áirítear faireachán agus meastóireacht chomhpháirteach ar bheartais agus ar ghníomhaíochtaí trí mheithleacha, cruinnithe comhpháirteacha na Comhairle, etc., faoi threoir na bhfíricí agus na bhfigiúirí arna soláthar ag an bhFaireachlann um Aistriú Cóir.

—

Leas-Uachtarán Feidhmiúcháin an Choimisiúin Eorpaigh agus an Coimisinéir um an gComhaontú Glas don Eoraip mar Choimisinéir um Aistriú Cóir a cheapadh, agus sainordú aige nó aici aistriú cóir a chur chun feidhme i gcomhordú agus i ndlúthchomhar le hArd-Stiúrthóireachtaí eile an Choimisiúin Eorpaigh, agus le foirmíochtaí de chuid na Comhairle, an Seimeastar Eorpach ina measc. I bParlaimint na hEorpa, rapóirtéir buan a cheapadh i dtaobh leis an aistriú cóir le hoibleagáidí tuairiscithe agus aistriú cóir a chomhtháthú i ngach coiste agus comhad.

—

Athbhreithniú a dhéanamh ar an Rialachán maidir le Rialachas an Aontais Fuinnimh agus na Gníomhaíochta Aeráide (10), sin agus dlí aeráide na hEorpa, chun cur chuige córasach i leith idirphlé rialachais il-leibhéil a chumasú agus chun comhtháthú breithnithe a bhaineann le haistriú cóir a éascú i bpleanáil agus i bpróisis bheartais aeráide agus fuinnimh, mar aon le gach réimse beartais eile, lena n-áirítear an Comhbheartas Talmhaíochta.

—

Comhtháthú beartas a áirithiú ó thaobh chaidreamh idirnáisiúnta an Aontais de chun na tairbhí a bhaineann le JTPF a fheabhsú agus chun teorainn a chur leis na hualaí a ghabhann le JTPF do thríú tíortha, trí chomhpháirtíochtaí agus trí chomhaontuithe idirnáisiúnta a rachaidh chun tairbhe an dá thaobh a mbeidh cur chuige bunaithe ar chearta an duine mar bhonn taca leo (11).

4.1.

4.2.

—

An Comhaontú Glas don Eoraip a neartú chun feabhas a chur ar aistriú cóir (16) agus chun a áirithiú go ndéanfar obair leantach air le straitéis chuimsitheach AE maidir le forbairt inbhuanaithe a chuimseoidh an Comhaontú Glas agus Sóisialta leis an aistriú glas riachtanach a thuar, a phleanáil agus a chur chun feidhme ar bhealach cóir cothrom, leis an leas is fearr is féidir a bhaint as tairbhí eacnamaíocha agus sóisialta an aistrithe agus lena n-áiritheofar go roinnfear na ranníocaíochtaí is gá ar fud na sochaí go cothrom san am céanna.

—

Cur chun feidhme ghnéithe comhshaoil agus sóisialta an tSeimeastair Eorpaigh a neartú trí choinníollachtaí sóisialta agus comhshaoil a fhiosrú, trína áirithiú go dtabharfar an aird chuí ar na trí ghné sna moltaí tírshonracha, agus trí fheabhas a chur ar an Scórchlár Sóisialta chun faireachán éifeachtach a dhéanamh ar chur chun feidhme Cholún Eorpach na gCeart Sóisialta.

·

Athchóiriú ar an gComhshocrú Cobhsaíochta agus Fáis chun faireachán, comhordú agus éascú a dhéanamh ar an gcaiteachas agus ar na hathchóirithe is gá chun cuspóir an aistrithe chóir a bhaint amach, lena n-áirítear féidearthacht eile mar atá ‘riail óir le haghaidh infheistíochta’ (17) a thabhairt isteach chun go mbeidh na Ballstáit in ann acmhainní leordhóthanacha a leithdháileadh chun tacú le haistriú cóir agus chun spriocanna an Aontais a bhaint amach (18).

—

Ag cur leis an tógáil a rinne Comhairle an Aontais Eorpaigh, féachaint an bhféadfaí ‘Creat um Chóineasú Sóisialta’ a thabhairt isteach sa Seimeastar Eorpach, creat a bheadh dírithe ar chóineasú sóisialta aníos a chur chun cinn agus tosaíochtaí sóisialta a shaothrú, atá scríofa i gColún Eorpach na gCeart Sóisialta, faoi mar a d’athdhearbhaigh Cinn Stáit agus Rialtais an Aontais i nDearbhú Porto 2021 (19).

·

Straitéis uaillmhianach AE a ghlacadh chun acmhainní a bhainistiú ar bhealach inbhuanaithe agus chun an t-éileamh ar fhuinneamh agus ar acmhainní ábhartha eile a laghdú trí éifeachtúlacht fuinnimh agus bearta leordhóthanachta a chur chun cinn, rud lena n-áiritheofar nach mbeidh tionchar díréireach aige sin ar dhaoine atá ar ioncam íseal agus ar meánioncam.

—

Na Ballstáit a spreagadh chun cleachtais maidir le buiséadú glas a ghlacadh, lena n-áirítear treochláir chun deireadh a chur de réir a chéile le fóirdheontais dhíreacha agus indíreacha do bhreoslaí iontaise, rud a chruthóidh spás fioscach breá chun tacú le daoine a bhfuil bochtanas fuinnimh orthu agus le daoine atá ar ioncam íseal go háirithe.

·

Forbairt straitéisí láidre náisiúnta a spreagadh lena ndírítear ar thimpeallacht chumasúcháin a chruthú don gheilleagar sóisialta sna Ballstáit, riachtanais airgeadais ghníomhaithe an gheilleagair shóisialta nach bhfuiltear ag freastal orthu a scaoileadh agus tacú leis an aistriú i dtreo tomhaltas atá níos freagraí ó thaobh an chomhshaoil de, agus níos freagraí ar bhonn sóisialta, dámhachtain na gconarthaí poiblí san áireamh.

5.1.

—

Na Ballstáit a spreagadh chun an moladh ón gComhairle a chur chun feidhme ina iomláine maidir le haistriú cothrom i dtreo na haeráidneodrachta a áirithiú (20).

·

Taighde neamhspleách a dhéanamh chun feabhas a chur ar an eolas faoi na deiseanna agus na dúshláin atá ag gabháil leis an aistriú glas, agus sonraí inchomparáide ar fud an Aontais a bhailiú agus rannchuidiú lena bhforbairt i dtaca le riachtanais daoine leochaileacha i limistéir lena mbaineann beartais maidir leis an aistriú glas — iompar, tithíocht, soláthar fuinnimh, tomhaltas teaghlaigh, bainistiú dramhaíola, an margadh saothair, oideachas, rochtain ar an idirlíon, forbairt uirbeach agus tuaithe, etc.

·

Tabhairt faoi mheasúnuithe tionchair chun na tionchair shóisialta, dáileacháin, sláinte agus fostaíochta is dócha a bheidh ag an ngníomhú ar son na haeráide agus ag neamhghníomhaíocht araon a thomhas go críochnúil.

·

Cur chuige trasnach agus íogair ar inscne a ghlacadh maidir le ceapadh beartais agus anailís, agus aird ar na cineálacha trasnacha idirdhealaithe a bhíonn le sárú ag daoine ar bhonn eitneach agus cine; stádas imirceach nó dídeanaí; cúlra socheacnamaíoch; claonadh gnéis; reiligiún; aois; cumas; inscne, etc., rudaí a fhágann gur leochaileach dóibh i bhfianaise ghéarchéim na haeráide agus an aistrithe ghlais.

—

Rannpháirtíocht fhiúntach na ndaoine atá i lúba na bochtaineachta leis an eisiamh sóisialta a áirithiú, lena n-áirítear grúpaí mionlaigh, i gceapadh, i gcur chun feidhme, i bhfaireachán agus i meastóireacht na mbeartas agus na straitéisí um aistriú cóir.

5.2.

—

Treoir Eorpach a bhunú maidir le haistriú cóir shaol na hoibre trí athrú a réamh-mheas agus a bhainistiú, agus an t-idirphlé sóisialta agus an chómhargáil a bheith mar phrionsabail phríomha.

·

Mapáil chuimsitheach fostaíochta a dhéanamh ar leibhéal NUTS 3 lena dtacaítear le straitéisí um aistriú cóir agus lena mapáiltear fostaíocht reatha, próifílí post agus scileanna, caillteanais post a d’fhéadfadh a bheith ann agus cruthú fostaíochta lena n-áirítear próifílí nua post agus scileanna;

—

Tacú le beartais ghníomhacha a chur ar bun maidir leis an margadh saothair, lena n-áirítear bainc fostaíochta, cúnamh sóisialta agus cláir Ráthaíochta maidir le Poist, chun fostaíocht ardcháilíochta, dálaí oibre agus deiseanna athoiliúna a chur chun cinn.

·

Na Ballstáit a spreagadh chun aistriú oibrithe a d’fhéadfadh a bheith an-leochaileach don aistriú a éascú agus a áirithiú go bhfaighidh na hoibrithe a cuireadh ar iomarcaíocht mar thoradh ar an aistriú sochair dífhostaíochta tacaíocht leordhóthanach le cuardach poist agus le hathcháiliú.

—

An ról a aithint a d’fhéadfadh a bheith ag gníomhaíochtaí cúraim, cuir i gcás, go háirithe obair tí, an geilleagar neamhfhoirmiúil, an geilleagar sóisialta, obair ardáin, obair gan doiciméid agus obair sna príosúin mar chuid d’aistriú cóir.

·

Faireachán agus measúnú a dhéanamh ar chórais cosanta sóisialta d’fhonn a gcuid leordhóthanachta a áirithiú, go háirithe i gcás oibrithe leochaileacha atá i mbaol na bochtaineachta nó atá ag maireachtáil i lúba na bochtaineachta.

—

Córais cosanta sóisialta a neartú trí bhíthin taighde ar chláir nuálacha mar aon le bearta náisiúnta, an chómhargáil, mar shampla, sin agus pá íosta leordhóthanach, an rochtain ar chosaint shóisialta do chách, cláir shóisialta do dhaoine dífhostaithe, agus tuilleadh seifteanna nach iad.

—

Féachaint an bhféadfaí tionscnaimh a fhorbairt atá cosúil leis an Ionstraim Eorpach le haghaidh tacaíocht shealadach chun rioscaí dífhostaíochta a mhaolú i gcás éigeandála (SURE) le haghaidh na n-earnálacha is mó a ndéantar difear dóibh.

—

An margadh saothair a chur in oiriúint do riachtanais shonracha oibrithe faoi mhíbhuntáiste trí thacú le Fiontair Shóisialta maidir le Lánpháirtiú na hOibre agus trí thionscnaimh mar na Criosanna Dífhostaíochta Nialasacha a mhéadú, lena n-áirithítear gur ar bhonn deonach a bheidh an rannpháirtíocht i gcláir dá leithéid sin gan aon iarmhairtí diúltacha.

—

A áirithiú go n-oibreoidh údaráis náisiúnta le soláthraithe neamhbhrabúis agus le soláthraithe seirbhíse sóisialta eile chun teaghlaigh leochaileacha agus daoine aonair leochaileacha a shainaithint agus chun tacú leo agus chun rochtain a fháil ar bhearta sealadacha mar éiceadhearbháin, tacaíocht ioncaim dhíreach, etc.

5.3.

—

Aghaidh a thabhairt ar an nganntanas scileanna in earnálacha criticiúla agus a áirithiú go mbeidh scéimeanna foghlama, uas-scilithe agus athscilithe inrochtana do gach aoisghrúpa, cúlra agus stádas fostaíochta, agus go gcuirfear riachtanais mhargadh an tsaothair san áireamh sna próisis sin, go gcomhléireoidh na foghlaimeoirí iad, go ndéanfar iad a chomhordú leis na comhpháirtithe sóisialta agus, i gcás inarb iomchuí, leis an tsochaí shibhialta agus le geallsealbhóirí nach iad.

—

Comhpháirtíochtaí scileanna ar scála mór a spreagadh ar na leibhéil iomchuí idir údaráis phoiblí, soláthraithe oideachais, lucht tionscail agus comhpháirtithe sóisialta, Comhshocrú an Aontais do Scileanna (22), cuir i gcás, chun scileanna a mhapáil agus faisnéis scileanna a fhorbairt chun tacú le straitéisí um aistriú cóir.

—

Na cláir oibre scileanna agus oideachais a chomhtháthú agus an Clár Oibre Scileanna don Eoraip a leathnú leis na príomhinniúlachtaí a thabhairt faoina scáth.

—

Na Ballstáit a spreagadh chun córas cúitimh atá bunaithe ar scileanna a thabhairt isteach le haghaidh cuideachtaí a bhfuil rochtain acu ar chistí poiblí d’oibrithe uas-scilithe, i gcomhaontú leis na comhpháirtithe sóisialta, agus a áirithiú go gcuideoidh na samhlacha maoinithe atá ann faoi láthair le hoiliúint don aistriú glas, na Cuntais Foghlama Aonair, cuir i gcás, sin agus scéimeanna saoire oiliúna íoctha.

—

Curaclaim oideachais (23) agus gairmoideachas agus gairmoiliúint a thabhairt cothrom le dáta maille leis na nithe seo a leanas a dhéanamh níos tarraingtí: scileanna don aistriú glas (24), an eolaíocht, an teicneolaíocht, an innealtóireacht agus an mhatamaitic a dhéanamh níos tarraingtí, saothar láimhe agus printíseachtaí ar bhealach atá freagrúil ó thaobh inscne de, agus athléimneacht na gcóras oideachais agus oiliúna á háirithiú san am céanna.

—

Aitheantas a thabhairt do scileanna agus do cháilíocht na ndídeanaithe agus na n-imirceach.

—

Infheistiú san fhoghlaim fhoirmiúil, sheachfhoirmiúil agus neamhfhoirmiúil agus treoirlínte agus na creataí straitéiseacha atá ann a chur chun cinn chun inniúlachtaí idirdhisciplíneacha a aithint agus a bhailíochtú, agus tacaíocht á tabhairt san am céanna d’oideoirí agus do sholáthraithe foghlama le cistiú leordhóthanach agus deiseanna forbartha gairmiúla.

—

Na creataí inniúlachta atá ann ar leibhéal an Aontais – e.g. na creataí LifeComp (25) agus GreenComp (26), agus na Príomhinniúlachtaí don Fhoghlaim ar Feadh an tSaoil – a fhorbairt agus a chur chun feidhme go héifeachtach, le tacaíocht ó chistiú leormhaith; thairis sin, faireachán a dhéanamh ar na próisis sin trí ionstraimí mar an tSaoráid Téarnaimh agus Athléimneachta agus aon obair leantach eile.

5.4.

·

Dlús a chur le húsáid fuinnimh in-athnuaite, lena n-áirítear trí chreataí reachtacha an Aontais maidir le húinéireacht phoiblí agus geallsealbhóirí agus pobail fuinnimh a thrasuí ar bhealach níos fearr.

·

Dlús a chur leis an tuile athchóirithe maille le haird ar leith ar theaghlaigh agus ar thionóntaí atá ar ioncam íseal, e.g. trí dheontais gan aisíoc, sin agus rátaí úis iomaíocha chun tacú le hathchóiriú an stoic tithíochta. Ba cheart aghaidh a thabhairt ar bhealach leordhóthanach ar an riosca don tionónta atá in athchóiriú an árais agus ar an méadú atá ar luach an chíosa.

·

Córais iompair phoiblí atá éifeachtúil, ilmhódach agus inacmhainne a neartú le hinfheistíocht mhéadaithe i mbonneagar lán-chomhtháite, i rothstoc agus pearsanra, agus sin a dhéanamh trí chomhordú fonáisiúnta, náisiúnta agus idirnáisiúnta ar bhealach níos fearr (27).

6.1.

6.2.

·

Neartú agus faireachán a dhéanamh ar chur chun feidhme na gceart bunúsach atá ag an lucht oibre chun ceardchumainn a chur ar bun agus a bheith gníomhach iontu gan díoltas a tharraingt orthu féin, sin agus an ceart chun cómhargála, lena n-áirítear sna hearnálacha glasa atá ag teacht chun cinn.

—

Gníomhaithe gnó agus cuideachtaí príobháideacha a spreagadh agus tacú leo chun pleananna gearrthéarmacha agus fadtéarmacha le haghaidh aistriú cóir ar leibhéal na cuideachta a fhorbairt agus a chur chun feidhme, tríd an idirphlé sóisialta. Ba cheart é sin a dhéanamh sa bhreis ar phleananna dícharbónaithe iarbhír a fhorbairt, agus é mar aidhm an t-athrú a thuar agus a bhainistiú ar an leibhéal sin agus bonn eolais a chur faoi phleananna earnála agus náisiúnta, trí fhaisnéis chuí, trí chomhairliúchán cuí agus trí rannpháirtíocht chuí oibrithe, i gcomhréir leis na rialacha agus na cleachtais is infheidhme, agus trí oiliúint, ath-sciliú agus uas-sciliú oibrithe. Ba cheart riachtanais fhadtéarmacha fostaíochta agus scileanna a chur san áireamh agus, i gcás inar gá, ba cheart socrúcháin inmheánacha, socrúcháin sheachtracha nó bearta tacaíochta eile a thabhairt i gceist.

·

Forbairt comhaontuithe fadtéarmacha um aistriú cóir a spreagadh ar an leibhéal críochach chun limistéir lena mbaineann athbheochan na gcomhaontuithe sin faoi thionchar geallsealbhóirí éagsúla lena n-áirítear riaracháin phoiblí, comhpháirtithe sóisialta agus an tsochaí shibhialta, agus é mar aidhm éiceachórais thionsclaíocha nua a chur chun cinn ar bhealach cothrom, agus stair áitiúil, cultúr, mianta agus deiseanna á gcur san áireamh.

·

Na Ballstáit a spreagadh chun Coimisiúin um Aistriú Cóir (32) a chruthú ionas go mbeidh na húdaráis réigiúnacha, na comhpháirtithe sóisialta agus eagraíochtaí na sochaí sibhialta in ann páirt a ghlacadh, i gcás inarb iomchuí, i bhforbairt, i gcur chun feidhme agus i bhfaireachán pleananna náisiúnta agus réigiúnacha um aistriú cóir.

·

Caibidlíocht maidir le bearta cosanta sóisialta a éascú san idirphlé sóisialta, chun tacú le hoibrithe atá iomarcach mar thoradh ar an aistriú.

—

Idirphlé sóisialta a spreagadh maidir le saincheisteanna mar oiliúint, agus socruithe a bhaineann le ham agus acmhainní airgeadais, a théann chun tairbhe do na hoibrithe.

6.3.

—

Tacú le cur chun feidhme an idirphlé shibhialta le haghaidh ceapadh beartais, ag díriú ar an bhfothú acmhainneachta agus rannpháirtíocht na sochaí sibhialta eagraithe a phríomhshruthú ag gach céim den timthriall beartais, agus cuimsiú agus for-rochtain grúpaí imeallaithe agus gann-ionadaithe a chur san áireamh, agus ar shásraí leantacha agus cuntasachta a chur chun feidhme.

—

Próisis rannpháirtíochta poiblí a bhunú trína mbíonn geallsealbhóirí áitiúla mar an tsochaí shibhialta agus pobail áitiúla, a dhéanann ionadaíocht ar shaoránaigh, dá éagsúla iad lena chéile, rannpháirteach sa chinnteoireacht, agus an comhar idir an tsochaí shibhialta agus an earnáil phoiblí a chothú a thuilleadh.

—

Rannpháirtíocht shibhialta ón mbun aníos a spreagadh, buiséadú na rannpháirtíochta, mar shampla, sin agus tionóil saoránach, comhairlí fuinnimh don óige, etc., rudaí is ionadaíocht ar gach uile mhíle chineál duine agus aird a thabhairt ar chur chuige inscní agus frithchiníoch.

—

Creat rialachais an tSásra um Aistriú Cóir a neartú chun rannpháirtíocht chuimsitheach na ngeallsealbhóirí uile sa Chiste um Aistriú Cóir a áirithiú, agus chun an Comhshocrú Aeráide Eorpach a fhorbairt a thuilleadh chun daonlathas rannpháirteach fóinteach a chruthú sa ghníomhú ar son na haeráide.

—

Machnamh a dhéanamh ar shimpliú ar an bpróiseas chun tionscnaimh Eorpacha ó na saoránaigh a thíolacadh lena dhéanamh níos éifeachtaí.

—

Cistiú don tsochaí shibhialta a dhéanamh inbhuanaithe, fadtéarmach agus solúbtha i dtéarmaí rialacha agus nósanna imeachta ar an leibhéal Eorpach, náisiúnta, réigiúnach agus áitiúil, agus oscailteacht an spáis shibhialta a ráthú chun obair na sochaí sibhialta a éascú agus a spreagadh.

—

Oibriú le bardais ar thionscadail áitiúla agus réigiúnacha a spreagadh trí thairiscintí um aistriú cóir chun gníomhaíochtaí a fhorbairt mar thurasóireacht inbhuanaithe, athshlánú agus athrú cuspóra a dhéanamh ar limistéir mhianadóireachta agus thionsclaíocha agus ar thionscadail fuinnimh in-athnuaite.

—

Dea-chleachtais a chur ar fáil d’údaráis bhardasacha agus réigiúnacha maidir le conas páirt a ghlacadh i bpróisis aistrithe chóir agus acmhainní forbartha acmhainní agus airgeadais a thabhairt dóibh chun sin a chur i gcrích.

—

Úinéireacht phoiblí ar na Pleananna Críochacha um Aistriú Cóir a chothú.

7.1.

—

Feabhas a chur ar rochtain fhiontair an Aontais ar fhuinneamh slán agus in-athnuaite agus ar úsáid chiorclach an tsoláthair amhábhar, agus dáileadh cothrom acmhainní, aistrithe córa domhanda agus riachtanais na nglún atá le teacht á n-áirithiú san am céanna. Ina theannta sin, dícharbónú, ciorclaíocht agus bainistiú inbhuanaithe acmhainní na ngnólachtaí i ngach earnáil a chur chun cinn, ní hamháin na hearnálacha nó na teicneolaíochtaí sin a bhfuil lipéad ‘glas’ nó ‘glan’ orthu.

—

Beartas an Aontais maidir le sceitheadh carbóin amhail SCCT a fhiosrú agus a fhorbairt d’fhonn na hearnálacha ábhartha uile atá ríthábhachtach do neamhspleáchas straitéiseach oscailte an Aontais agus d’fheidhmeanna riachtanacha na sochaí a chumhdach, agus a áirithiú san am céanna nach ionann sin agus an chaomhnaitheacht, go háirithe i gcás na dtíortha atá i mbéal forbartha.

—

Laistigh den Aontas, an margadh aonair agus a fheidhmiú cuí a neartú ó thaobh trádáil táirgí, teicneolaíochtaí agus seirbhísí de, táirgí, teicneolaíochtaí agus seirbhísí a chuireann a gcomaoin féin ar an aistriú glas agus a chuireann dlús leis dá réir; lasmuigh den Aontas, deiseanna easpórtála a chur chun cinn i gcomhair fhiontair an Aontais chun táirgí agus réitigh inbhuanaithe a chur ar fáil do mhargaí domhanda agus an rannchuidiú a dhéanann siad le cláir chomhpháirtíochta an Aontais le tíortha i mbéal forbartha a éascú.

—

A áirithiú go mbeidh sé ar chumas na ngnólachtaí a bheith láidir athléimneach ach creat beartais agus rialála atá cobhsaí, intuartha agus fadtéarmach a bheith ann. Ba cheart gurbh é toradh a bheadh ar chreat dá leithéid cothrom na Féinne a thabhairt d’fhiontair an Aontais laistigh den mhargadh aonair agus i ndáil lena n-iomaitheoirí idirnáisiúnta, agus ar an gcaoi sin feabhas a chur ar shlándáil eacnamaíoch, athléimneacht agus ceannasacht an Aontais.

—

Treochláir a fhorbairt le haghaidh earnálacha agus gnólachtaí chun dícharbónú a dhéanamh i gcomhréir leis an reachtaíocht ‘Oiriúnach do 55’ agus leis an sprioc aeráide a bheidh ann amach anseo do 2040, agus na huirlisí beartais tionsclaíochta iomchuí a leagan amach chun tionscal agus gnólachtaí a chosaint ar sceitheadh carbóin agus infheistíochta, rud a bheidh faoi réir pleananna dícharbónaithe agus pleananna um aistriú cóir cuideachtaí.

—

Tacaíocht phoiblí a chur ar fáil chun fiontair agus eagraíochtaí an gheilleagair shóisialta a mhéadú go suntasach, agus tionscnaimh faoi stiúir an phobail a dhíríonn ar spriocanna sóisialta agus ar chosaint an chomhshaoil ar bhealach atá cóir.

—

Feabhas a chur ar infhaighteacht na seirbhísí comhairleacha iomchuí agus ardán comhair do MFBManna, lena n-áirítear comharchumainn agus fiontair an gheilleagair shóisialta, chun cabhrú leo freagairt do dhúshláin an dá aistriú, ó thaobh oibríochtaí laethúla, nuálaíochta agus forbairt scileanna de (33).

8.1.

—

Straitéis chistiúcháin an Aontais a bhunú le haghaidh aistriú cóir a chuireann leis na ceachtanna a foghlaimíodh ó chistí an Aontais atá ann faoi láthair, lena n-áirítear an tSaoráid Téarnaimh agus Athléimneachta (RRF), agus lena réiteofar an bealach chun an t-aistriú glas a chistiú go cuí ar bhealach atá cóir go sóisialta, ar aon dul le NextGenerationEU atá ceannródaíoch. Leis an straitéis cistiúcháin AE sin, ní mór a áirithiú go mbeidh cistí AE atá riachtanach chun aghaidh a thabhairt ar na dúshláin a bhaineann le haistriú cóir ar fáil tar éis dheireadh an chistithe téarnaimh in 2026 agus gur leor an cistiú chun sprioc nua 2040 maidir le hastaíochtaí de chuid an Aontais a bhaint amach.

—

Tacú le hathbhreithniú ar an gCreat Airgeadais Ilbhliantúil, rud a mhol an Coimisiún Eorpach cheana, chun níos mó solúbthachta a chur i mbuiséad an Aontais ós amhlaidh a bheidh sé faoi bhrú de bharr na ngéarchéimeanna iomadúla.

—

Cistiú an tSásra agus an Chiste um Aistriú Cóir a mhéadú, agus é a leathnú chuig réigiúin agus earnálacha eile, agus tús áite á thabhairt do na cinn is truaillithe a sainaithníodh ar bhonn measúnú tionchair críochnúil ar sprioc aeráide 2040 an Aontais, agus ar bhonn treochláir earnála um aistriú agus dícharbónú.

—

Maoiniú faoin gCiste Aeráide Sóisialta a mhéadú agus sciar níos substaintiúla den ioncam ó phraghsanna carbóin a thabhairt do theaghlaigh.

—

A áirithiú gur rud é cistiú an Chomhbheartais Talmhaíochta (CBT) mar aon le hionstraimí eile a thugann tacaíocht do chuspóirí aistrithe atá cothrom agus cóir.

—

A áirithiú go ndéanfar measúnú leordhóthanach sna Pleananna Náisiúnta Fuinnimh agus Aeráide nuashonraithe ar an mbearna chaiteachais le haghaidh aistriú cóir, sin agus go dtabharfar aghaidh iontu ar bhealaí maithe chun é a dhúnadh, mapáil a dhéanamh ar gach fóirdheontas breosla iontaise (sainráite agus intuigthe) agus plean faoi cheangal ama a áireamh chun iad a chéimniú amach ar bhealach atá cóir go sóisialta, chun acmhainní poiblí a shaoradh le haghaidh aistriú cóir.

—

Comhleanúnachas agus sineirgí a áirithiú idir sásraí cistiúcháin éagsúla, mar shampla NextGenerationEU/RRF, CSE+ agus cistí comhtháthaithe, agus cistí AE an bheartais infheistíochta glas agus sóisialta is gá le haghaidh aistriú cóir a éascú, faireachán agus comhordú a dhéanamh air, agus cóineasú idir na Ballstáit á chur chun cinn ag an am céanna.

—

A áirithiú go mbeidh an chéad ghlúin eile de chistí an bheartais comhtháthaithe á dtreorú ag prionsabail an aistrithe chóir agus bunaithe ar anailís mhionsonraithe ar leochaileachtaí réimsí éagsúla na hEorpa i leith an aistrithe ghlais.

—

Faireachán a dhéanamh agus tosaíocht a thabhairt chun a áirithiú go dtéann úsáid chistí an Aontais agus cistí náisiúnta chun tairbhe dóibh siúd is mó atá i ngátar, trí bhearta spriocdhírithe do dhaoine leochaileacha.

—

Cur chun feidhme cuí an phrionsabail gurb é údar an truaillithe a íocfaidh as a áirithiú i mbeartais aeráide agus chomhshaoil.

—

Cur chun feidhme rialacha maidir le Státchabhair agus soláthar poiblí a ailíniú le cuspóirí an aistrithe chóir agus a áirithiú go gcomhlíontar na coinníollacha maidir le rochtain ar chistiú poiblí sna Ballstáit agus gur cheart cuideachtaí nach gcomhlíonann oibleagáidí cánach, reachtaíocht chomhshaoil agus saothair a eisiamh ó rochtain ar chistiú poiblí (36).

—

A áirithiú go laghdófar an neamhionannas leis an gcánachas agus go dtreorófar agus go spreagfar gnólachtaí agus daoine aonair chun bearta a dhéanamh a chuirfidh leis an aistriú glas.

—

De bhrí a thábhachtaí atá nuálaíocht theicneolaíoch agus shóisialta i gcomhair an aistrithe chóir, rud lena n-áirithítear dianinfheistíocht phoiblí agus phríobháideach sa taighde agus sa nuálaíocht, bonneagair éifeachtacha Taighde, Forbartha agus Nualaíochta (TFN) agus éiceachórais nuálaíochta san áireamh a bhfuil baint ag tionscnaimh ó na saoránaigh ar an leibhéal áitiúil, gnólachtaí, ceardchumainn, ollscoileanna agus eagraíochtaí taighde leo, chomh maith le geallsealbhóirí ábhartha eile.